جنون تخطي الحدود

9- مـهـمـه جـديـده

صلي على خير خلق الله 💙
فات شهر واتنين وتلاته واربعه لحد ما فات 3 سنين أجل صدق اولا تصدق فات 3 سنين على الفراق ومنهم من كاد يجن والآخر يكاد قلبه ينشطر نصفين والشباب والبنات معترفين بحاجه واحده بس وهي اني الاشتياق يكاد يقتلهم
نروح بقى عند سيف كان قاعد في البلكونه الخاصه باوضته القديمه في قصر الجارحي لانه مش قادر يقعد في المكان اللي جمعهم دايما سوا وكان مغمض عيونه ومأخدش باله من أمه اللي كانت قاعده قدامه من ربع ساعه تقريبا
'' سيف ''
سيف فتح عيونه وكانت حمراء جدا وحوالين عيونه اسود لعدم كفايته في النوم
'' نعم يا ماما ''
مريم: وبعدهالك يا سيف هتفضل على الحال ده لامتا يا ابني انت والباقي بتقتلوا نفسكم في الشغل علشان ترجعوا مهدودين ارحموا نفسكم بقى وارحمونا معاكم انا قلبي بيتقطع عليكم يا سيف
سيف: لحد ما ما ترجع
مريم بغضب: مش هترجع لو كانوا هيرجعوا كانوا رجعوا من 3 سنين انتوا......
مريم سكتت وسيف كمل مكانها :سكتي ليه عارف اني ده عقاب عارف اني تقلت عليها بتملكي بس غصب عني مش بتحمل حد يقرب منها
مريم: ده مش حب يآ ابني ده تملك وغيره قاتله عارفه انك كنت بتحبها وبتعشقها وده محدش يقدر ينكره زي برضو محدش يقدر ينكر انك كنت بتضيق عليها جدا بغيرتك
مالك من وراها :كانوا يقولوا طيب واحنا على الاقل كنا حاولنا
مريم شافت الشياب كلهم وراها لأنهم كانوا هيروحوا لسيف علشان السفر
'' محدش فيكم اهتم حاولوا يعرفوكم من غير ما يجرحوكم في الكلام بس انتوا ولا اهتميتوا استحملوا بقى العقاب علشان انتوا اللي قتلتوا الحب ده بأيديكم ''
مريم قامت وسابتهم وهما بصوا لبعض لفتره وقال مروان ببرود
'' يلا علشان منتاخرش على آدم ''
سيف وقف: يلا
           ~~~~~~~~~~~~~~~~
نروح بقى لمكان بعيد عن القاهره ومشاكلها والازدحام لمكان ريفي هادي في محافظه قنا وفي بيت بيتكون من أربع طوابق كان البيت ده دايما مليان بالضحك ومش اي ضحك ضحكات طفولية ونشوف الصهباء دي وهى بتجري وراء ابنها وهي بتصرخ
'' عــمـــار يا يا حيوان خد هنا يلاه ''
عمار بصراخ :يا لهوتاااي الحقوني يا جدعان
ملك كانت بتجري وراه وهي ماسكه الشبشب وبتحدف عليه اى حاجه تيجي في ايدها وهو بينط يمين وشمال وصرخ لما شاف شمس دخلت
'' الحقيني يا شمس اختك هتقتلني ''
شمس: عملك أيه الواد
ملك بغيظ: بيعاكس بنت الجيران ولا اكنه عنده 27 سنه مش 7 بس
شمس: يا حيوان مش قولنالك متعملش كده تاني هنلاقيها منك ولا من رعد
رعد: وماله رعد بقى ان شاء الله
شغف ضربته على قفاه: ناقص تربيه انا معرفتش اربي
غيث: صح أنتي معرفتيش تربى الواد ده
جين/ ولا عرفت اربيك يا روح امك
شغف: اومال فين رسيل وديانا وعشق
جين: عشق وديانا بيعملوا الغداء ورسيل بتدور على بنتها كالعاده
شمس: والله البنت دي بتختفي بسرعه معرفش ليه
ملك بضحك :طالعه للفوكس
أما عند رسيل كانت بتدور على بنتها صاحبه العامان ونصف لإنها كانت حامل لما سابت فهد ومشيت وهي والبنات
'' حلا يا حلا انتي فين يا بت كل شويه تختفي ''
رسيل لقيت بنتها في الجنينه وماسكه أرنب آسيا وبتلعب معاه أو بتلعب به أيهما أقرب
رسيل: بتعملي ايه يا نصيبي الأسود
حلا لفت ليها وهي ماسكه الأرنب وبتقول بتقطع
'' توتي توتي ''
رسيل: توتي اسمه ثوتي وبعدين سيبيه مش طايقك والله
حلا سابت الأرنب وهو طلع يجري وقالت رسيل بشفقه
'' عيني عليه ملقيش حد يلحقه من ايديكي من بدري ''
رسيل شالت بنتها وقالت: وبعدين بقى فيكي كل شويه اجيبك من مكان شكل مينفعش كده
حلا بصتلها ببراءه وقالت: بـ بابا
رسيل بصتلها ولعيونها اللي زي فهد حلا نسخه من فهد في كل حاجه دمعت عيونها وبدأت تنزل واحده وراء التانيه وحضنت بنتها وبدأت تعيط من غير صوت
سمعت صوت من وراها بيقول: وطالما وحشك أكده كافيه فراق
رسيل بدموع: هو اللي كتب الفراق بايده يا نوجا
ريان جد عشق وقف جنب مراته نجاه جده عشق وقال
'' يلا الوكل جاهز بلاش منه الكلام ده دلوقتي ''
اتجمع الكل على الاكل والبنات كانوا بيأكلوا عيالهم وديانا كانت بتبص على طيف بنتها وهي بتاكل زي عدي بنفس طريقته وعيونها حزينه
طيف بحزن: مالك يا ماما زعلانه ليه
ديانا: لا يا حبيبتي انا مش زعلانه
جواد: أيه يا حماتي روقي كده
عشق: والله يا جواد انت تاني أكبر مستفيد بقعدتك معانا ابوك بيسيبك لينا بالاسابيع علشان يستفرد بأمك والحيوان أسد بيسيب حور وبيستفرد بالبت تولين
جواد: وانا اقعد مع طيفي
عشق: طيفك جاتك نيله في شكلك بعيونك الزرقاء دي
ريان: الحمد لله تعالوا يا بناتي عايز اتكلم معاكم في البرنده شويه
البنات بصوا لبعض هما عارفين هو عايز ايه
شمس: ماشي هنعمل الشاي ونيجي بس اوعي تتشاقي انت ونوجا
نجاه ضربتها بخفه: عيب يا بت
البنات عملوا الشاي وراحوا البرنده وحطوا الشاي على ترابيزه صغيره وقعدوا
عشق: ها يا جدي كنت عايزنا في ايه
ريان بجديه: انا بقول كفايه اوي لحد كده وجع انتوا بتتوجعوا وهما كمان وعيالك دول ذنبهم ايه
ديانا: دلوقتي احنا اللي ظالمين
نوجا: هما خلاص عرفوا غلطهم ويتمنوا يلاقوكم دول قلبوا الدنيا عليكم مسبوش مكان الا ودور عليكم فيه حتى أنهم جميل عندنا يجي 5
4 مرات واحنا نقول انهم مفيش علشان كده جدكم اخد ليكم الدار دي
البنات بعناد: ولو رجعنا هيرجعوا زي الاول
ريان: مفيش راجل مش بيغير على مرته
جين بحزن: بس دي مش غيره ده تملك شوفت آخر مره من سنه ونص لما جاتلي رساله بتقول اني خالد وتبارك عايشين
Flash back
من سنه ونص
جين كانت قاعد بتفكر في سليم بس قاطع تفكيرها صوت رساله فتحتها واتصدمت من محتواها
'' اخواتك عايشين يآ جين ''
جين فضلت تصرخ على البنات وهنا دخلوا بسرعه
'' فيه ايه ''
جيت بدموع: تبارك وخالد لسه عايشين
شمس اخدت الرساله وقالت: ممكن يكون فخ أو خدعه
جين: لا لا لا أنا متأكده ماما وبابا بيجولي في الحلم اكتر من 10 مرات ويقولولي دوري على اخواتك يبقى اكيد عايشين
شغف: لازم نحلل الجثتين
ملك: بس دول مدفونين في مقابر الزيان
جين: لازم اقول لجدي ومصطفى وهما هيتصرفوا
وفعلا فات يومين والجثتين اتحللوا وأثبتت اني دول مش جثث تبارك وخالد ولما محمد الزيان كانت هيتصل على جين ويقولها مروان سمعه بالصدفه وعرف اني جين هتروح المستشفى الحكومي اللي راح ليها تبارك وخالد يوم الانفجار واللي ساعدهم في ده افنان ما عقبال عندكم اكمل لقى مريم واللي اتضح انها سافرت مع اختها برا البلد خوفا على نفسهم بعد اغتيال ابوهم واللي ساعدهم جوز افنان المهم نرجع للأحداث
مروان قال للشباب وهما في دقايق كان الطريق ده نار بسبب سرعتهم وهما رايحين للمستشفى دي
أما في المستشفى وعند الدكتور وكان اسمه محمد كان قاعد في مكتبه في امان ألله وإذا بالباب يتكسر بسبب جين والبنات إللي دخلوا وجين مسكته من هدومه وجرته من وراء المكتب وحطت المسدس على دماغه وقالت بغضب شديد
'' اقسم بالله لو ما قولت الحقيقيه لافجر راسك ''
محمد برعب: فيه ايه والله ما اعرف حاجه
شمس: من حوالي 7 سنين كان فيه عيله جات في انفجار الأب والأم ماتوا والبنت والشاب عاشوا وخرجوا برا المستشفى بمساعده دكتوره افنان واختها مريم البنت والشاب التاني قولت انهم ماتوا بس هما كانوا لسه عايشين صح
محمد افتكر فعلا بس قالت بعدم فهم مصطنع: انتوا بتقولوا ايه انا مش فاهم ولا مش فاكر حاجه
رسيل ضربته طلقه في رجله من مسدس كاتم للصوت وقالت بغضب
'' كداااب قول الحقيقه احسنلك ''
جين شدت الزناد وقالت: اتشاهد بقى
محمد برعب: هقول هقول والله هقول انا فعلا قولت انهم ماتوا بس هما كانوا لسه عايشين انا ابني عنده مرض نادر في الكبد وللأسف بسبب التأخر بقيت الكلي برضو واخوكي واختك كانوا مطابقين ليه انا بدلت جثثهم باتنين تانين مشوهين بس الدكتور الحمار اللي كان هيعمل العمليه نسي يحط البنج وراح الحمام فاخوكي فاق وشاف إنه في اوضه عمليات وفيها يمت جنبه وكانت اخته كانت لاني كنت هاخد الكليه من اخوك وجزء من الكبد من اختك والله ما كنت هقتلهم كانوا هيفضلوا عايشين بس للأسف كل ده راح هربوا وإنا ابني مات بسبب المرض ربنا عاقبني فيه
جين بصراخ: حرام عليك ليه تحرمني منهم 7 سنين 7 سنين وانا فاكره أنهم ميتين استفدت ايه من حرقه قلب عيله كامله استفدت ايه
محمد بقهر: مراتي عندها القلب لو كانت عرفت الحقيقه كانت هتموت مش كفايه ابني مات 
مصطفى دخل وقال بدموع وغضب شديد
'' واحنا ذنبنا ايه ''
عشق: يعني هما عايشين هندور عليهم
محمد بخوف: فيه حاجه كمان
مصطفى :ايه هي؟؟!!
محمد: لما كشفت عليهم لما جم المستشفى اتضح اني الاتنين مخبوطين في رأسهم من وراء أثر وقعه شديده فكانوا اكيد فقدوا الذاكره وممكن يكونوا لسه ناسيين لحد دلوقتي
جين بدموع: ااااه يا ربي يعني حتى لو فيه امل انهم هما اللي يرجعوا بقى مستحيل
ملك: مش مستحيل اكيد هيفتكروا ويرجعوا واحنا هندور في كل مكان انت كنت هتعمل العمليه فين أيه آخر مكان هما كانوا فيه
محمد: العريش
مصطفى بذهول: نعم العريش في سيناء
محمد' ايوه انا اصلا من هناك وبشتغل في القاهره والدكتور اللي كان هيعمل العمليه يبقى ابن عمي ورفض يسافر القاهره علشان عيلته فاضطرينا نعملها هناك
شغف: سيناء اللي كلها إرهاب يعني الله اعلم هما فين ولا عايشين ولا ميتين
جين: لا هما حيين لو ميتين ابويا وامي مش هيجوا في الحلم
سمع الكل صوت فرمله عربيات كتيره فبصت رسيل من الشباك باستغراب اتقلب لرعب
'' الشباب الشباب تحت ''
جين: نـ نعم بيعملوا أيه هنا
شمس: انت قولتلهم
مصطفى: والله ما قولتلهم حاجه
عشق: وده وقته خرجونا من هنا
شمس شدت محمد: خرجنا من هنا بسرعه
محمد: حاضر حاضر
البنات قدروا يخرجوا بمعجزه والشباب قلبوا المستشفى حرفيا رأسها على عقب بس ملقيوش غير الدكتور ومصطفي
مروان مسك مصطفى من هدومه: هما فين يا مصطفى هما فين
مصطفى بعدم فهم: هما هما مين
سليم ضربه بوكس في وشه: مش ناقصه غباء البنات فين كانوا هنا
مصطفى مسك وشه: ااااه كانوا هنا بس مشيوا
عدي بغضب شديد: ليه ليه مش مكفيهم سنه ونص بعاد أيه الجبروت والقسوه دي
مصطفى بغضب أشد: تصدقوا حلال فيكم لأنكم متغيرتوش ولا حتى بـ ½ % والقسوه دي عندهم من زمان بس أنتوا عمركم ما شوفتها بس خلاص جيه الدور عليكم انكم تشوفوها وهقولها تاني انتوا لو متغيرتوش عمرهم ما هيرجعوا
Back
ريان فات على الموضوع ده سنه ونص حالهَ اتعدل دلوقتي
البنات بكبرياء: لا برضو
نوجا بصت لجوزها بنظره هو فهمها فقال: خلاص روحوا دلوقتي ونتكلم بعدين
البنات مشيوا وقالت نوجا: مفيش حل غير أننا نقول للشباب على مكانهم
ريان:؛ هتصل برحيم يمهد ليهم الموضوع
ريان اتصل على رحيم بس مش بيرد: وبعدين بقى مش بيرد
نوجا: اتصل على مصطفى وهو هيتصرف
ريان: خلاص ماشي
           ~~~~~~~~~~~~~~~~
في انجلترا
كأن مصطفي ماشي بكل ثقه في مبني المخابرات ودخل اوضه من غير ما يخبط وقعد بكل برود تحت نظرات الاشتعال من الشباب
'' احم احم متجمعين عند النبي ''
مروان بضيق: خير ايه اللي جابك
مصطفى: كده يا ابن عمي ده برضو استقبال
فهد: اخلص يا مصطفى عايز ايه
مصطفى: والله مش انا اللي عايز ده أنتوا اللى عايزيني
مالك: واحنا مش عايزينك حاجه اتكل على الله
مصطفى وقف: كده خلاص انا عملت اللي عليا شكلكم ملكمش تصيب تعرفوا البنات فين
مصطفى كان هيمشي بس مراد شده: خد هنا انت قولت ايه
مصطفى: والله انتوا سمعتوا
سيف: سمعنا بس ده اكيد مقلب من مقالبك
مصطفى: لآ مش مقلب تحب اتصلك ببنتك دلوقتي
مصطفى طلع تليفونه ورن على آسيا وبعدين شويه ردت
'' مسا مسا يا ابراهيم ''
مصطفى: مسا مسا يا رؤوف فين الباقي
آسيا بصت حواليها: امممم رعد ومازن بيأكلوا كالعاده وأحمد بيتخانق مع لين.... وعمار المعفن طلع يعاكس بنت الجيران تاني وغرام راحت وراه علشان تقفشه وغيث نايم في امان الله وأنس بيتدرب عشان خسر قدامي اخر مره وفارس بيدور علي حلا اللي متأكده انها مع ريان كالعاده بس كده
مصطفى: طب فين الكبار
آسيا: برا رايحين يتخانقوا مع حد وجايين
مصطفى: مين؟!!؟
مازن سحب التليفون وقال: اصله من يومين فيه عريس جيه يتقدم لشغف
مالك بص لمصطفى بشرار وهو اتحنح: احم احم وبعدين اكيد مسكتتش
رعد: انا بالنسبه ليا العريس ده أحول ااااه وربنا يعني هو مش شايفني واقفه جنبها ولا مازن اللي باقي طولها ده
آسيا بضحك: طردته طردت الكلاب بقولك ايه اقفل كده شكلهم جم
مصطفى قفل: شايفين عيالكم القرود زي ما هما وبقيوا عفاريت اكتر من الاول
مراد باستغراب: مين حلا اللي مع ريان
مصطفى ببلاهه: ههههه بنت فهد
فهد وقف بفزع: بنت مين
مصطفى: بنتك انت ما رسيل كانت حامل لما مشيت وشكلها طول الحمل كانت بتفكر فيك فالمقروضه بنتك طلعت نسخه منك ومتاكد كده انه في المستقبل هي وريان هتجمعهم Love story
فهد بصدمه: بنـ بنتي انا
مصطفى: هو انت لسه مصدوم
فهد بسرعه: هما فين انطق بسرعه
مصطفي بغرور: لما اتأكد الأول انكم اتغيرتوا
سليم رمي عليه ازازه المياه بغيظ :وانت بقالك 3 سنين متأكدتش لسه
مصطفى بألم: خلاص حاضر هما في.....
قاطعه آدم لما دخل وقال: انا هجيب البنات هنا وحالا وهساعدكم لأنه اعتقد كده خلاص طولوا بينما ليه الكفايه
سيف: هو حصل حاجه ولا ايه يا آدم
آدم: ايوه رحيم اتخطف من مافيا
مصطفى: يا اختاااي تاني كده نقول مرحبا بعوده الشياطين
آدم بثقه: لا مش لوحدهم الوحوش والشياطين
           ~~~~~~~~~~~~~~~~
في مصر
البنات وصلوا وقالت جين باستغراب: بتكلموا مين!!؟؟
أنس: ده درش ولسه قافل ها عملتوا ايه في الراجل
عشق: اقرأوله الفاتحه
الأطفال كلهم: الله يرحمه
شمس طلعت فوق تستريح شويه واخدت دش وفردت جسمها على السرير بتعب بس مش تعب جسدي لا ده تعب روحها وقلبها
الباب اتفتح ودخلت أسيا وقالت: شمس ينفع اتكلم معاكي شويه
شمس بابتسامه: تعالى
آسيا اتربعت على السرير قدامها وقالت: ها بقى وبعدين
شمس: وبعدين ايه
آسيا: هتفضلي على الحال ده لامتا
شني: قولتلك لو عايزه تروحي لابوكي انا عمري ما همنعك
آسيا بحزن: هو ابويا وانتي امي
شمس بصتلها وآسيا كملت :ايوه امي الأم هي اللي ربت مش اللي ولدت مش المثل بيقول كده وبعدين مش انتي بتحبي بابا
شمس بدموع: بحبه والله
آسيا: واللي بيحب بيسامح سامحيه بقى
سمعوا الاتنين صوت صراخ تحت نزلوا لقيوا نغم بتبكي بهستريا جريوا عليها بسرعه
'' نغم مالك فيه ايه ''
نغم بتقطع: ررحيم..... اخدوا رحيم
ملك: مين اللي اخده
نغم ببكاء: معرفش معرفش لو حصله حاجه انا هموت وراه
جين: وانتي جايه تعترفي دلوقتي انتوا الاتنين بتعندوا مع بعض بقالكم 3 سنين يا جذمه بقالكم 3 سنين متجوزين ومعترفتيش بحبك ليه ودلوقتي جايه تقولي كده
نغم: انتوا هتقطموني ولا ايه انا عايزه رحيم والله انا ممكن اموت وراه
ديانا: اهدي تايجر مش اي حد مش هيقربه منه السؤال هنا ليه خطفوا
شمس: يلا اجهزوا هنسافر لآدم دلوقتي
شغف: طب والولاد
شمس: هيبقوا عند بيتر يلا
           ~~~~~~~~~~~~~~~~
في انجلترا
عدت ساعات والكل مستني اللقاء على أحر من الجمر
مصطفى: انا مش عارف انتوا قلقانين كده ليه
سيف: حد يسكت الحيوان ده بدال ما اقوم اضربه
مصطفى سكت اهو
دخل شخص وهو بيلهث: سيد آدم أن الشياطين قد وصلوا
خرج الشباب بسرعه وبصوا من تحت عليه استقبال المبنى وشافوا للبنات داخلين وكانوا لابسين كمامات وكابات وكأن الكل بيبص عليهم هما عارفين أني فيه 7 بنات يبقوا فريق في المخابرات العامه ويبقى من أقوى الفرق إللي هنا بس بقالهم فتره كبيره جدا محدش يعرف عنهم حاجة
آدم للشباب: ادخلوا هما جايين دلوقتي
البنات طلعو لآدم ودخلوا وكان الشباب قاعدين وفضلوا هما 14 باصين لبعض لفتره طويله ونظراتهم كانت ما بين العتاب والاشتياق والعشق
ابتسم آدم وقاطع النظرات دي وقال' زي اول مره بصيتوا لبعض كده برضو
شمس: ازيك يا آدم
آدم: كويس يا شيطان مش آن الأوان بقى الشياطين يرجعوا للساحه
البنات ببرود: اكيد بس مين اللي عمل كده
آدم: مفيش مافيا معينه شاكين في كذا واحده
سيف: وهما كام واحده بالظبط
آدم: 7 مافيات المافيا الروسيه والفرنسيه واللاتينيه والاوكرانيه والألمانيه والتركيه وكمان العصابات الموجوده في إيطاليا دول ليهم عداوه مع تايجر عيله ايفان هتساعدنا لو فيه برا السبعه دول ونغم هتكون معاهم
سليم: مش ده خطر عليها
آدم :حاولت اقنعها انا وأولاد عمها بكل الطرق بس دماغها عنيده
عدي: ايه الخطه اللي هنمشي عليها
آدم: تتفرقوا على السبعه
شمس بشك: بلاش يا آدم الفكره اللي في دماغك دي مش هتمشي
آدم ببرود: اعتقد انا القائد هنا عليكم والأوامر بتمشي على الكل
ملك: بلاش تدخل المشاكل العائليه في الشغل
آدم بابتسامه مستفزه :وانا مش بدخلها عامه التقسيم هيبقى كالتالي الشيطان والوحش الافعي وبلاك العقرب والغول البرق والتنين الصقر والحوت الثعلب والفهد الرعد والديناصور كل اتنين يحاولوا يدخلوا مافيا معينه ويعرفوا إذا كان تايجر موجود فيها وانتوا طبعا عارفين ازاي كل اتنين يمشوا على خطه مناسبه سيف وشمس هتكونوا في إيطاليا مروان وملك هتكونوا في أمريكا اللاتينية وبالتحديد دوله كولومبيا مراد وعشق في تركيا لاني مراد عارف الأماكن هناك اما عدي وديانا في أوكرانيا وانتي يا ديانا عارفه المافيا هناك ماشيه ازاي انتي عيشتي ما بينهم فتره كبيره سليم وجين في ألمانيا فهد ورسيل في فرنسا ومالك وشغف في  روسيا اى سؤال تاني
البنات بصوا لادم بتوعد: ودع حياتك مع جاسي
آدم باستفزاز: مش انا اللي حاطط الخطه دي
مالك باستغراب: اومال مين؟!؟!
آدم: القيصر والملاك الأسود
رسيل: يا حلاوه يعني هما معتزلين بقالهم 30 سنه جايين يرجعوا امجادهم علينا
مصطفى: احم طب انا مليش لازمه ولا اروح مع مين
البنات بصوت واحد: تعالى معايا
الشباب بصوا لمصطفى بمعنى لو قولت اااه هتموت
مصطفى بخوف: انا بقول ابقى مع العيال ليكون الموضوع تشويش ليكم على حاجه أكبر
آدم بتفكير: معاه حق مصطفى هتكون مهمتك الجديده هي تأمين الأطفال
مراد: وهما فين بقى ولا مستنين 3 سنين كمان علشان نشوف ولادنا
ملك: ايه يا خال اشحال ما كنتوا بتكلموهم كل أسبوع مره
مروان بغيظ' اه بعد ما شمس تعمل تشويش على الأشاره وتمنع اننا نعرف انتوا فين
جين: اسمكم برضو كنتوا بتكلموهم يا ابن عمي
فهد بص لرسيل: وبالنسبه للي ما قالتش اني بقى عندي بنت
رسيل باستفزاز: لسه صغيره كانت بس هتقولك ضا... ضا.... ضا
شغف: اششش اسكتوا كده في حد على الباب
مالك: حد حد مين
شغف وقفت وحطت ودنها على الباب
مراد: ايه يا حجه شغف محدش قالك اني التجسس حرام
عشق: الكلام ده المفروض يبقى للي بيتجسس من برا
جين وقفت جنبها: سامعه ايه برا
شغف: امضغي امضغي هو ده اللي سامعه
آدم: مين ده
جين فتحت الباب مره واحده ووقع مازن وأنس على الأرض وآسيا كانت واقفه وماسكه في ايدها فراوله
'' اااااااه يا ضهري ''
ديانا: انتوا مش هتبطلوا بقى وبعدين مين اللي جابكم هنا
أنس: جون
رسيل: مين اللي تمضغ دي علشان عندي احساس انها بنتي اللي بتجيبوا اي حاجه وبتاكلوها ليها
آسيا: لا حلا براءه دي انا
شمس بغيظ: هو مش الفراوله غلط عليكي بتتنيلي تأكليها ليه
آسيا: ايه يا شمس هنصيع على بعض ما انتي عندك السكر وبتاكلي حلويات من ورانا
سيف راح لبنته وحضنها: كبرتي يا آسيا
آسيا: ايه رايك بقيت قمر صح
سيف بضحك: صح
آسيا بغمزه: وفيه واحده تانيه بقيت قمر  صح
سيف: فاهماني انتي
مازن: مالك اخويا يا حبيبي
فهد: الواد ده شبهك اوي اكتر من رعد
مالك: اخويا بقى يلا العار عندي اخ قد ابني
أنس: لآ Excous me انا ومازن أكبر
مازن: عارف معاناتي يا ابني
أنس: أيه يا سولي مش تسلم على ابن اخوك ده انا حتى يتيم زي زيك
سليم: لسانك اتحول ولا اكنك مولود في أمريكا
مازن: عادي ما انا برضو معايا الجنسيه الامريكيه بس تربيه شغف
شغف بسخريه: وشغف معرفتش تربى هنسافر امتا يا آدم
آدم: وقت ما انتوا تحبوا
الشباب بسرعه: دلوقتي
           ~~~~~~~~~~~~~~~~

Sabreen 💙