جنون تخطي الحدود

6- مـتـحـرش

الحمد لله لقيت نت وقولت انزل بارت تفاعلوا بقى علشان افتحوا نفسي 😄
صلي على خير خلق الله 💙
في إيطاليا
دخل رحيم مكان واسع فيه ناس كتيره من أجناس مختلفه ومعظمهم رجال وكام واحده ست تقريبًا 5 بس وكان حاطط كمامه على وشه ونغم وجورج جنبه ولابسين كمامات برضو تكلم واحد من اللي قاعدين وكان اكبرهم سن
'' أراك يا تايجر معك صحبه جديده ''
رحيم لف ايده على وسط نغم وقال ببرود شديد ونظرات حاده لهؤلاء الرجال الذين ينظرون إلى نغم
'' هذه زوجتي نغم الصياد' ''
واحده منهم قالت بحقد: هل تزوجت تايجر
استغربت نغم نظرات الستات الناريه ليها وهمست لجورج
'' هما هياكلوني ولا ايه ايه النظرات دي ''
جورج بنفس الهمس: هم معجبون بتايجر وكونه تزوج فهم الان يحقدون عليكي
نغم: امممم قولتيلي ماشي
نغم مسكت دراع رحيم وبصت للستات بنظرات ناريه أشد وقالت
'' ماذا الان أليس من المفترض أن نذهب ''
الرجل الكبير ابتسم :حسنا لا تنسى أن تجلب زوجتك معك بالحفل تايجر
رحيم شد نغم لبرا: حسنا سوف نأتي بالليل
نغم باستغراب: حفله حفله ايه؟؟!!
رحيم: حفله سنويه
نغم: مقولتليش اني فيه حفله على الأقل الواحد كان اتشيك
رحيم بصلها: فعلا لازم تتغيري شويه من اللبس الرجالي ده جورج رجعها البيت وانا ورايا كام حاجه وهاجي اخدها
نغم بصتله بغيظ وسمعت جورج بيقول
'' بصراحه وان جيتي للحق معاه حق ''
نغم بشراسه: نعم يعني يقولي اني راجل واسكت
جورج: لآ بس كل البنات اللي حوالين تايجر جمال وشكل ولبس واناقه وانا مش قصدي أنك مش جميله بس شوفي البنات اللي حواليه بيعملوا ايه يلا علشان اوصلك القصر
نغم ابتسمت بمكر: لا قبل ما نروح القصر هنروح مكان الأول
           ~~~~~~~~~~~~~~~~
في مصر
وبالتحديد في المدرسه كان خلاص جيه وقت المرواح
غرام : يعني اتصالحوا كلهم
فارس: اااه تمام الكل اتصالح كالعاده
آسيا: لا انا لسه محدش اتصالح عندي
عمار: لسه سيف وشمس زي ما هما
آسيا: ااااه
أحمد: بس هو هنروح على فين
آسيا: عند جدو عمران
طيف: نهار اسود آسيا بصي
آسيا بصت وشافت آمنه جايه عليها
'' ااااانتي جايه ليه ''
آمنه بغرور: ايه هو مش من حقي كأمك اجي
اسيا بعنف: لا مش من حقك انتي مش من حقك اي حاجه فيا
آمنه بسخريه: لا شكل ست الحسن والجمال ربتك كويس
كلهم وقفوا قدام آمنه جنب آسيا وقال مازن
'' لو سمحتي امشي من هنا ''
آمنه: وانتي هتؤمرني ولا ايه
لين :ااااه هو كده ولا تحبي نبوظلك وشك الحلو ده النهارده
آمنه مشيت وقالت: ابقى سلميلي على مرات أبوكي يا.... يا بنت الجارحي
آمنه مشيت وآسيا عيونها اتملت بالدموع ليه امها طلعت الست دي ليه مش شمس ولا أم حنونه
ريان :آسيا مش بنت الوحش اللي تعيط اوعي تعيطي ابدا
السواق جيه وكانوا عربيتين فقرب واحد منهم وقال
'' آسيا يا بنتي بتعيطي ليه''
آسيا: مـ مفيش يا عم رضا يلا نروح
الأطفال كلهم رجعوا وكان الشباب والبنات قاعدين في الجنينه
دخل الأطفال كلهم وآسيا كانت اولهم وكانت بتجري وهي بتعيط وأول واحده جريت عليها هي شمس اللي اتخضت من منظر آسيا واخدتها في حضنها
'' آسيا مالك بتعيطي كده ليه ''
آسيا كانت بتعيط وبس فقال سيف بخوف على بنته
'' اسيا ردي مين زعلك طيب ''
عدي للولاد: مين اللي زعلها
أنس: امها جات قدام المدرسه قبل ما نروح
شمس تحولت عيونها من الأزرق للاسود وده يدل على سيطره لوسيفر عليها والولاد اتخضوا من شويه كانت زرقاء فقال غيث
'' يا لهوي هي شمس ملبوسه ولا ايه عيونها بقيت سوده كده ليه ''
سيف بص لشمس بحذر: لوسيفر
شمس بصتله وقالت: كنت غلطانه لما سيبتها تعيش وغلاوه دموع بنتي يا سيف لاقتلها
شمس طلعت تجري بسرعه وحاول الكل يوقفها بس هي اخدت العربيه وطلعت بيها بسرعه شديده
ملك: لازم نلحقها لوسيفر هي المسيطره عليها وهتقتلها
مراد: شويه مننا يروح والباقي يقعد مع الولاد علشان ميحصلش زي المره اللي فاتت
اما عند شمس كانت بتسوق بسرعه جنونيه وهي متجه للبيوتي سنتر بتاع آمنه في القاهره لإنها متأكده انها لسه مخرجتش من القاهره وهي عازمه على التخلص من تلك الحيه التي تعكر صفو حياتها
وبعد دقايق وصلت ونزلت بعنف ودخلت المكان وشافت آمنه قاعد وكانت حاطه رجل على رجل بكل غرور
'' كنت متاكده إنك هتيج......
قطع كلامها لكمه عنيفه جدا من شمس وقعتها على الأرض وبدأت مناخيرها تنزف وقبل ما تستوعب كانت شمس مسكتها من شعرها وبدأت تضربها في حافه الترابيزه وهي بتقول بصوت عالي وطريقه مخيفه
'' قولتلك الف مره ابعدي عن بنتي بدال ما اقتلك الحاجه الوحيده اللي منعاني اقتلك هو اني متاكده انك عارفه مكان اسيل''
آمنه كانت مش لاقيه حتى فرصه تصرخ ووشها كله بقى دم
شمس زقتها على المرايا واتكسرت كلها على أمنه ولسه شمس هتروح تكمل عليها لقيت اللي مسكها بكل قوه وكان أدهم وياسين
ياسين: كفايه يا شمس دي ماتت في ايدك
شمس بصراخ: لسه حيه سيبني اقتلها
جين قاست نبض آمنه وقالت: لسه حيه فعلا
سيف: سليم فهد ودوها المستشفى بسرعه مش لازم تموت
شمس: ايه يا سيف حنيت ليها ولا ايه
أدهم بغضب: شمس فوقي وافهمي انتي بتقولي أيه انتي عارفه انها الخيط الوحيد اللي يوصلنا لاسيل
شمس بعدم وعي لاني اللي متحكمه فيها لوسيفر
'' ما هو طبيعى يخاف عليها مش هو خلف منهآ حتى لو طلقها بناته منها هي الأهم بالنسبه ليه ''
ياسين ضربها بالقلم ودي كانت أول مره في حياته يمد ايده على أخته وقال بغضب
'' لوسيفر انتي مش عارفه انتي بتقولي ايه ولا بتتكلمي عن مين رجعي شمس دلوقتي ''
أما شمس عيونها أسودت اكتر وكانت هتهجم على ياسين بس رسيل وملك مسكوها لأنها بدون وعي منها ممكن تقتل ياسين
سيف قرب منها وشالها وقال: اوعوا آمنه تموت وانا هعرف اهدي شمس... وكمل بحده واه حسابك على ضربك لشمس وهي مراتي هبقي احاسبك عليه بعدين يا ياسين
سيف خرج بشمس وقال ياسين بذهول: والله الاتنين دول اجن من بعض
ملك بعصبيه: مكانش المفروض تضربها يا ياسين وانت عارف اني اللي كانت بتتكلم مش شمس
ياسين: ما هو انا علشان عارف اني اللي كانت بتتكلم دي لوسيفر حاولت اوقفها كان ممكن تقول كلام يزعل سيف منها اكتر
رسيل: ما هو من لما سيف اتجوزها وهو عارف اني عندها انفصام ومش هيتعالج يعني عارف اكتر مننا كلنا عارف كل شخصيه فيهم بتعمل ايه وبتهدي ازاي
فهد: خلاص يا رسيل المهم نشوف البتاعه دي قبل ما تموت دي شمس دغدغتها
           ~~~~~~~~~~~~~~~~
أما سيف كان شايل شمس على كتفه وهي بتضرب فيه عشان ينزلها نزلها بس في العربيه وقفل عليها ورجع بيها فيلتهم وشالها تاني ودخل وهي لسه بتصرخ فيه
'' نزلني نزلني ''
سيف نزلها على السرير وقبل ما تعدل نفسها كان مسكها من ايدها جنب رأسها وقال
'' اتهدى باقي ايه الهيبره دي ''
شمس: سيبني يا سيف سيبني
سيف: انا مش فاهم انت متعصبه ليه
شمس بصتله وبقيت عيونه ارزق فاتح اوي وده معناه اني مليكه هى اللى بتتكلم واتملت عينها بالدموع
'' علشان كونها مراتك الأولى ده قهرني يا سيف علشان انت لمستها الأول علشان هي خلفت منك وانا لأ وباين اني مش هخلف ابدا ''
سيف وقف وقال بحذر: شمس بلاش نفتح موضوع الخلفه من تاني
شمس بصراخ وبكاء: لا هفتحه علشان انا تعبت تعبت من كل حاجه بقالي سنين بتعالج ومفيش فايده تعبت من العلاج وتعبت من نفسي لاني خلاص بقيت عاقر
سيف بغضب: قولتلك الف مره انتي مش عاقر
شمس: كلام وخلاص انا بقالي سنين بعمل علاج طبيعي ومفيش امل
سيف: انا مكتفي بيكي انتي وآسيا
شمس قعدت بانهيار: بس انا عايزه اخلف نفسي في بيبي زي باقي البنات اشمعنا انا اللي اتحرم من كل حاجه اتحرمت من امي ومن طفولتي ومن اني اعيش حياه طبيعيه زي الباقي وفي الاخر اتحرمت من اكتر  حاجه بتتمناها اي بنت من الامومه اتحرمت من اني اكون ام يا سيف انت مش حاسس بيا ولا باللي جوايا مش عارف شعوري لما اشوف ست حامل بحس اني ناقصه بحس بعجز انا عاجزه على اني اجيبك بيبي عاجزه اني اخلف منك انت لا عمرك حسيت ولا هتحس بيا
سيف نزل لمستواها وبصلها بعتاب: انا يا مليكه اللي مش حاسس بيكي انا اكتر واحد كان واقف جنبك في وقت علاجك سواء نفسى أو حتى علاج طبيعى انا إللي استحملت جنانك وعنادك وعصبيتك انا اللي مهما عملتي يا لوسيفر كنت بحطلك الف عذر علشان انتي مريضه ومنهم موقفك مع آمنه دلوقتي فكرك اني مش قادر اخد حق كل اللي عملته في آسيا انا قادر انفيها من على الأرض بس لو عملت كده انا عمري ما هقدر اوصل لاسيل ابدا وفي الاخر تقولي انا مش حاسس بيكي لا يا شمس انتي اللي عمرك ما شوفتي حبي ولا هوسي بيكي دايما دافنه نفسك جوا دايره طول السنين دي بحاول اخرجك منها وفي كل مره انتي اللي بترجعينا لنقطه البدايه
سيف قام وخرج برا الفيلا كلها وساب شمس تعيط بانهيار وقالت
'' وانا طول عمري بحاول اطلع منها علشان خاطرك انت بس يا سيف بس انا برضو نفسي ابقي ام ''
           ~~~~~~~~~~~~~~~~
أما في إيطاليا
رحيم كان قاعد ومستنى نغم تنزل سمع صوت كعب عالي رفع رأسه وشاف نغم ولأول مره لابسه فستان وكانت جميل جداً عليها وعامله شعرها القصير تسريحه مميزه ورحيم مقدرش يشيل عينه من عليها
نغم: ها يا اخ نمشي
رحيم: ها نمشي فين
(يا عيني الواد اتصطل 🤣)
نغم كتمت ضحكتها: الحفله يا رحيم
رحيم بص للفستان: وانتى فاكره نفسك هتروحي كده