جنون تخطي الحدود

فهد ورسيل +مراد وعشق 💙

صلى على خير خلق الله 💙
عند فهد ورسيل
فهد أصر قبل السفر يشوف ولاده ورسيل وافقت وراحوا عشان يشوفوها
رسيل: مصطفى فين فارس وحلا
مصطفى: حلا وربنا ما اعرف بنتك دى مركبه عجلات في رجليها بتختفي في الدقيقة الف مره
فهد: وطالما بتختفي بالسرعة دي خلوا بالكم منها
مصطفى: ماهو ريان معاها
فهد: ريان قولتلي
فهد ورسيل راحوا يدوروا على حلا وبعد شويه فهد لمح بنوته بتمشي ببطء وبتتعثر راح ليها
'' يا عسوله انتي مين''
البنت لفتله وفهد اتصدم من الشبه الفظيع ما بينهما وبينه وهمس بخفوت
'' حلا ''
حلا قربت كنه وحضنت رجليه وقالت بكل طفوله
'' بابا ''
فهد نزل من ركبه وحضنها جامد: يا قلب بابا انتي
فهد باس خدودها الممتلئين وهي كانت بتضحك بصوت عالي وحطت صباعها على شفايفه وبصتله بتذمر لما معملش حاجه
فهد بعدم فهم: يعني ايه طيب
فارس: عايزاك تمص صباعها هي بتحب الحركه دي
فهد فتح دراعه بحنان: تعالى يا فارس
جرى فارس لحضن ابوه: وحشتني اوي يا بابا
فهد: وانت كمان يا حبيبي
فارس: مش هتسافر تاني ماشي علشان انت اتاخرت اوي المره دي
فهد فهم اني البنات كانوا مفهمين العيال انهم مسافرين
'' حاضر يا فارس''
حلا عملت صوت وهي بتحط صباعها جوا بوق فهد وهو ضحك عليها وفتح بوقه وعض صباعها بس مش اوي وهي ضحكت
فارس: بتضحكي علشان بيعض صباعك يا غبيه
فهد: ولاه متشتمهاش
فارس بدراما: ايوه قول كده هتبقى هي الحته الشمال وانا هتركن على الرف ليه كده يا فهود تعمل كده حد يعمل في ضناه كده
حلا ضربته على وشه وهو صرخ: عــيــنــي يا اما
حلا مسكته من شعره وبدأت تشده وهي بتضحك بصوت عالي
أما على بعد منهم كانت بتراقبهم رسيل بابتسامه حزينه قد ايه كانت غبيه لما فرقت أسرتها وعزمت على عدم تفريقهم مره اخرى هذا أن سامحها فهد.
فهد اخد باله من رسيل وبص لفارس وقال
'' فارس خد اختك وروحوا لمصطفى وخلي بالك من اختك علشان احنا مسافرين ماشي''
فارس: هتتاخر تاني
فهد: لا يا حبيبي متقلقش
فارس شال اخته ومشى ورسيل كانت هترجع تاني للعرببه تستنى فهد بس لقيت نفسها بتتشد ولما لفت توأهت بخفوت لما فهد حضنها جامد تقسم أن عظامها تكسرت
فهد دفن وشه في رقبتها: وحشتيني
رسيل: حتى بعد ده كله
فهد ابتسم وبص لعيونها وقال بعشق: عندما نريد العسل نتحمل لسعات النحل وعندما نريد الحب نتحمل الصعاب وعندما اردتكِ حوريتي تحملت أكثر من طاقتي لكن لا يزال قلبي ينبض هوسا بكِ
رسيل: يعني انا بوجعك وانت لسه بتتحمل
فهد: علشان عسل عيونك دي هتحمل اي حاجه الا انك تبعدي عني تاني صدقيني هقتلك وهقتل نفسي وراكي المره اللي جايه
رسيل حط ايدها على بوقه: بعد الشر عليك يا فهد اوعي تقول كده تاني
فهد ابتسم وباس باطن ايدها بكل حنان وقال بمرح
'' يلا علشان نلحق الواد رحيم ليقتلوا''
          __________________________
                              ____

عند مراد وعشق في تركيا
ابتسمت عشق وهي بتتمشي في شوارع تركيا بلد امها الحبيبه وانقلبت ابتسامتها لحزن عندنا تذكرت ايام طفولتها مع ابيها وامها الراحلين ومراد كان بيراقب ملامحها تاره سعيده وتاره مبتسمه وتاره حزينه
'' مالك''
عشق انتبهتله :مفيش حاجه
عشق لفت انتباها واحد بيبيع آيس كريم بالتوت فوقفت مره واحده وقالت
'' مراد انا عايزه آيس كريم من ده''
مراد بصلها: أكبري شويه يا عشق بقى عندك 30 سنه وعقلك لسه صغير
عشق: قول بقى إنك مش عايز تدفع وبقيت بخيل هاروح ادفع انا
وقبل ما تتحرك خطوه مراد سحبها من هدومها من وراء وجرها وراه وهي صرخت بتذمر
'' استنى يا عم انت سيبني ده آيس كريم بالتوت حرام عليك''
مراد فتح العربيه ودخل عشق فيها غصب عنها وقعد جنبها قدام عجله القيادة وطلع بالعربيه وعشق بصتله بغيظ شديد
'' دلوقتي انت جرتني زي الجاموسه كده ليه''
مراد: عيب يا روحي متشبهيش نفسك بالجاموسه أنتي بقره
عشق شهقت بقوه: هاااااااااا بقى انا بقرة قصدك اني تخينه
مراد بص لجسمها إللي بقى ارفع من الاول لأنها بعد الولاده كانت كيرفي بزياده
'' اولا انا مش قصدي على جسمك انتي يا روحي بعقل بقره''
عشق بسخريه: ولازمتها ايه روحي بعد الشتيمة دي بلاها
مراد كتم ضحكته: ثانيا بقى جسمك كده مش عاجبني بقيتي رفيعه اوي وانا مش بحب الرفعين ارجعي مربربه كده
عشق فتحت بوقها بذهول شديد: مربربه مراد انت بجد من أب وأم تركيين ولا انا اتغشيت في المنتج
مراد قفل بوقها بأيده وقال: متأكد زي ما انا متأكد انك برضو من ام تركيه.... وركز على شفايفها وقال بغمزه تصدقي وحشوني أوي التوتين دول طعمهم شبه التوت اوي يا ترى لسه زي ما هما
عشق ضربت ايدها وخدودها احمرت: لسه قليل الادب زي ما انت مفيش حاجه اتغيرت وأعتقد انك زي ما انت في كل حاجه
انقلبت ملامح مراد لحزن وبصلها بعتاب شديد: وانا عمري ما هتغير لوحدي وبعد ما مشيتي انتي بقيت متملك بيكي اكتر ومش هتغير
مراد لف وشه وركز من الطريق ووقعت عيونه على بائع  الايس كريم يشبه ذالك الذي كانت تريده عشق ويشبه الذي كان في شهر عسلهم
Flash back
عشق بتذمر: بس انا عايزه الايس كريم ده يا مراد
مراد: انتي من امتا بتحبي الايس كريم اصلا
عشق: ده بالتوت وانا بعشق التوت يلا بقى هاته هاته هاته هاته
مراد: خلاااااص حاضر هجيب بس بشرط
عشق بسرعه: موافقه
مراد: مش لما تسمعي الشرط الأول
عشق: يا عم موافقه اخلص بقى
مراد بمكر: ماشي
مراد جاب وأجره آيس كريم 🍦كبيره بالتوت وجيه وكانت عشق هتاخدها بس هو رفع ايده
'' تؤ تؤ الشرط''
عشق: لا متقولش عايز بوسه زي الروايات
مراد: لا عايز حاجه تاني
عشق باستغراب: عايز ايه؟؟!!
مراد: ننزل المياه
عشق: يا راجل بس كده حاضر هي المياه وحشه يعني
مراد بمكر :لا مش وحشه خدي الايس كريم كليه لحد ما نرجع الشاليه
عشق بشك: مش عارفه ليه مش مرتاحه لنظره المكر دي
مراد: ليه بس ده انا حتى طيب
عشق: اااه فعلا يا غول طيب اوي اوي باماره الراجل اللي شلفطت وشه علشان بس غمزلي اومال لو كان اتحرش بيا كنت عملت ايه
مراد: بغض النظر عن انك كنتي هتقطعي ايده وده متأكد منها.... وكمل بملامح مخيفه انا كنت دفنته حي
عشق: عنيف اوي انت يا مراد ودي حاجه جديد في شخصيتك اللامباليه
مراد: يا سلام يعني انتي مكنتش تعرفي اني لما بتعصب ببقى وحش
عشق: اااه عارفه بس مكنتش اعرف انك بتبقى وحش اوي كده بما انك مكنتش بتتعصب كتير تعرف يا مراد انت اكتر واحد فاهمنا انا والبنات علشان مريت بحاجه من اللي مرينا به.
مراد بصلها بعشق شديد: دائما ما كنت أراكِ مشتعله كالون شعرك وكان للجميع يراكِ مجنونه الا انا كنت أعلم أن وراء هذا الاشتعال طفله حُرمت من الحنان وانا خُلقت من أجل أن اعوضك جنيتي الحمراء
عشق ابتسمت بخجل ومراد ابتسم على خجلها الذي بات يعشقه في شخصيتها لكنها تخجل معه فقد وهذا ما يعجبه أكثر
'' وصلنا اهو بصي في الحمام هتلاقي حاجه البسيها يا عشق ولازم تلبسيها هو ده الشرط وانا هستناكي برا ''
عشق بعد ما مشي راحت للحمام وقالت: مش عارفه لسه حاسه الحاجه دي مش هتعجبني
عشق خرجت الحاجه دي من الكيس وفتحت عيونها بذهول وصدمه: علي جثتي اني البس ده
بعد نص ساعة خرجت عشق وهي تكاد تموت خجلا تتمنى ان تنشق الأرض وتبلعها اما مراد كان مستنيها برا ومستعد لنزول البحر ولما شافها خارجه ابتسم وهو يتأملها بذالك المايوه الأسود الذي يناقض بشرتها البيضاء وشعرها الأحمر الناري الذي تركته مفرود لعله يخبئ اي شئ من ظهرها الشبه عاري
عشق وقفت قدامه وهب بتفرك ايدها بتوتر: بلاش يا مراد ممكن اي حد يجي
مراد مسكها من وسطها: مستحيل حد يقرب من هنا انا مختار الشاليه ده بالذات عشان بعيد عن الكل يلا بقى
عشق رجعت لوراء: طب اطلب اي حاجه تاني بلاش دي
عشق شهقت بقوه لما مراد شالها ونزل بيها المياه
'' لأ هننزل يعني هننزل ''
Back
مراد فاق على صوت عشق: مراد إحنا رايحين فين ده مش طريق القصر
مراد: عارف لاني ممكن القصر يبقى متراقب فهنروح مكان تاني
عشق مالت عليه وحطت رأسها على كتفه وقالت
'' انا اسفه''
مراد: بسهوله كده.
عشق بصتله بعيون تشبه القطط لا هي بالفعل عيون قطط بمزيج بين الأزرق والرمادي وقالت بكل دلال انثوي
'' طب علشان خاطر جنيتك يا مرادي مش انا جنيتك''
مراد بص لعيونها وضعف أوي فمد ايده وحاوطها به وبالايد التانيه بيسوق وباس دماغها بحنان وعشق
'' للأسف بقى مراد مش بيعرف يتنفس بعيد عن جنيته ولا حتى يقدر على زعلها''
(اااخ على الجفاف العاطفي ده أنا حاسه بيكم 😅)
           ~~~~~~~~~~~~~~~~

Sabreen 💙