فَهلْ بعدَ الغيابِ مُـلْـتَــقَــي ؟

(الفصل الثامن ،الجزء الأول)

جذبه نوح من قميصه ليوقفه وأنفجر غضباً موجهاً له عدة لكمات نزفت بها دماء وجهه
: قتلتهم ليه يا ابن ال **** دا هطلع روحك في إيدي بس أظبُطك الأول .. قتلتهم ليــه!!

حاول فهد أن يخرج جاسر من بين براثين نوح بقوة ونجح أخيراً في ذلك
_ أهدى بس يا باشا أحنا ليه نعمل فيه حاجة لما أحنا قادرين نخليه يعيش كل لحظة أحنا عيشناها بعد فراق يحيي بيه والله لهظبُطهولك بس هدي أعصابك أنت ، مش هنضيع نفسنا عشان كلب ولا يسوي

أخذ نوح نفساً طويلاً وزفره بقوة موجهاً حديثه إلي جاسر بوعيد
: وعزة وجلالة الله لهخليك تندم علي اليوم إلى فكرت بس مجرد تفكير تحطهم في دماغك

= هما مين إلي أحطهم في دماغي أنا مش فاهم حاجة
(قالها جاسر ببرود ليبدو أنه لايفقه شيئاً)

نوح بسخرية : دا علي أساس أن النباهة بتنط منك بروح أمك ، هتفضل تعمل عبيط لحد أمتي ولا بلاش تعمل دي... أنت أهطل أصلا من غير حاجة.. أما تيجي تنقي راجل ينفذلك طلبك... نقي راجل بجد مش العروسة الي قاعدة جوا دي

:عروسة مين أنا، وراجل إيه وتنفيذ إيه
مازال يُظهر أنه لا يفقه شيئاً

نوح بتهكم
: العروسة دي تبقي أمك
، أنت أجبن من أنك كنت تعمل ليحيي حاجة في وشه وجُبنك دا زقك عليه تأذيه من ضهره لان أنت واثق أن عمرك ماكنت هتعرف تأذيه في وشه ،بس نعمل إيه شيطانك إلى مسنود عليه دا... باعك
"زي ما كل حاجه باعتك
" فاكر ناهد ياجاسر أظن منسيتهاش دي"

تسللت هذة الجملة إلي قلب جاسر وتفعم الحريق حتي أصبح كتلة من النيران تلتهم نياط قلبه

جذبه نوح من قميصه ودلفا إلي المخزن بالداخل ورنحه أرضاً بجانب" عطوة" ثم أشار إليه
: العروسة دي... العروسة إلى أنت مأجرها تقتل يحيي الخديوي ومراته و ابنه

: لا حول ولا قوة إلا بالله هما أتقتلوا!! .. محدش قالي عشان كنت أجي أعمل الواجب... ربنا يرحمهم
(قالها جاسر بإستفزاز لصبر نوح)

نظر إليه نوح بثبات وكبرياء ونظرات مفعمة بالتحدي والوعيد
: لا متقلقش ما أنا جايبك النهاردة عشان أعمل معاك أنا الواجب إلى كان نفسك تعمله.... وهتفضل مرمي هنا زي الكلب يمكن الكلب له قيمه عنك كمان... علي الاقل وفي مش خسيس وقليل الاصل والمِله زيك..

ثم تـَفَـل "نوح" علي وجهه "جاسر"
و أشار  لـ فهد
: الكلب ده يفضل مرمي هنا لا أكل ولا شرب ولا نور ربنا حتي يدخله أنت سمعت

أومأ فهد وهو ينظر إلي "جاسر" بتهكم
:من غير ما تقول ياباشا واضح من توصيتك أنك بتعِزه أوي وأنا مقدرش ماجاملش حد حضرتك بتعِزه

ضحك نوح بتهكم
:أومال دا حبيب قلبي .. هو أنا عندي أغلى منه
غادر نوح المخزن متجهاً إلي منزله
***************************************
في منزل نوح الجبالي