كريم وهو يفرك ف عينه : صباح الخير ياجماعه صاحيين بدري كدا ليه دا النهارده الجمعه يعني
حذيفه : يابني احنا مسلمين والرسول وصانا بإلقاء تحية الأسلام
كريم وهو يمسح وجه من النعاس جلس بجانب حذيفه وقال بتعجب : تحية إسلام اي أنا لسه صاحي من النوم والمفروض إن ال صاحي دا بيقول صباح الخير ولا متفهمش ف الزوء
حذيفه بحزن : زوء اي بس ومين ال فرض علينا كدا لازم أول مانشوف حد سواء الصبح أو باليلل نلقى تحية الأسلام عليهم وهي" السلام عليكم ورحمة الله وبركاته" وبعدها تقول صباح الخير مساء الخير براحتك بس تحية الأسلام الأول
والدته تجلس بجانبهم تقشر البطاطس لتجهيز الإفطار ردة قائله: تصدق ياحذيفه يابني انك واحد معقد اوي
حذيفه بإبتسامه وصدر رحب : ياماما ياست الكل ياقمر انتي، انتي عارفه الرسول صل الله عليه وسلم قال ال يقول السلام عليكم ليه عشر حسنات وال يقول السلام عليكم ورحمة الله ليه عشرين وال يقول السلام عليكم ورحمة الله وبركاته ليه تلاتين حسنه
ثم نظر لكريم وأبتسم قائلا : طب بالله عليك يا واد ياكريم إلقاء السلام دا مش فرصه عظيمه جدا علشان نجمع حسنات بدون مجهود ونلاقيها ف ميزانا يوم القيامه
ثم نظر لوالدته قائلا لها : فين التعقيد ف كدا ياماما أنا مسلم ولازم أفتخر بتحية ديني انتي عارفه إن السلام عليكم دي تحية أهل الجنه في عظمه أكبر من كدا
كريم بدأ يصحصح وينتبه لحذيفه قائلا : كلامك مقنع بردو ياكبير
والدته بتعجب : طب واي دليلك بقى يافضيلة الشيخ حذيفه ع إن السلام بناخد عليه حسنات
حذيفه بإبتسامه : روى ابن حبان في صحيحه عن أبي هريرة رضي الله عنه أن رجلا مَرَّ على رسول الله صلى الله عليه وسلم وهو في مجلس فقال: سلامٌ عليكم. فقال: (عشر حسنات) ثم مَرَّ آخر فقال: سلامٌ عليكم ورحمة الله. فقال: (عشرون حسنة) ثم مَرَّ آخر فقال: سلامٌ عليكم ورحمة الله وبركاته فقال (ثلاثون حسنة)
كريم : لا بقى دانا امشي ارمي السلام على اي حد أشوفه دا بيقولك ثلاثون حسنه ياماما وإحنا ف عرض حسنه واحده تدخلنا الجنه
والدته : فعلا يابني والله بس المشكله إن الواحد اوقات بيرمي السلام والناس مبتردش عليه وبيتحرج اوي
حذيفه : متزعليش انتي أخدتي الأجر والملائكه ردت عليكي كمان يعني كدا كدا كسبانه بس أنا عايزه أوضحلك نقطه ممكن تكون الناس مش سامعه من شروط إلقاء السلام إن صوتك يوصل للشخص ال هترمي عليه السلام
كريم : هو بصراحه ياحذيفه أنا اوقات ببقى سامع بس بكسل ارد
حذيفه بحزن : لا حول ولا قوة الا بالله يابني إلقاء السلام سنه إنما رده فرض بالإجماع والفرض لو سبناها بنتحاسب عليه لما تسمع حد بيرمي السلام رد عليه علشان دا فرض عليك انت مش مخير
