صلى على خير خلق الله 💙
نبدأ في أمريكا اللاتينية وبالتحديد دوله كولومبيا تلك الدوله المعروفه بالاجرام والنصب والممنوعات وبالتحديد أكثر في احد الازقه كان ماشي مروان وجنبه ملك
مروان بضيق: انا مش عارف وافقت اخدك معايا ليه
ملك: مش محتاجه موافقتك اصلا انا هنا زي زيك في مهمه ارمي المشاكل العائليه دي على جنب علشان مش وقتها
مروان: اكيد بالنسبه ليكي مش وقتها ما انتي اجلتيها 3 سنين مش هتفرق معاكي
ملك: لا هتفرق لو حضرتك كنت بتتعذب فأنا كمان وكفايه كلام علشان وصلنا
دخل الاتنين حانه من الحانات التي تشبه كباريه في شارع الهرم عندنا في مصر
ملك: مش كان يبعتنا لاس فيغاس على الأقل الديسكوهات هناك انضف
مروان: احنا هنقي
ملك: ااااه هنقي...... هااااا
شهقت بخضه لما مروان زقها على الحيطه وراها وحاوطها بأيديه وقرب منها اوي وسند دماغه على دماغها وهي قلب دق بقوه
'' مـ مـ مروان فيه ايه''
مروان: فيه جارسون بيراقبنا تقريبًا شك فينا علشان تتخانقي معايا تاني
ملك بصت حواليها بتوتر كأنها بتدور على الجارسون ده بس هي كآنت بتهرب من عيون مروان اللي مركزه في عيونها بلونهم المميز والنادر
'' تعرفي انا مكنتش بحب اللون البنفسجي بس بعيونك بقيت بعشقه ''
ملك بصت في الأرض وعضت على شفايفها بتوتر واحراج
مروان: متعضيش على شفايفك دي مهمهتي انا
ملك سكتت خالص مش عارفه تقول ايه
مروان بعد شعرها عن وشها وبصلها جامد في عيونها
'' منذ أول يوم وقعت عيني على عيونك البنفسجيه وانا مخدرٌ بهما حتي اني لم أشعر باشواكك التي جرحتي زهرتي البنفسجيه ''
ملك زقته: خلاص الجارسون مشي يلا نشوف العصابه اللي هتوصلنا للمافيا دي فين
مروان شاور بعيونه على مكان قاعد فيه مجموعه من الرجال وبنات الليل
'' بصي هناك اللي لابس جاكيت رمادي هو بوس العصابه دي ''
ملك كانت هتفتح بوقها تتكلم قاطعها مروان ببرود
'' بلاش تقترحي الاقتراح ده وتزودي العقاب ثم إنه ملوش في الستات''
ملك بسخريه: ليه أمام جامع
مروان بصلها وقال: لا له في حاجه تانيه
ملك بصتلها بريبه وبدأ على رأي المثل الفار يلعب في عجبها وقالت
'' اومال ليه في أي؟؟!؟ ''
مروان كتم ضحكته: في اللي وصلك في دماغك ده دلوقتي
ملك شهقت بفزع: أعوذ بالله قوم لوط قوم يا عم نمشي من المكان اللي كله منكرات ده
مروان بضحك: أنتي خايفه على نفسك منهم
ملك: لا انا خايفه عليك انت امشي يا عم
مروان وقفها وقال: اهدي مش هنروح عندهم اصلا شايفه الجارسونه اللي واقفه على البار دي
ملك بصت وشافت بنت شقراء لابسه الزي اللي بيتلبس في الحانات الا وهو الأرنب الأحمر ده فقالت بقرف
'' يا عم الحج دي لابسه أرنب احمر يلا من هنا ونفكر في حاجه تاني ''
أنت تقرأ
جنون تخطي الحدود
Actionجنون تخطي الحدود الجزء الثاني من عشق الوحوش والشياطين مرحبا من جديد لنبدأ جوله من الجنون مع نسل الوحوش والشياطين أعزائي اربطوا احزمه الأمان فنحن ذا ننطلق Sabreen
