[Unicode]
"မောင့်ကိုချစ်လို့ မောင်လို့ခေါ်မယ် မောင်"
( Chapter - 39)
"ဘယ်လိုဖြစ်ကြတာလဲကွာ..တစ်ယောက်က ဆေးသွင်းနေရတယ်..နောက်တစ်ယောက်ကေခါင်းမှာပတ်တီးအဖွေးသားနဲ့"
ဂုဏ်ပြန်မဖြေမိပဲ အိပ်ရာပေါ်ကဘုံ့မျက်နှာလေးကိုပဲ ခပ်တွေတွေငဲ့ကြည့်နေမိသည်။
"မင်းကပတ်တီးနဲ့ပဲမြင်ရသေးလို့..ငါဝင်လာတုန်းက ပန်အိုးအကွဲဘေးမှာကွာ..မဘုံကိုသွေးစက်လက်နဲ့ပိုက်ပြီး မျက်ရည်တွေကျနေတာ ဒီကောင်..."
"လပြည့် အပိုတွေမပြောနဲ့"
"လိုတောင်လိုနေသေးတယ်"
လပြည့်ကမနက်ဖြန်မနက်စောစော ဘားအံဘက်ကိုကားသွားပို့ပေးစရာရှိ၍ သူယူထားသည့်ဆိုက်ဂနက်လေးလာယူတာဖြစ်သည်။ သူဖုန်းလှမ်းဆက်တော့ ဂုဏ်အသံမကောင်းတာနှင့် အခန်းရှေ့ထိရောက်လာရကာ တံခါးထုမှဂုဏ်ထွက်လာတာဖြစ်သည်။
"ဆရာဝန်ခေါ်ပေးလို့ရမလားလပြည့်..ဘုံခေါ်မရတော့လို့"
ကိုယ့်နားထင်စီးကျနေတဲ့သွေးကိုပင်ဂရုမစိုက်အားပဲ မဘုံအတွက်စိုးရိမ်ကြီးပြနေလို့ သူ့မှာအသိဆရာဝန်ကိုပြေးပင့်ရသေးသည်။
"ဆရာဝန်က ညနက်မှဆိုတော့မလိုက်ချင်ဘူးဟေ့ရောင်ရေ..ဖားသားကြီးအသိမို့လို့သာ မျက်နှာထောက်ပြီးလိုက်လာဖေါ်ရတာ..ဒီရောက်တော့ လူမမာမမြင်ဘူး သွေးစတွေကပ်နေတဲ့ဒီကောင့်ရုပ်မြင်ပြီး အနာအရင်ချုပ်ရတယ်"
"ဘယ်နှစ်ချက်တောင်ချုပ်လိုက်ရလဲ"
ညီသစ်အမေးကိုဂုဏ်ကဘာမှမဖြစ်သလိုလေသံနှင့်...
"ပါးပါးလေးပါ..သုံးချက်တည်း"
ရန်ဖြစ်နေကျလူမို့လို့ခေါင်းကွဲပေါင်းလည်းမနဲပါဘူး။ ဂုဏ့်ခေါင်းကို ဆံပင်လှန်ကြည့်ရင် ချုပ်ရိုးရာတွေဟိုနားနဲနဲဒီးနားနဲနဲရှိနေမှာသေချာသည်။ ဒီတစ်ခါရော ဘယ်အဖွဲ့နဲ့တစ်ကိုယ်တော်နွှဲလာပြန်ပြီလဲမသိ။ တစ်ခုခုဆို သူတို့ရှိပါရက်နှင့်လှမ်းမခေါ်ပဲ ဖိုက်တာလုပ်နေတာကဂုဏ်။
"ဘယ်ကောင်တွေလက်ချက်လဲ..မင်းသီဟကိုလား..ငါ့သူငယ်ချင်းကိုသုံးချက်ချုပ်ရအောင်လုပ်ရင် ခြောက်ချက်ချုပ်ရအောင်ပြန်ကြိတ်ပေးလိုက်မယ်"
VOCÊ ESTÁ LENDO
"မောင့်ကိုချစ်လို့ မောင်လို့ခေါ်မယ် မောင်"(Ongoing)
RomanceGenre: Romance,Comedy, Arranged merriage Chapters: 40+ Start date: 16.7.23 End date: ? [Unicode + Zawgyi] ရည်းစားများတဲ့ဂျစ်ကန်ကန်ကောင်လေး "သမားဂုဏ်" ကို စာရေးဆရာမလေး အပျိုကြီးမမ "ရွှေဘုံစံ" နဲ့ မိဘတွေကအိမ်ထောင်ချပေးလိုက်တဲ့အခါ အသက်အရွယ်ကွာဟမှုတွေ...
