جنون تخطي الحدود

5- خـطـة الـشـبـاشـب

صلى على خير خلق الله 💙
الشباب كانوا قاعدين وملامح القلق باينه عليهم جدا دخل أكمل وعدنان فقال سيف بسرعه
'' ها عرفتوا أي حاجه''
عدنان: لا للاسف شمس ذكيه جدا وكانت خافيه مكانها وهما مش أغبياء يعنى علشان يروحوا في مكان احنا عارفينه
اكمل: بس اللي انا مس فاهمه انتوا قلقانين اوي كده ليه دي مش اول مره البنات يروحوا في مكان أو يسافروا وبعدين دول مش اي حد دول الشياطين
حسن: معاهم حق
مراد: إنت عارف يا حسن اللي فيها وهما ممكن يكونوا في خطر وخصوصا اني احنا مش معاهم
حسن بثقه: متخافوش مش الشياطين اللى يتخاف عليهم
           ~~~~~~~~~~~~~~~~
في مكان بعيد في إسرائيل وفي ملهى ليلى كان قاعد شخص في منتصف التلاتينات بيشرب بكل هدوء عكس صخب المكان قعدت جنبه واحده لابسه لا سوري ملقيتش قماش يكمل لبسها قالت بكل غرور
'' ها يا إكس أين هم الآن''
إكس: فى روسيا
البنت لمعت عيونها بخبث: بمفردهم
إكس ببرود: أجل
البنت: وماذا تنتظر يا رجل لنقضي عليهم الان
إكس: هل جننتي روما ليس الآن ابدا
روما بعصبيه: إذا ماذا انتظر مرت 5 سنوات على مقتل والدنا وباقي عائلتنا ماذا تنتظر أكثر من هذا للانتقام منهم
إكس بصلها بمكر شديد: اريد ان اصيبهم بالخوف والرعب من ان يخسروهم تعلمي أن الوحوش دايما ما يرفضون خروج الفتيات بدونهم
روما بملل وحقد: أعلم هذا ولا أعلم لما يحبونهم كل هذا الحب
إكس شرب الكأس اللي في ايده: ارسلت اليهم مفاجأه سوف تعجبهم وبعدها سأرسل مفاجأه أفضل
روما: إلى ماذا تخطط يا أخي
إكس: إلى زرع شرح يدمر علاقتهم
روما: بالخيانه؟؟!!
اكس بسخريه: لا فهم يثقون ببعضهم بشده.... كمل بخبث لكن ان تعلق الأمر بأن يكون الفتيات في خطر الوحوش حينها سوف يمنعونهم من الخروج بتاتا وهذا ما سيثير غضب الفتيات وبوم تنكشف الأسرار ويزرع الشرخ بسبب كسر الثقه لكن بوسيله غير الخيانه
روما: وما هذه الوسيله إكس
إكس ضحك بصوت عالي: بالكذب عزيزتي روما كذبه وراء أخرى هكذا تنكسر الثقه
(ها يا جدعان حد قدر يعرف مين إكس ولا لأ يلا شغلوا الدماغ كده 😐)
           ~~~~~~~~~~~~~~~~
في روسيا
حياه: يعنى هما صعب عليه يعرفوا اننا في قصر يوسف في روسيا
جين : لا بس يوسف مش هنا خالص والمفاتيح معانا وانا مظبطه مع يوسف علشان لو الشباب وابو على سألوا
أحمد: ماما هو احنا بنعمل ايه هنا
عشق: هنوريكم أمجادنا يا ابني
البنات دخلوا جنينه القصر وقالت شمس: بصوا يا ولاد اوعوا تتخضوا ماشي هما مش بياذوا
فارس بغباء: هما أيه دول علشان الشبكه عندي مش مجمعه خالص
رسيل بسخريه: ولا هتجمع يا روح امك
فجأه الأطفال اتنفضوا لما أمهاتهم صرخوا فجأه بأسماء غريبه واللي خليهم يتصنموا مكانهم الحيوانات اللي ظهره فجأه من جوا الغابه المطله على جنينه القصر
رعد برعب: احيه هنموت متاكلين هنموت متاكلين
آسيا طلع من وراء شمس وقالت بفرحه: مـــاكــــس
طيف بتأثر : آسيا بتضحي بنفسها علشان نقدر نهرب قد ايه هي بني آدمه جميله
أنس بتمثيل: الوداع يا آسيا
جيت ضربته على قفاه: ايه ياض التمثيل الفيك ده
آسيا كانت هتحضن ماكس بس شمس مسكتها من هدومها من وراء
'' انتى هبله يا بت رايحه تحضني نمر كده عادي ''
آسيا: مش فاهمه بتغيري عليه مثلا ولا ايه
غرام بضحك: متقعديش مع فارس تاني بقى فيروس متنقل بيعدي الكل بغباءه
فارس: استغفر الله العظيم نبقى قاعدين في حالنا ونلاقي نفسنا بنتهزا كده لله في لله
رسيل: جايبلي التهزيق دايما
أحمد بصوت عالي: يا جدعان حد يفهمني ايه دول
عمار: انت أحول ولا ايه مش شايف انهم حيوانات
شغف: دول بقى اكتر أشخاص أوفياء شوفناهم في حياتنا
حور: أشخاص ايه دول حيوانات يا جدعان
شمس: ازغرط اخيرا نطقتي وسمعنا صوتك
رسيل: فيه ايه براحه علي البت دي لسه كيوت
حياه بضحك: والله هو اسبوع والكيوت دي هتتقلب زيها زي الـ 12 دول
نغم: طب ايه يا جدعان مش تعرفونا بالاساتذه اللي بيبصولنا كده ولأ اكنهم شايفين شويه لحمه طازه ونحن كذالك
ديانا شدت طيف وهى صرخت بخوف: لا مش عايزه اموت دلوقتي حرام عليكم
ديانا: متخافيش يا طيف مش هياذيكي
طيف بخوف: يا ماما ده ديب مش اخاف ازاي
ديانا: هو لو شاف انك مسالمه مش هيعمل ليكي حاجه وبعدين انتي بنتي يعني انتي لو في خطر تروح ليه وهو هينقدك
أنس: وهو هيفهم ازاي يعني
جين شدت أنس وغيث ناحيه جيلتش وقالت
'' بيفهموا زيهم زي البشر ويمكن هما أوفى من البشر''
لين: بس دول لو جاعوا هياكلونا
ملك: حطوا ايدكم على راسه كده
عمار بسرعه: لا هياكلوها
ملك: متخافوش جربوا كده
الأطفال حطوا ايدهم على رأس الحيوانات حتى حور كانت بتملس على فرو باجيرا مع فارس والحيوانات استجابوا ليهم والأطفال ضحكوا بفرحه وبدأوا يتعرفوا عليهم اكتر ونغم كانت معاهم وحياه بتبص ليهم كلهم بابتسامه قلقه فهي لا تنكر انها تشعر بأن شئ سئ سوف يحدث فهمست بخفوت
'' اللهم احمي بناتي وأولادهم من كل سوء اللهم آمين''
           ~~~~~~~~~~~~~~~~
  بعد يومين
سافرت نغم لأولاد عمها علشان كتب الكتاب بعد ما الشباب أجبروا رحيم انه يعمل كتب كتاب علشان البنات يرجعوا وبالنسبه للبنات فالاطفال اتعلقوا بالحيوانات وكانوا بيلعبوا معاهم وحور اندمجت معاهم بسرعه ومازن وفارس دايما معاها واللي اكتشفته ان هي وفارس شبه بعض جدا وخصوصا في الرسم وعملوا مسابقه وفي النهايه شويه من شعر فارس ضاع بسبب حور اللي قطعته وهى بتقولوا يا غشاش وفارس يسكت لا طبعا مسكها هي كمان من شعرها وانتهى الموضوع بضرب مازن لفارس علشان خلي حور تعيط
نروح بقى لمكان في الغابه كانت واقفه ملك ومعاها بنتها لين بتلعب مع ريمكس وملك كانت بتراقبهم بابتسامه بس حسيت بحركه من تحتها وكان انهيار في التلج لأنهم كانوا في آخر الغابه في مكان عالي على منحدر مرتفع
ملك جريت بسرعه وقالت بصوت عالي' لــيــن ابــعــدي
ملك زقت لين بعيد عن المنحدر وفيه جزء منه انهار وملك كانت فوقيه بس قبل ما تقع صرخت بقوه بسبب مخالب ريمكس اللي غرزت في كتفها وريمكس شدها بسرعه لوراء ولين جريت على ملك وهي بتبكي وبتقول بتقطع
'' ماما....... دراعك...... دم ''
ملك حضنت بنتها: اهدي يا لين انا كويسه يا قلب ماما
ريمكس قرب ببطء من ملك وبص على جرحها وملك ملست على فروه
'' أهدأ ريمكس انا بخير لا تقلق''
ملك بعصبيه زقت ريمكس برغم انه عالي أوي عليها
'' لا ذئب وحش هو عورك''
ملك: لو مكانش عورني كان زماني بسلم على الشهداء يا لين ده لحقني من الموت
ريمكس رفع ودانه فجأه وبدأ يبص يمين وشمال ملك فهمت هو بيعمل كده ليه ده معناه انه فيه دخيل في الغابه بسرعه رفعت لين على ضهر ريمكس وقالت
'' ريمكس ارجع الى القصر الان ''
لين: ماما فيه ايه
ملك: لين امسكي في فروه جامد اوعي ايدك تفلت منه هو هيرجعك للقصر
لين بدموع: طب وانتي يا ماما
ملك: انا هبقي كويسة ريمكس ارجع ابنتي سالمه هيا اذهب
ريمكس جرى بأقصى سرعته ولين كانت ماسكه فيه بكل قوتها وعيونها كلها دموع وبتدعي ربها امها تبقى كويسه
أما ملك بعد ما اتاكدت انهم بعدوا طلعت مسدسين وجريت في اتجاه بسرعه جدا وهي بتقول بابتسامه مجنونه تدل على عوده الأفعى
'' اوه اشتقت إلى هذا كثيرا سوف استمتع ''
            .....................................
أما في قصر يوسف السيوفي كان البنات قاعدين في الجنينه بيراقبوا الأطفال وهما بيلعبوا بس فجأه حست شمس بوجع وقالت بهمس
'' ملك ''
حياه لاحظت اني شمس وشها بقى اصفر
"مليكه مالك يا بنتي"
شمس كانت لسه هتتكلم سمع الكل صوت عواء قريب منهم والحيوانات كلها قامت مره واحده والأطفال خافوا وجريوا على البنات
آسيا بخوف وهي بتحضن شمس: شمس هو فيه ايه
دخل وريمكس الجنينه وكان على ضهره لين فقال
عمار وأحمد بسرعه: لين
ريمكس نزل لين وهي جريت على حياه وهي بتبكي
'' ماما... اتعورت..... في.... في الغابه ''
حياه: اتعورت ازاي
البنات لاحظوا حاله الحيوانات فقالت جين
'' فيه ناس غريبه في الغابه لازم نروح لملك بسرعه''
حياه بخوف: طب والولاد
شمس للأطفال: ادخلوا جوا كلكم بسرعه ماكس ستظل هنا أن اقترب احد من القصر قم بتقطيعه
الكل جرى جوا الغابه بسرعه شديده جدا وكان ريمكس في المقدمه بيتبع ريحه ملك ووراه باقي الحيوانات ووراهم البنات ووصلوا لملك بسرعه وكان فيه رجاله كتيره
قبل ربع ساعة
ملك كانت بتجري وفجأه وقفت لما شافت مجموعه كبيره جدا من الرجاله الملثمين بيمشوا في الغابه ومعاهم مسدسات فبسرعه ركبت على شجره واستنتهم يقربوا وبدأت تضرب عليهم نار بعد ما حطط كاتم للصوت وقدرت تقتل 10 بسبب سرعتها الشديده في التصويب بس للأسف قدروا يعرفوا مكانه وصوبوا عليها ودوي صوت الرصاصه في الغابه كلها بس هي نطت بسرعه من الشجره  والرصاصه جات في الجذع وجريت بأقصى سرعه ليها والرجاله وراها وبيحاولوا يصوبوا عليها من غير ما يقتلوها وده اللي لاحظته ملك فوقفت والرجاله كلها التفت حواليها
ملك بحده ولغه روسيه: من انتم
واحد من الرجاله قرب منها من وراء علشان يحقنها بس هي اخدت بالها ومسكت ايده كسرتها وبدأت حرب ما بينهم والبنات ظهروا وبدأوا يضربوا في الكل مع ملك والحيوانات كانت بتضربهم بمخالبها وكانت مجزره بمعنى الكلمه ولما لا وهم من جنوا على أنفسهم عندما اقتربوا من الشياطين وبعد نص ساعه كان الكل ميت معادا واحد مسكته ديانا من عضمه محدده في رقبته وقالت بنبره مخيفه
'' من انتم ولماذا دخلت الغابه ''
الرجل بصعوبة: عـ عاصم الـ المهدي
ديانا بذهول :عاصم
عشق بفزع: الولاد
           ~~~~~~~~~~~~~~~~
أما في القصر الأطفال كلهم كانوا متجمعين بعد ما البنات مشيوا بس سمعوا صوت غريب برا فبصوا من وراء الستاره شافوا ناس كتير وماكس واقع على الأرض
حور شهقت: هااااا قتلوا ماكس
فارس: احيه احيه هنعمل ايه
آسيا: لا بقولكم ايه احنا مش اي حد وهما هياخدوا وقت في أنهم يفتحوا الباب ويامنوا دخولهم فاحنا بقى ايه
الكل: ايه
آسيا بمكر: ننفز خطه الشباشب
ريان بحماس: حلو ده احنا حتى منفذنهاش من زمان
حور بغباء: ودي ان شاء الله
مازن: ايه الخطه يا كبير
اسيا: هنتقسم 4 كل 4 في فريق وحور تيجي معايا انا ومازن وأنس وعمار ها جاهزين يا عصابه
الكل: جاهزين يا بوس
بعد ربع ساعة
دخل الرجال ولقيوا هدوء شديد اوي والمكان ضلمه فقال واحد منهم
'' لا يوجد أحد هنا ''
واحد تاني: هذا مستحيل لقد تركوا الأطفال بمفردهم وقال السيد أن نأتي بهم أحياء بدون خدش
صدح صوت عالي جدا افزعهم: لا يا روح امك ده انتوا اللي هتنخدشوا وتتكسروا
الرجل: رأيت قل لك هم هنا
فجأه وضح صوت تكسير شديد في المطبخ ولما جم يروحوا هناك اتكعبلوا في حبال كانت مربوطه ما بين الانتريه وفجأه صدح صوت صراخ عالي جدا يكاد يصمهم ولقيوا 3 بنات نطوا عليهم وهما بيقولوا بصوت عالي
'' هجوووووم ''
ودول ما كانوا الا لين وغرام وطيف القرود
لسه واحد هيضرب بالمسدس صرخ القائد فيهم
'' يا أغبياء قولت امسكوهم لا تقتلوهم ''
بدأ يصرخوا بسبب الدقيق الكتير اللي اتقلب عليهم من فوق من مازن وأنس وآسيا وقبل ما يستوعبوا لقيوا بيض وطماطم بتتحدف عليهم من عمار وحور وريان وغيث ولسه هيتحركوا رعد وفارس وأحمد وغرام شدوا الحبال ووقعوا على وشهم ونزلوا كل الأطفال فيهم ضرب بالشباشب وكانت طيف بتصرخ فيهم
'' بقي يا جذمه منك ليها جايين تخطفوا 13 عيل ''
رعد: لا ومش اي عيال ده احنا ولاد الوحوش والشياطين يعني جنون تخطي الحدود يا كلاب
(فعلا تخطي الحدود باميال مين يتفق معايا )
بعد ربع ساعة كمان
كان الأطفال كلهم قاعدين على السفره حوالين طبق فاكهه كبير جدا وجنبهم كل الرجاله متربطين صاح احد الرجال واللاصق على بوقه
'' اممممممممم ''
لقى شبشب اتحدف عليه من حور وهي بتقول
'' بس ياض الله ياخدك جبتلي صداع ''
عمار وهو بياكل: متأكده يا بت انك كنديه
حور: ااه ورحمه امي كنديه
أنس: طالما وصلت لرحمه أمها يبقى هي كده صادقه
زام الرجاله كلهم لما لقيوا البنات داخلين وبيبصوا بذهول للفوضى في كل مكان
اسيا بغيظ: شويه كلاب وربنا بيزوموا وخلاص و..... شمس
الأطفال كلهم جريوا على البنات: ماما
حياه بصدمه: نهار ابيض بطماطم مين اللي عمل ده وربط الرجاله دول كلهم
لأطفال بفخر: احنا
حياه بصدمه أكبر: لوحدكم
شغف بضحك: وانتي مش واثقه في نسل الوحوش والشياطين ولا ايه يا ملاك
آسيا: شمس هو ماكس مات ولا ايه
شمس: لا دول تقريبا ضربوا بمخدر
جين قربت من الرجاله وشالت اللاصق من على بوق واحد فيهم
'' من انتم ده شكله اليوم العالمي للخطف ''
تكلم الراجل بسرعة: ارجوكي انقذينا من هؤلاء المجانين وسوف نقول كل شئ
عشق: لا حلو خليتوهم يقروا من اول مره لا تنفعوا مخابرات
حياه: من الذي أخبركم أن تقوموا باقتحام المنطقه وخطفهم
الراجل: عاصم المهدي
الكل بص لديانا وهي قالت بشك: أشك بصراحه من أنهم يعترفوا بسرعه كده حتى الراجل الأول
ملك بتعب: اااه فعلا الموضوع يقلق
لين وعمار جريوا على ملك: ماما انتي كويسه
شمس: تعالى يا ملك اطهرلك الجرح مكانش ينفع تحركيه كتير
ملك: ايه يا مليكه هي الجروح حاجه جديده علينا ولا علشان احنا في اجازه بقالنا 5 سنين
حياه في نفسها : لازم البنات يعرفوا في اقرب وقت السر ده.... كمل بصوت عالي يلا علشان هنرجع بكره مصر
ملك: ايه طب شويه كمان على الأقل جرحى يلم واشك اصلا إنه ممكن يلم بسرعه
رسيل: فعلا معاها حق والكام كدمه اللي اخدناهم دول هنقول ايه للشباب
حياه: الحقيقه طبعا
           ~~~~~~~~~~~~~~~~
اليوم اللي بعده في مصر وبالتحديد في قصر عيله الألفي
كان الشباب قاعدين على نار لا هما مش قاعدين دول بيروحوا يمين شمال فقال علي الألفي بنفاذ صبر
'' ما خلاص بقى خيلتوني هو انا هلاقيها منكم ولا من اللي قاعد جنبي ده ''
فهد: ما انت مش حاسس بالنار اللي جوانا دي
جابر: بس ياض انا مش عارف انتوا الوحوش ازاي المفروض يبقى عندكم ثبات انفعالي اكتر من كده
حسن: شوف ميت بيتكلم ده انت لما فتون راحت موقع الجريمه تاني من غير ما تقول لحد كنت حته وهتصحي مصر كلها تدور عليها
جابر: احم احم مش للدرجه دي يعني ولاه يا رحيم هما هيوصلوا امتا
رحيم: جايين في الطريق يا بابا بس مش واخد بالك من حاجه غريبه
جابر: ايه
رحيم: ماما معترضتش على الموضوع خالص
حسن: ااه والله يا ابني الموضوع يقلق
ابتسم علي لأن البنات قالوا له هو وفتون عن موضوع نغم واقنعوا فتون
سمع الكل صوت بيقول: ابو علي يا سكري واحشني
حسن وقف: أخيرا جيتوا مراتي فين
جين: بصراحه يا ابو علي انت اللي غلطان اه والله كابت على نفس الوليه اوي وانتوا اصلا رجاله ملكمش أمان
حسن: ماشي يا حضره المحاميه حياه فين بقى
ديانا: خلاص يا ابو علي متتعصبش علينا هي في المطبخ
شمس بضحك: واه يا سكر بلاش تصالحها في للمطبخ الاوض كتير
حسن مشي من غير ما يرد وقال أدهم
'' انا مشوفتش خجل ليكم خالص ''
ملك: يا عم على ايه بلا هبل
ياسين مسكها بغيظ: بت فين الصور اللي صورتيها ليا وورتيهم لغزل نهارك اسود النهارده
ملك بوجع وصراخ : نهارك انت اسود سيب دراعي الله يخربيتك
ياسين ساب دراعها بسرعة: ألله يخربيتك انتي ايه الدم ده
مروان سمع كده راح لملك بسرعه ونسي موضوع معاقبتها وقال بخوف وقلق
'' دم ايه اتجرحتي فين ''
شغف: بلاش افوره يا عم ده مجرد خربوش
أدهم: وهو الخربوش هيجيب دم
مروان كشف جزء عن كتفها وقال بصدمه وغضب: جروح مخالب انتي رجعتي تتخانقي مع ريمكس تاني
ملك بصت للبنات وقال عدي بشك: فيه ايه حصل هناك اكيد مش هى لوحدها اللي اتصابت
شمس: مجرد انهيار جليدي صغير وريمكس شد ملك من كتفها بمخالبه علشان كده اتعورت بس كده
سيف: بس كده متأكدين
حياه من وراهم: لا مش بس كده حصل......
حياه حكتلهم على اللي حصل كله والشباب قلقوا اكتر وبصوا للبنات بغضب لأنهم سافروا من غيرهم كان ممكن يحصل اسوء من كده لولا اني البنات بيعرفوا يتصرفوا في المواقف دي
مراد: أدى أخرت عنادكم
عشق: محصلش حاجه دول كام جرح واحنا مش مبتدأين علشان منعرفش نتصرف في المواقف دي
مالك: بس الكلام ده كان زمان قبل ما يكون عندكم ولاد
البنات سكتوا بضيق وقالت شمس: ملك تعالى اللفلك الجرح
مروان شد ملك وراه: لا انا اللي هطهره ليها لحد ما عيله الصياد يوصلوا
البنات بصوا للشباب وكانوا مضايقين والشباب مش اقل ضيق منهم فقال رحيم
'' انا كنت عارف انه هيكون يوم اسود بركاتك يا نغم''
           ~~~~~~~~~~~~~~~~
أما مروان فقعد قدام ملك علشان يطهر ليها الجرح
'' اكشفي عن دراعك ''
ملك: ده في كتفي
مروان: اخلصي يا ملك
ملك خلعت كتف القميص ومروان بص على الجرح لقاه عميق بدأ يطهره ليها وكان عايز ياخدها في حضنه علشان يخفف عنها الوجع وعلشان هو اشتاق ليها جدا
ملك كانت بتبص لعيونه وهى متأكده ان المره دي مش هتعدي على خير وهيعاقبها باسوء عقاب وهو التجاهل
مروان خلص ولف الجرح كويسه وقال: غيري القميص مكان الدم
ملك فكت أزرار القميص فهو قال بغيظ: انتي هتغيري هنا
ملك بمكر: وفيها ايه مش انتي جوزي ولا ايه
مروان حط ايده على وشه: اللهم اخزيك يا شيطان
ملك ابتسامتها الماكره زادت وبدأت تغير هدومها
مروان اتنفض: انتي بتعملي ايه يا ملك
ملك ببراءة: هغير هدومي من عناء السفر
مروان وقف وخرج بغيظ لأنه عارف الاعيبها وهي ضحكت عليه
           ~~~~~~~~~~~~~~~~
أما تحت وصلت عيله الصياد وكان السته موجودين ومعاهم نغم اللي كانت لابسه بنطلون اسود وجاكيت جلد اسود
آسر بصلها بقرف: انا مشوفتش واحده يوم كتب كتابها تلبس كاجول وكمان اسود
نغم: بس يا بابا اقعد مع جنب ما انت عارف اللي فيها
الكل استقبلهم وبص رحيم بعدم رضا لنغم وهي قالت باستفزاز
'' تحب تاخدلي صوره ''
رحيم زفر بغيظ لأنه مش متضايق من لون لبسها لا هو متضايق من لبسها كله لأنه ضيق عليها فقال بهمس
'' والله شكلك عايزه تتعلمي الاحترام من اول وجديد وأول حاجه هعملها اني اقطع مترين من لسانك ده ''
فهد سمعه وقال بضحك: تستاهل يا تايجر لاني دي النسخه 8 من العصابه
سليم: مش كنت بتتريق علينا اشرب بقى
يحيى: المأذون فين
اكمل: جاي في الطريق
عيله الصياد قعدوا وكانت نغم قاعده في النص ما بينهم وده ضايق رحيم اكتر
رسيل من وراهم: اخيرا وصلتوا
جاسر: انتوا بقى اللى اصريتوا يبقى كتب كتاب
إيفان: من حيث المقابله الاخيره ليهم أحب اقولك انهم من نوعيه نغم
نغم بصلها بغضب: ومالها نوعيه نغم أن شاء الله
ملك: خدي بالك ده بيشتموا وانتي طبعا أياكي تسكتيله
ياسين: والله أنتوا الكل علبه كبريت
نغم: ها يا إيفان مالها نوعيتي أن شاء الله مش كفايه هتنيل اتجوز بنفس الطريقة بتاعتكم
يحيي: بس انا متجوزتش بالاجبار
نغم: انت بالذات تسكت خالص كنت متجوز من ورانا يا كبير العيله
كنان: يا أخي اتكسفي على دمك شويه المفروض البنات في الوقت ده يتكسفوا
نغم: واتكسف من ايه ان شاء الله انا واحده متربيه على ايد 6 شُحطه
آدم :لسانك ده ميقدرش يقعد 10 دقايق من غير ولا كلمه شويه
عشق: والله انا البنت دي عجباني ودخلتي دماغي من زمان
مالك: باين هيكون فيه فرد جديد في العصابه
شغف: لا هي خلاص بقيت اوريدي من العصابه
المأذون وصل وقعد وقال: اين العريس
رحيم: انا
المأذون: احم والعروس
نغم بضيق: انا
المأذون بص للاتنين وقال: معلش هو ده كتب كتاب ولا طلاق
سيف: كتب كتاب بس معلش هما مش طايقين بعض خلقه بلاش تعصبهم اكتر من كده وابدا كتب الكتاب
المأذون: احم حاضر أين وكيل العروس
يحيى: انا
نغم بعناد: لا انا عايزه كنان يبقى وكيلي
يحيى/ بت اسكتي هو انتي ليكي عين تتكلمي اصلا
نغم بعصبيه: ليه أن شاء الله أكونش بتجوز من وراكم انا اصلا متشائمه من الجوازه دي بلاها
رحيم: بت انتي متعصبنيش اكتر
عيله الصياد كلهم: وانت بتعلي صوتك عليها ليه
نغم: ايوه كده عرفوه مين عيله الصياد
شمس بهمس: الغبيه هتفركش الجوازه حتى قبل ما تبدأ حتى يعقلها قبل ما اديها في دماغها
ديانا راحت وشدت نغم قعدتها جنب يحيى اللي قاعد جنب المأذون وقالت
'' اخلصي علشان حته كمان وهفرقعكم كلكم وانتي اولهم ''
نغم سكتت بضيق هي مش عارفه ليه لما تشوف رحيم لازم تعمل معاهم مشكله يمكن علشان هي مستفزه
نغم بهمس: يمكن ويمكن علشان هو مستفز برضو
آدم: بطلي برطمه
نغم بملل: خلص يا عم الحج
المأذون: احم حاضر
وبعد فتره قال الشيخ: بارك الله لكما وبارك عليكما وجمع بينكما في خير
رحيم بص لنغم اللي بدورها بصت هي كمان عليه هل معنى ده خلاص بقيوا متجوزين حتى لو جواز صوري في النهايه اسمهم متجوزين
علي اخد باله اني نظرتهم طول فحمحم وقال
'' احم احم ايه يا رحيم مبروك يا ابني ''
رحيم: الله يبارك فيك يا جدي
جين بتفكير: هو الواد مصطفي مجاش ليه
سليم: عنده تدريبات
ملك: ارحموا الواد شويه علفكره احنا عارفين انتوا بتعملوا فيه خفوا عليه مش كده
(عيني عليك يا درش الوحوش بيطلعوا فيك القديمه كله 😅)
           ~~~~~~~~~~~~~~~~
بعد ما خلص كتب الكتاب فى المطار
نغم بغيظ: انا مش فاهمه احنا نسافر إيطاليا ليه
رحيم: علشان لازم الكل هناك يعرف أنك مراتي
ابتسم رحيم شعر بلذه في نطق هذا
نغم: مش هو إنت المفروض مش ظاهر قدامهم
رحيم: ايوه ببقى لابس كمامه وانتي كمان هتلبسي
نغم هزت كتافها بلا مبالاه: ماشي
نغم ورحيم ركبوا الطياره وبعد ساعات وصلوا إيطاليا وراحوا على قصر تايجر وكان جورج منتظرهم
جورج ابتسم: حمد الله على السلامه
رحيم: ألله يسلمك
نغم بصت حواليها للمكان بإعجاب وقالت: المكان حلو بس ايه الهدوء القاتل ده
جورج: المكان دايما كده
نغم بصتله وقالت: ومين حسين فهمي ده
جورج ضحك فذكرته نغم بالفتيات :انتي مرحه جدا
رحيم: هو انت لحقت تعرفها علشان تقول مرحه
نغم: لا بقولك ايه مش من اولها كده ايوه علشان نبقى على مياه بيضه انت في حالك وانا في حالي لحد ما نخلص من الوضع ده
رحيم بصلها شويه وقال بصوت عالي :روهاندا
جات روهاندا وبصتلها نغم من فوق لتحت وقالت بغيره اخفتها
'' ومين باربي دي وايه الفخاد دي ملقتش قماش يكمل الجيب ولا ايه ''
جورج ابتسم لأنه عارف اني نغم بتحب رحيم لاني البنات قالوا ليه علشان يحاول يعمل وفاق ما بينهم بما اني البنات مش هيقدروا يسافروا
'' ده الزي الموحد هنا ''
نغم: نعم هو فيه ستات تانيه
جورج: اتنين كمان
رحيم: احم روهاندا قومي بإيصال نغم إلى غرفتها
روهاندا اومئت باحترام: تفضلي سيدتي
نغم: ماشي يا اختي يلا
نغم طلعت الاوضه ومسكت تليفونها اتصلت على أول رقم واحده من البنات وكانت شغف
'' الو ''
نغم: انتي يا شغف الكلب انتوا مقلتوش اني فيه ستات في البيت
شغف: ههههههه نسينا نقولك
نغم: لا والله
شغف: اه وربنا المهم اوعي تطلعي روح اللبؤه عليهم
نغم بغيظ: ما هو ده اللي هيحصل
شغف: شغلي عقلك يا نغم مش دراعاتك العبي على الوتر الحساس عند الراجل
نغم: الا وهو
شغف: فيه عندك رجاله بتيجي بالأكل وفيه رجاله بتيجي بالكلام الناعم
نغم: وبالنسبه للنوع ده ايه النظام
شغف: هههههههه جربي الغيره وربنا يستر
نغم: احم ليه يستر
شغف: حد يكره ستر ربنا المهم خدي دش كده ونامي واصحى اشربي قهوه ومخمخي وفكري في خطه حلوه كده يا بنت الصياد واحنا دايما في خانه مساعده صديق
نغم: اه ما احنا في لعبه من سيربح المليون اقفلي اروح انام عشان تعبانه
شغف بصت على التليفون بذهول: دي قفلت في وشي ااااخ يا رعد وين ايام ما كنت بوقف العلماء كده صف يستمنوا مني نظره يلا اما اقوم اعمل كوبايه قهوه وامخمخ أنا كمان علشان اعرف اصالح مالك ازاي
شغف عملت قهوه بس وهي بتصبه القهوه اتقلبت على ايدها فصرخت مره واحده وعلى صرختها دي جيه مازن ورعد
'' ماما مالك انتى كويسه ''
شغف: انا كويسه كويسه مفيش حاجه القهوه بس اتقلبت عليا
لقيت ايدها بتتسحب وحد بيحطها تحت المياه وما كان الا مالك
'' مش تخلي بالك ''
قالها بقلق شديد فسحبت شغف ايدها: بسيطه مفيهاش حاجه
مالك شد ايد شغف وقعدها وبدأ يعملها الإسعافات الأولية ومازن غمز لرعد
'' بقولت ايه يا ابو العواصف تعالى نخليلهم الجو''
رعد: هيا بنا يا اخويا
مالك بعد ما خلص لقى شغف بتدخل في حضنه وقالت
'' خلاص يا مالك انا اسفه مش هعمل كده تاني ''
مالك سكت وقالت شغف بضيق: بطل رخامه بقى بقولك اسفه
مالك غمض عيونه حتى لا يضعف وبعدها عنه وخرج من المطبخ وهي اتملت عيونها بالدموع اول مره يبعدها عن حضنه ده معناه انه متضايق منها اوي مسحت دموعها علشان هي عارفه انه ده عقاب ركبت لاوضه الاولاد ودخلت وقفلت الباب
رعد: ايه ده هو انتوا متصالحتوش
مازن: انا مش عارف ليه لما يتخانقوا واحد فيهم يجي هنا ما القصر فيه أوض كتير
شغف: بس ياض انت وهو ويلا انزاحوا على جنب عايزه انام
رعد: طب خلاص متزعليش اقولك سيبك منه وتعالى نلعب
شغف: لا انا عندي صداع حتى القهوه اتقلبت وملحقتش اشربها يلا ننام احسن
الكل نام وشغف فضلت تتقلب يمين وشمال ومش عارفه تنام بعيد عن حضن مالك
وبعد شويه دخل مالك وبص عليهم وقرب من شغف وشالها وخرج بيها وهي تلقائيا لفت ايدها حوالين رقبته وقالت بنعاس
'' كنت عارفه انك هتيجي ''
مالك: للأسف مش بعرف أقسى عليكي يا شغف
شغف همهمت بنعاس: علشان انا روحك يا مالك ومحدش بيقسي على روحه
مالك حطها على السرير ونام جنبها وهي دخلت نفسها في حضنه وهو ابتسم عليها وحضنها اكتر
           ~~~~~~~~~~~~~~~~

Sabreen 💙