[Unicode]
"မောင့်ကိုချစ်လို့ မောင်လို့ခေါ်မယ် မောင်"
[Chapter - 7]
"ငွေအပြည့်ချေမယ် ဂုဏ်"
"ဒါဆို ကျွန်တော်စာချုပ်ပြင်လိုက်တော့မယ်ကိုထက်"
ဝယ်ရောင်းစာချုပ်မှာပိုင်ရှင်ရောဝယ်လက်ပါသဘောတူကြည်ဖြူစွာလက်မှတ်ထိုးပြီးကြပြီမို့ ပွဲလေးဖြစ်မြောက်သွား၏။
ဂုဏ်တို့သုံးယောက်လုံး လက်ချောင်းရိုက်လိုက်ကာ ဖိုးညီကအောင်ပွဲခံကြဖို့စကားစသည်။
"Mr.guitar မှာဝိုင်းကြမလား"
"သွားမယ်"
"ဂုဏ်ကရော"
နူးနူးကဆေးရုံရောက်နေ၍ အိမ်မှာဘံုတစ်ယောက်တည်းဆိုတာကိုတွေးမိသွားသည့်ဂုဏ်ကအင်တင်တင်။
"ဘုံစောင့်နေလိမ့်မယ်"
"အချိန်စောပါသေးတယ်ကွာ..မင်းကိုငါတို့ကိုယ်တိုင်ပြန်ပို့မယ်..လိုက်ခဲ့စမ်းပါ"
"အေးလေ..ခါတိုင်းလည်းလည်နေကျကို ဘာလဲမိန်းမကြောက်နေပြီလား"
ဂုဏ့်ပုခုံးကိုလာသိုင်းဖက်ပြီးပြောလိုက်သည့်ဖိုးညီလက်ကို လက်ပြန်နှင့်ဖယ်ချလိုက်ပြီး...
"ဘာကိစ္စကြောက်ရမှာလဲ သမားဂုဏ်သမိုင်းရိုင်းသွားမှာပေါ့..သွားမယ်"
ပြောပြီးရှေ့ဆုံးကထွက်ကာ သူ့ပြိုင်ကားလေးကိုစက်နှိုးလိုက်သည်။
"Mr.guitar မဟုတ်ပဲ club သွားမလား"
နေ့ခင်းကြောင်တောင်ကြီးကိုသွားရမယ့်လမ်းကြောင်းက club ဖြစ်သွားပြန်သည်။ ဒါပေမယ့်လည်း ညီသစ်ထူးနဲ့လပြည့်ကမငြင်းပေ။
"cool"
"go ကွာသားကြီး"
သူငယ်ချင်းနှစ်ယောက်ဆီကအဖြေရတာနှင့် ဂုဏ့်ပြိုင်ကားအနီရောင်လေးသည်မြင်းဇောင်းမှလွှတ်လိုက်သည့်မြင်းတစ်ကောင်နှယ် ဒုန်းစိုင်းနှင်တော့သည်။
Club ကိုရောက်တော့ day club မို့လူတော့သိပ်မများပေ။ night out ထွက်ဖို့အိမ်မပိုင်သည့်ချာတိတ်လေးတွေသာရှိ၏။
အနီရောင်ဂျက်ကပ်ရဲရဲနှင့်မီးရောင်အောက်မှာဝင်းနေသည့်ဂုဏ့်မျက်နှာကို အနမ်းခြွေအဝေးကတည်းကလှမ်းမြင်ပါသည်။ ဘယ်လိုတောင်တိုက်ဆိုင်တာလဲဂုဏ်ရယ်။
ESTÁS LEYENDO
"မောင့်ကိုချစ်လို့ မောင်လို့ခေါ်မယ် မောင်"(Ongoing)
RomanceGenre: Romance,Comedy, Arranged merriage Chapters: 40+ Start date: 16.7.23 End date: ? [Unicode + Zawgyi] ရည်းစားများတဲ့ဂျစ်ကန်ကန်ကောင်လေး "သမားဂုဏ်" ကို စာရေးဆရာမလေး အပျိုကြီးမမ "ရွှေဘုံစံ" နဲ့ မိဘတွေကအိမ်ထောင်ချပေးလိုက်တဲ့အခါ အသက်အရွယ်ကွာဟမှုတွေ...
