جنون تخطي الحدود

4- رحـلـه الـي روسـيـا

سمعت كلام حلو اوي المره اللي فاتت ويوم السبت كنت محبطه بصراحه بس ده بارت طويل تعويض ليكم استمتعوا 😉
في الصباح
دخل حسن وكان معاه جد كل واحده من البنات واستغرب الفوضى اللي في المكان
حسن: البنات دول مينفعش يقعدوا في مكان الا ويقلبوا خرابه
محمد الزيان: اه والله واكيد ولا واحده فيهم صاحيه
محمد طلع علشان يصحى حفيدته جين
أما في اوضه جين كانت نايمه على صدر سليم لما سمعت صوت خبط الباب اتعدلت وقالت بنعاس
'' مين ''
محمد: جين يلا علشان هنمشي انتي صاحيه ولا نايمه
جين بصت على سليم وقالت بتوتر: ااانا صاحيه اهو هغير هدومي وانزل يا جدو
محمد/ ماشي بسرعه
جين بدأت تصحى سليم وقالت: سليم انت يا عم انت اصحى
سليم شدها لحضنه وهمهم بنعاس
جين: احيه هوا انا بقولك عايزه انام قوم يا عم الحج هنتفضح
سليم بنعاس: انتي مراتي يا جين فضيحه ايه
جين: يا عم انت جبله اما انا منظري هيبقى ايه
سليم بصلها وقال: منظر ايه يا هبله انتي مراتي مراتي
جين: يا سليم وطى صوتك عرفت اني مراتك خلاص قوم يلا
سليم قام ولبس هدومه وعلى غلفه من جين باسها جامد ومشى وهو بيضحك على صدمتها
'' اااااااه يا ابن المجنونه ''
            .........................................
حسن طلع علشان يصحي بناته وقرب من اول اوضه وكانت اوضه ملك
'' ملك انتي صاحيه ''
ملك كانت نايمه في حضن مروان وهو بيحرك ايده في شعرها بهدوء ولما سمعتها صوت ابوها برا
'' احيه ابو علي برا وهنتنفخ ''
مروان بصلها: وانتي خايفه كده ليه
ملك: ايه يا عم البرود ده هو فيه حد ميخفش من ابو علي
حسن خبط تاني: ملك يا بنتي قومي
ملك بتوتر: حـ حاضر يا ابو علي يا حبيبي انا قايمه اهو.......
قطع صوتها مروان بقبله عنيفه ولم يهتم بصوت حسن
'' ماشي بس بسرعه ''
مروان بعد عن ملك وهي ضربته في صدره بغيظ
'' ايه يا مروان حرام عليك اقولهم ايه تحت عورت شفايفي بالغلط ''
مروان بغيره: إنا بس حبيبك وعارفه اسمعك تقولي كده تاني هنفخك
مروان قام وقالت ملك بصدمه: وصل به التملك انه يغير من ابويا لا بقى انا لازم اتطلق
مروان ببرود: على جثتي يا حبيبتي
         ............................................
رسيل كانت حته وهتعيط عشان فهد يسيبها تخرج لجدها اللي كان عايز يديها حاجه قبل ما يمشي
'' يا فهد بالله عليك سيبني اطلع ''
فهد كان هيضحك بس هي كتمت بوقه بسرعة وسمعت صوت جدها
'' رسيل انتي موتى جوا ولا ايه ده كله بتلبسي ''
رسيل بصت لفهد وهو قال: طب هاتي بوسه واسيبك
عتمان كان هيفتح الباب بس الباب اتفتح وخرجت رسيل وقفلت الباب بسرعه وهي بتقول
'' صباح الخبر يا جدو ''
عتمان: صباح النور خدي العلبه اهي
رسيل: يخليك للغلابه يا حبيبي
عتمان ابتسم بمكر: ماشي همشي انا وقولي للأستاذ اللي جوا ده حسابه معايا بعدين علشان يمنعك تخرجي ليا
رسيل وشها حرفيا بقى طماطم: هههو انت ااااا
عتمان بضحك: انا كنت ظابط مخابرات يا رسيل سلام
رسيل دخلت وبصت بشرار لفهد اللي بيسرح شعره قدام المرايا رمت العلبه وفي ثواني كانت ناطه على ضهر فهد وبدأت تضرب فيه وتشد شعره
'' اعااااااااا منك لله منك لله كان يوم اسود يوم ما اتجوزتك يا فهد ''
فهد حاول يتحكم فيها بس مش عارف
'' فيه ايه يا بنت المجنونه ''
رسيل: فيه ايه في اني مستحيل اقعد على زمتك مره تانيه جدي عرف إنك كنت جوا
فهد مسك ايديها وقال: وفيها ايه هو انتي مش مراتي يا هبله
رسيل: ااااه ما انت وقح ومش بتتكسف اما انا اعمل ايه
فهد بضحك: هتعملي ايه يا رسيل وبعدين من امتا الفوكس بيتكسف
           ~~~~~~~~~~~~~~~~
البنات كلهم نزلوا وحياه لاحظت حاجه كده وابتسمت بمكر وقالت
'' صباح العسل ''
البنات بصولها باستغراب: صباح الخير
حسن: يلا كله على العربيات برا
البنات كانوا هيطلعوا بس وقفوا بصدمه على صوت حياه وهي بتقول
'' حاولوا تخبوا رقبتكم علشان العلامات دي باينه يا فالحه منك ليها ''
حياه مشيت وهي بتضحك على ملامح البنات المصدومه وقالت شمس
'' خلينا معترفين احنا مش بتوع جواز من الاول مالها يعني حياه السنجله ''
البنات: اتفق وبشده
           ~~~~~~~~~~~~~~~~
في الكوافير كانت رسيل بتعمل الميكب لجيسيكا خطيبه مايك
'' حسنا الان انتهينا ''
جيسكا: يا بنتي اتكلمي عربي انتي ناسيه اني مصريه اسكندرانيه ولا ايه
البنات ضحكوا عليها وقالت شمس وهي بتحط رجل على رجل
'' طب يا بنتي اسمعي بقي من خبراتنا في الجواز "
جيسكا: اه طبعا لازم اسمع احكوا
ديانا: اولا كده اياكي اي حاجه يطلبها تقولي حاضر علطول لا يا روحي شغل امينه وسي سيد ده بقى موضه قديمه
عشق: ثانيا الشغل تنطي كل أسبوع مرتين وأحيانا 3 مفاجأه كده علشان تقفشيه إذا كان بيخونك
شغف: ثالثا بقى لو طول لسانه عليكي وانا عارفه انه الجذمه مايك احيانا بيعملها طلعيله روح الاسكندراني اللي جواكي اه مش علشان انتي في بعثه لانجلترا من كام سنه يفتكر انك سيكي ميكي وبتاعت مامي وبابي
ملك: رابعا اي جنس أنثى عدت من جنبه متمسكيش اوي وتعملي مشكله من فراغ لا كده الراجل هيتخنق بسرعه لو حصل لمس هاتها من شعرها ولو هو ابتسم ليها اطلبي الطلاق على طول
رسيل: خامسا الاكل عارفه تطبخي اطبخي مش عارفه تتطبخي اطبخي برضو وهو ياكل غصب عنه ولو مش عاجبه قوليله اقوم انت وريني مواهبك اه أصله مش تقفي 4 ساعات في المطبخ وهو قاعد قدام التليفزيون زي عمك سيد كده احنا عندنا كرامه وكبرياء برضو
شمس: سادسا الشغل بتاعك منعك من الشغل ارفعي قضيه خلع واحنا في صفك اه اومال ايه يعني احنا نضيع من عمرنا 6 سنين ابتدائي و3 اعدادي و3 ثانوي و4 كليه وفي الاخر يبقى اخرنا المطبخ ده حتى ميرضيش ربنا
جين: سابعا واخيرا بالنسبه للعيال فيما بعد هتشدي في شعرك صدقيني إحنا مجربين المهم لو العيال كده في يوم عملوا صويت جماعي وهو خرج كده متنرفز وشويه وهيطلعله قرون وقالك سكتي العيال ومعرفش ايه قومي اعملي ايه اقلعي مريول المطبخ اللي الستات المصريه كلها واخداه زي موحد لست البيت وغنيله وقولي الحله على البابور عشي عيالك انا رايحه بيت ابويا مش رجعالك
شمس: بس كده خلصنا وكان معكم العصابه
جيسكا قامت: ده كله هيحصل لا بلاها جواز مش عايزه
شغف بضحك: اومال انتي كنتي فاكره الجواز ايه حياه سعيده زي الروايات
ملك: سعيده عامله لينا بلوك
جيسكا: لا ده انا كنت فاكره فرح وفستان ورقص واخر الليله هاروح اتعشي وانام
البنات قعدوا يضحكوا وقالت جيسكا بغباء: ايه هما بيعملوا حاجه تاني
ديانا: يستحسن بلاش نبوظ دماغ البنت صح
البنات كلهم: صح اومال أيه
           ~~~~~~~~~~~~~~~~
عندما الشباب كانوا قاعدين ومروان بيتصل على حد ومش بيرد عليه فزفر بضيق
عدي: برضو مصطفى مش بيرد
مروان: لا أنا مش عارف هو لحد دلوقتى مجاش ليه
سليم بضحك: الواد ده بقى شبهك أوي يا مروان حتى في الطول
مراد: بس تصدقوا الواد ده ليه وحشه والله
@ والله انتوا اللي واحشني يا وحوش وخصوصا ابو السيوف حمايا حبيبي
سيف: يا ريتنا كنا جبينا فيه سيره حاجه ليها لازمه مكانتش جات
مصطفى بدراما: أخص عليك فيه حد يقول لجوز بنته كده
سيف كان هيقوم يضربه بس مسكه مالك ومراد
مالك: اهدي يا سيف هتعمل عقلك بعقل عيل زي دي
مصطفى: لا Excuse me انا مش عيل انا راجل عنده 22 سنه دلوقتي بعض الاحترام إذا سمحته
مروان: انت يا هباب مش بترد على التليفون من الصبح ليه
مصطفى: يا عم انا مفحوت في التدريبات والمهمات انتوا كنتوا بتستحملوا ده ازاي ده انا لولا تدريبات البنات اللي كانوا بيعلموها زمان ليا كنت فرفرت من اول شهر
فهد: مش انتي اللي وجعت دماغنا عايز ادخلها عايز ادخلها اديك دخلت شد حيلك بقى
مصطفى بضحك: انا حيلي خلاص بقى في ذمه الله اومال فين عيالكم العفاريت
سيف: وهما عفاريت من فراغ ماهو كله بسببك
مصطفى حط ايده في وسطه: الله وانا مالي يا لمبي ما انتوا كل شويه تاخدوا البنات وتسافروا في حته وتسيبوا ليا الولاد اربيهم ده جزاتي في الآخر علشان كنت بخلي ليكم الجو
الشباب ضحكوا لأنه مصطفى فعلآ كان بياخد الولاد ويخلي ليهم الجو وعلشان كده الولاد متعلقين اوي به
مصطفى: زي القطط تاكلوا وتنكروا انا هاروح للبنات
سليم مسكه من قفاه: تروح فين ياض دول بيلبسوا
مصطفى بغباء: اه وايه يعني دول اخواتي
مروان: جاتك خوت في دماغك ده كان زمان لما كنت بتبقى معاهم في كل حته دلوقتي انت بقيت شحط وبقيت طولي
مصطفى: لا بقولك ايه انا واحد من العصابه مش كفايه انكم بتدوني مهمات وتدريبات لشهور وانا مش بتكلم علشان انتوا قادتي بس
لين دخلت وقالت بتذمر: بابا قول لابنك يبعد عن شعري بدال ما....... درش
مصطفى بضحك: ازيك يا بنت يا ام شعر أحمر انتي
لين جريت لبرا وقالت بصوت عالي: يا عيال درش وصل درش وصل
مصطفى: بنتك دي أكبر مزياع متنقل على الأرض
وفي ثواني كان فيه هجوم اطفال بيقولوا في صوت واحد
'' درش ''
مصطفى بضحك: 12 عيل اللهم قلهم بقى
فهد: يا حمار اسمها اللهم زيد وبارك
مصطفى بصراخ: زيد ايه انتوا عايزين تخلفوا تاني
آسيا: وربنا معاه حق احنا 12 لسه عايزين ايه تاني
مصطفى: قلبي الصغير يا ناس اااااااااه
سيف رمي عليه جذمته: قسما بالله كلمه كمان ومش هتلاقي راسك على كتافك
مصطفى بصله بتحدى وبص لانس لقياه مكشر
'' وانت يا أبو عيون زرقاء مكشر ليه ''
أنس بضيق: دانه زعلت مني علشان قولتلها لبسها قصير
أدهم: وانا تقولها بصفتك ايه ان شاء الله
أنس بجديه مضحكه: بصفتي اني هبقي جوزها يا أدهم
أدهم: أدهم مره واحده حتى مش تقولي حمايا زي الواد مصطفى ما بيقول لسيف
سيف: خده يقولك يا حمايا
مصطفى: هههههههه مش هتعرف تخلص مني يا سيف انا وانت والايام بيننا يا حمايا
سيف: ولاه انت عارف لو مختفتش من قدامي هفرمك
مصطفى بص لآسيا: يرضيكي كده يا آسيا
آسيا بصت لابوها وبصت لمصطفى وقالت: تراني في وضع لآ يسمح لي إن ارد والا هضّرب
عمار: طب اسمعوا كده بص يا مراد قول لبنتك تغير الفستان القصير ده
غرام ومراد في نفس الصوت: وانت مالك انت
ريان بضحك: بصراحه طالما الحج اتكلم يبقي انا اخرس
مروان: لحظه بس هو مصطفى راح فين
سيف بسرعه نادي على بنته: آســيــا
آسيا: نعم يا بابا
سيف: تعالي يا بنتي هنا علشان مش ضامن الحيوان ده
مصطفى: أخص عليك يا سيف انت بتشك فيا
مراد: ايه يلاه اللي انت شايله ده
مصطفى كان شايل علب كتير فقال: هدايا للقرود دول
طيف: يااه تراني تأثرت ضيعت كل مرتبك علينا
مصطفى: ااااه شوفتوا ياكش يطمر بس فيكم وابهاتكم
آسيا بصت لمصطفى بعيونها الرمادي وقالت
'' وانا يا درش فين هديتي ''
مصطفى: ااااااه ارحمي قلبي شويه بعيونك الرمادي دي
عدي بضحك: مصطفى بيتغزل ببنتك يا سيف وانت قاعد واخد بالك انت
سيف: واخد بالي وثانيه كمان وهفجره
مصطفى أدى لآسيا علبه وقال: عارف اني ثوتي وقع في المياه ومات
مازن: يا اختااااي انت بتقلب عليها المواجع ليه ده احنا ما صدقنا انها نسيت دي فضلت اسبوع كامل زعلانه عليه
ملحوظه........
ثوتي ده الأرنب اللي جابه مصطفى لآسيا في الجزء الأول
اسيا بدموع: طب انت بتفكرني ليه طيب
مصطفى: بس بس متعيطيش جبتلك واحد غيره
اسيا بسرعه فتحت العلبه وكان فيها أرنب بس لونه رمادي فحضنته وقالت بفرحه
'' ثوتي ''
غيث: ثوتي تاني يارب ما يموت هو كمان
سيف ابتسم وبص لمصطفى اللي عيونه بتلمع بسعاده هو عارف انه مصطفى عمره ابدا ما هيأذي آسيا بالعكس مصطفى اكتر شخص يآمن آسيا عليه بس هو منتظر يثبت نفسه وعارف اني مصطفى شخص يعتمد عليه البنات فعلا ربوا يبقى راجل من صغره
           ~~~~~~~~~~~~~~~~
في الفرح كان مايك واقف متوتر اوي فقال عمر
'' ايه يا ابني متوتر كده ليه اهدي كده ريلاكس ''
عدنان: شوف مين بيتكلم ده انت لوحدك يوم فرحك شربت 7 ازاز مياه
عمر: يا ابو نسب ما انت برضو شربت يجي 10 كوبيات عصير بلاش ننشر غسيلنا قدام الشله
(اااااه اللي جيه في بالكم عمر اتجوز تمنى بعد معاناه مع البنات وعناد تمنى وعدنان اتجوز رقيه واكتشف أنها كانت بتحب حب واقعه يعني 😂)
سكت الكل لما نزلت جيسيكا وكان اللي هيسلمها هو آدم لأنها يتيمه الأب والأم وقبل ما آدم يوصي مايك عليها سمع البنات كلهم من وراه
شمس: عارف يلاه لو زعلتها هنشعلقك
شغف: مش علشان هي يتيمه تستقوي عليها لا ده العصابه كلها في ضهرها
مايك بضحك: في عينيا وربنا
البنات كانوا لابسين نفس التصميم بس بألوان مختلفه كالعاده بلون عيونهم