جنون تخطي الحدود

سيف وشمس 🤍

شوفوا انا كريمه ازاي نفسي بقى اقرأ كومنتات تفتح النفس قولوا رايكم عامه في الروايه من ناحيه السرد والكوميديا والضحك والغموض والتشويق وكله 😂
صلى على خير خلق الله 💙
في إيطاليا
خرج سيف وشمس من الطياره ووقفوا في المطار
شمس بزهق: احنا مستنين مين
سيف وهو بيبص بعيونه حواليه: شخص
شمس بسخريه: تصدق كنت فاكره اننا مستنين الفطار.... كملت بغيظ مين هو ده
سيف بصلها: واحد هيساعدنا اسكتي بقى
شمس قعدت على الكرسي وغمضت عيونها وسيف قال
'' اخدتي دواء السكر''
شمس بصتله بصه طويله: لا
سيف اتنهد بضيق وراح جاب ازازه مياه والدواء كان في ايده ومدهم ليها
شمس: انت معاك الدواء بتاعي ليه
سيف بصلها في عيونها: علشان لو رجعتي في يوم يبقى معايا الدواء بتاعك
شمس نزلت عيونها واخدت الدواء منه وشربت مياه ولقيت علبه عصير بتتمد ليها فلتت منها ضحكه
سيف :بتضحكي على ايه
شمس: علشان في كل مره بتجيبلي عصير مانجا
سيف: وانتي بتحبي مانجا
شمس: لا انا بقيت بحب التفاح اكتر
سيف سكت شويه: بس انتي عمرك ما كنتي بتحبي التفاح
شمس بابتسامه: بس بقيت بحبه علشان بيفكرني بيك
سيف' وانا في كل ثانيه كنت بفكر فيكي مش بس لما ابص لحاجه انتي كنتي بتحبيها
شمس بصتله بحزن: انت اللي عملت فينا كده يا سيف
سيف: ليه هو انا اللي سيبت المشكلة كلها ومشيت
قاطع كلامهم صوت شخص بيقول
'' اخيرا رجعتوا انتوا الاتنين ''
شمس' معتز
معتز: حمد الله على السلامه يا شمس كل دي غيبه
شمس قامت وحضنته وهو خاف وبص لسيف اللي بيبصله بشرار
شمس بهمس: مالك يالاه اجمد كده
سيف ببرود خارجي واحتراق داخلي: خلصتوا نبدأ بقى في المهم
معتز: احم كرم مستنينا يلا
خرجوا كلهم وشافوا كرم ساند على العربيه ولما شافهم اتعدل
'' ياااه أخيرا شوفت الثنائي ده من تاني الوحش والشيطان ''
سيف/ ها ايه الاخبار هنا
كرم: مفيش اي جديد
شمس: ازاي اتخطف
كرم: كان هو ونغم هيسافروا مصر بس فيه حد كممه واخده قبل ما يوصلوا الطياره
شمس وطبعا مقاومش علشان يعرف مين دول
معتز: اكيد
سيف: مين العصابات اللي شاكين فيها هنا
كرم: عصابه القط الأسود هي الأول وبعدها عصابه كده بيراقبها جورج
شمس: وفين مركزها
كرم: هنا في روما العصابه التانيه
معتز: اما عصابه القط الأسود فهي في ميلانو
سيف: خليكوا انتوا هنا مع جورج وانا وشمس هنروح ميلانو
كرم: خلوا بالكم العصابه دي مش سهله وخصوصا انها بقيت أقوى بعد اللي عملتوا فيهم يا شياطين
شمس: لا متقلقش
~~~~~~~~~~~~~~~~
سيف وشمس ركبوا قطر علشان يروحوا ميلانو وسيف كان بيبص من الشباك للمناظر من برا لاني ميلانو من أجمل مدن إيطاليا
شمس: هو التلج احلى مني
سيف: أنتي والتلج واحد
شمس بتهكم :يعني انا بارده
سيف بصلها: انتي ادري بنفسك
شمس ابتسمت بمكر فهي تجيد فن الإغراء جيدا ليس أكثر من رسيل فرسيل تفوقت على الجميع
شمس حطت ايدها على خدها وبصت لعيونه
'' اتعلم عيونك الرمادي هذه تشبه ابنتك لكن انا ارى ان عيونك أجمل كم اشتقت لأن انظر إليهم ''
سيف اتوتر شويه بس مبينش وقال: وانا اشتقت لجعلك تخجلين كي يصبح لون وجهك ينافس لون شعرك الأحمر
شمس اتوترت اوي فهو أكثر شخص لا تستطيع المقاومه أمامه لكن ابت أن تستسلم فوقفت وقربت منه وحطت صوابعها من شعره وقالت
'' تاني حاجه عندك بحبها هو شعرك ''
سيف بتحذير: شمس انتي كده بتلعبي بالنار واحنا في مكان عام انا عن نفسي مش ههتم بس انتي اللي وشك هيبقى زي لون شعرك ده
شمس قعدت بضيق لأنها عارفه انها لو استمرت فدى مش بعيد تدفن نفسها في الأرض من الاحراج لاني سيف جرئ جدا ومش بيهتم بحاجه
سيف: ايوه كده اقعدي ساكته لحد ما نخلص من المهمه دي
شمس بخفوت: جاتك نيله في ام حلاوتك دي
سيف حط رأسه على الازاز وابتسم لأنه سمعها وقال بهمس
'' وحشتيني اوي يا مجنونه ''
بعد ساعه وصل سيف وشمس لميلانو وكان الجو برد اوي وليه لا وده شهر نوفمبر وميلانو واحده من المدن اللي بيكسوها التلج في فصول الشتاء
شمس :اوووف انا بشفق على حال شغف ومالك دلوقتي في روسيا
سيف قفل الجاكيت بتاعه وقال: اقفلي الجاكيت بتاعك كويس الجو بارد جدا
شمس: ماشى
سيف: شكلك بيبقى لطيف وانتي بتسمعي الكلام
شمس بعند: كده طب مش ماشي
سيف ضحك عليها شمس هى شمس ومش هتتغير نهائي ولو انطبقت السماء على الأرض
سيف خرج طاقيه صوف ولبسها ليها تحت تذمرها
'' مش عايزه البسها''
سيف: لا الجو برد البسيها
سيف لبسها ليها وبص لشكلها المتذمر اللطيف جدا فلون الصوف الأبيض مع لون شعرها وعيونها الزرقاء وبشرتها البيضاء يجعل منها لوحه جميله لآ بل فاتنه
شمس: لو بتعرف ترسم ارسمني
سيف ابتسم: لا انا بعرف اعمل حاجات تانيه ويلا بدال ما اعملها في نص الشارع كده
شمس اتحرجت ومشيت قدامه وهو حط ايده على كتفها وضمها ليه وهي بصتله باستغراب وهو قال
'' ايه بردان''
شمس: ليه حد قالك اني جاكيت ولا حاجه
سيف: لا انتي قيمتك أعلى من الجاكيت
بعد شويه شمس قالت بهمس: سيف احنا متراقبين
سيف: اخدت بالي اسمعي ادخلي في المطعم ده ونتقابل في النافوره اللي في نص البلد
شمس: لا انا مش هروح
سيف' ايه يا شمس انتي خايفه ولا ايه
شمس: لا انا خايفه عليك انت يا سيف
سيف: متخافيش خليها على الله
شمس دخلت المطعم ومنه على الحمام واستنت شويه بس خرجت بسرعه
'' لا انا مش هفضل قاعده كده وهو الله اعلم بيعمل ايه ''
شمس وصلت النافوره فعلا وبصت حاوليها على سيف وبدأ القلق يتملك منها فهمست بخفوت
'' انت فين يا سيف ''
سيف من وراها: إنا هنا متخافيش
شمس حضنته جامد: خوفت ليكون حصلك حاجه
سيف: هيحصلي ايه اكتر من اللي انا فيه يعني
شمس بعدت عنه: عارفه اني وجعتك كتير وقولتهالك بدل المره الف ابعد عني انا مش هجيب ليك غير الوجع
سيف بصلها طويلا ورفع وشها من الأرض بايده وقال بكل صدق
'' وأن سألوني ما المؤلم الذي لا استطيع أن اعيش بدونه سأقول لهم مجنونتي ذات الشخصيات الثلاث فهي مليكتي وشمسي ومعشوقتي ''
شمس بصتله وللمعه اللي في عيونه وهي مستغربه جدا اول مره في حياتها تشوف شخص يقدم الحنان مقابل الوجع هي عملت كده زمان بس كتر الوجع عليها فبقيت شخص قاسي اوي حتى على الشخص اللي عشقته
سيف ركز على عيونها وحس باللي بتفكر فيه وقال وهو بيبص على فندق قريب منهم
'' هنبات النهارده في الفندق ده لحد الصبح تمام''
شمس: تمام
بعد شويه إجراءات طلع سيف وشمس على اوضتهم بس طول الطريقه كل البنات كانوا بيبص لسيف بإعجاب شديد شمس اضايقت اوي وراحت لسيف ومسكت في دراعه بتملك لاحظه سيف وابتسم ووصلوا لاوضتهم وقال سيف
'' هتصل على مصطفى اطمن على الولاد وآسيا ''
شمس هزت رأسها: ماشي
سيف كآن واقف في البلكونه بعد ما اطمن على آسيا وأنها في مصر دلوقتي مع الباقي في قصر الشياطين سمع صوت باب الحمام بيتفتح وخرجت شمس وهي لابسه برنص الحمام وشعرها الطويل مبلول وقفت قدامي المرايا علشان تنشفه
أما سيف بلع ريقه بتوتر شديد: اللهم اخزيك يا شيطان لا شيطان ايه ده الشيطان بنفسه قدام المرايا
شمس بصتله: بتقول حاجه يا سيف
سيف: بقول تدخلي تلبسي جوا بدال ما تحصل حاجات انا مش مسؤل عنها
لمعت عيون شمس بمكر وقربت منه وحطت ايده على كتافه وقال بدلال
'' وايه يعني مش أنا مراتك ولا انا موحشتكش يا سيفي ''
سيف غمض عيونه وهو بيحاول يفتكر اي حاجه من دروس الثبات النفسي بس كله طار حتي عقله طار لما شمس رفعت نفسها وقربت منه وهمست
'' بس انت وحشتني أوي أوي يا سيف ''
سيف فتح عيونه: حاولت اتحكم في نفسي بس للأسف فشلت
سيف مسكها من وسطها وانقض على شفتيها يقبلها بكل اشتياق وعشق فاض به وشعر بها تبادله ليرجع بها للخلف ويقعا على السرير حاول الابتعاد عنها فلا يزال متألم من قسوتها على قلبه
شمس بخفوت لما سيف بعد عنها: مبتبعدش يا سيف مبتبعدش بعدت بما فيها الكفايه
سيف استسلم لقلبه الذي اشتاق إليها ليقضوا ليله التقائهم بعد سنوات من الفراق
.......................................
في الصباح صحي سيف علي صوت التليفون رفع سماعه التليفون اللي كان جنب السرير وقال
'' الو ''
الموظف: صباح الخير سيدي اتصلنا لاخبارك بأن مده الحجز انتهت هل تريد أن تمد الحجز ام ماذا
سيف بنعاس: حسنا قم بمد فترة الحجز
الموظف: حسنا سيدي
سيف مسح وشه علشان يطرد النعس ده وبص جنبه للنايمه بكل عمق وآثار ليله البارحه لا تزال عليها ابتسم ومرر اصبعه على شفتيها المدمرتين إثر قبلاته المجنونه
سيف عدل نفسه وسند رأسه على ايده وبص لملامحها بابتسامه عاشقه وقال
'' انا مش عارف قلبي المهزق ده مش بيكرهك ليه من شويه كلام منك قلبي الجذمه ده مال ليكي من تاني بس مش هسمح ليكي تبعدي عني تاني مهما حصل لاني المره اللي جايه هتبقى بموتك يا شمس ويا انا يا انتي ''
(مفيش فايده الطبع غلب التطبع 🙄)
بعد ربع ساعة شمس بدأت تصحى وبصت حواليها بنعاس وسمعت صوت الدش في الحمام غمضت عيونها وفتحتهم كذا مره لحد ما فاقت وعدلت نفسها
'' احيه ده ايه ده ''
شمس شدت اللحاف على جسمها: يا لهوي يا ابن الجارحي اتغرغرت بيا
سيف خرج من الحمام وهو لافف الفوطه على وسطه ولما شافها صاحيه ابتسم
'' صباحبه مباركه يا عروسه ''
شمس: عروسه!! هو فيه عروسه عندها 30 سنه
سيف ابتسم وراح قعد قدامها وهي رجعت لوراء بتوتر وكانت هتقع بس هو مسكها وعدلها تاني
'' فيه ايه مالك خايفه ولا ايه ''
شمس: وااانا هخاف ليه مش جوزي
سيف: اممم جينا بقى للموضوع المهم اللي بقاله 3 سنين ده
شمس بسخريه: وانت هتشرح الموضوع وإنت قاعد كده
سيف بسخريه أكبر: ده على اساس انك انتي اللي لابسه
شمس باحراج: متحورش على الموضوع يا سيف عايز ايه
سيف بجديه: ارتاحتي بعد البعاد ده كله
شمس: لا مرتاحتش
سيف: ولا انا اتغيرت
شمس بصتله في عيونه: لا اتغيرت وانا متأكده حتى لو بنسبه صغيره حتى لو لأ انا هغيرك يا سيف
سيف: وليه محاولتيش تعملي كده من 3 سنين لا اختارتي الطريق التاني
شمس سكتت وسيف وقف وقال: لما تلاقي الاجابه وقتها بس نرجع زي الأول ومتفتكريش انه هيبقى أقل لا انا هوسي بيكي زاد أضعاف يا شمس
سيف دخل يغير وساب شمس تفكر في كلامه وبعد فتره قامت ودخلت الحمام اخدت شاور ولبست هدومها وشافت سيف واقف قدام المرايا بيسرح شعره بص ليها شويه وجاب شال صغير وقرب منها ولفه على رقبتها علشان تخبي علامته
شمس قربت من المرايا ومسكت قلم روج وكانت هتحط منه بس سيف مسك ايدها
'' هتعملي ايه ''
شمس رفعت حاجبها: هحط منه علشان يخبي الجروح دي
سيف ببرود: فيه حل تاني
شمس باستفزاز: وانا هستخدم الحل ده
سيف باستفزاز أكبر: لو عملت كده همسحهولك بس بطريقتي انا
شمس سابت الروج: رخم
سيف: رخم رخم مش مهم يلا نمشي من هنا عندنا شغل كتير والبسي الكمامه دي
شمس نفذت من غير جدال وهم مسك وسطا بأيده '' بتبقى قمر وانتي بتسمعي الكلام ''
~~~~~~~~~~~~~~~~

Sabreen 💙