فوجئت والدة حذيفه برفض عائشه لإبنها بسبب علمها أنها مريضه بالسرطان
عائشه والدموع تنهمر من عينيها: أنا أسفه ياطنط بس مش هقدر أوافق
والدة حذيفه ببكاء : علشان خاطري متكسريش قلبه هو عايزك وإنتي هتخفي بإذن الله صدقيني
عائشه بحزن : خاطرك دا غالي عندي بس أنا أخدت قراري خلاص ياريت توصلي كلامي لحذيفه وكمان قوليله عائشه بتتأسفلك لأنها السبب ف كل ال انت فيه دلوقتي
والدة حذيفه بحزن : متقوليش كدا دا قدر ربنا يابنتي
عائشه : ونعم بالله عرفيه ياطنط إني حتى لو ملناش نصيب نبقى لبعض اني بدعيله وهفضل أدعيله ربنا يفك كربه ويخرج وينور الدنيا من تاني
ثم ابتسمت بألم قائله : وكمان هدعيله ربنا يرزقه بالإنسانه ال تعوضه عن كل حاجه وحشه شافها بسببي
"بعد فتره من الألحاح علمت والدة حذيفه أن عائشه لن ترجع عن قرار الرفض
فودعتها هي ووالدتها بحزن وغادرت المشفى"
_______
آتت داليا وجلست بجانبها قائله : رفضتيه ليه دانا مشوفتش حد حب حد زي ماحذيفه حبك
عائشه بضحكة وجع : حب اي ياهبله دانا عمر لساني ماخاطب لسانه دانا معرفش شكله اي ولا هو يعرف شكلي لحد دلوقتي
داليا : طب انتي متخيله إن في واحد ممكن يخطب بنت مشفهاش الا لو كان بيحبها وبعدين إنتي دايما تقوليلي الحب مش لازم يبقى كلام حب وأنك تعملي حاجات تغضب ربنا في حب نضيف ربنا بيحطه ف قلبك تجاه شخص بس بتفضلي محافظه ع دينك وتكتمي الحب دا ف قلبك لحد ما ربنا يأذن بيه ويبقى حلال
عائشه وهي تداري دموعها : داليا متحاوليش معايا انا خدت قراري وكفايه إن ضيعتله عمره ودخل السجن بسبب إنه يدافع عني ويعالم هيطلع أمتى
______
ثم نظرت لوالدها قائله: بابا أنا هفضل ف المستشفى ولا هروح
آتى والدها الذي كان يقف على شرفة البلكونه ينظر للسماء ويتوسل إلى الله أن يشفي إبنته
قائلا : الدكتور قال لازم تاخدي أول جرعة كيماوي بكرا وهنروح بعد كدا
" قامت عائشه لتذهب إلى الحمام لتتوضئ لصلاة المغرب"
إقترب منها الجميع بسرعه وكل منهم يحاول أن يسندها
عائشه بضحك : اي ياجماعه مستعجلين ليه لسه شويه لما أوصل لمرحلة العجز دي أنا دلوقتي كويسه
والدتها بتوتر: منقصدش ياحبيبتي بس خايفين تدوخي وتقعي مش أكتر
داليا نكزتها في كتفها: انتي عمرك ماهتبقى عاجزه يابت كلها شويه وهتخفي
___________
"بعد مرور يومان أخذت عائشه أول جرعة كيماوي وعادت مع عائلتها للمنزل"
كانت تذهب داليا بمفردها للجامعه
جميع الطالبات التي كانت تعطيعهم عائشه دروس علم سألوا عليها وعندما علموا أنها مريضه حزنوا جدا وقرروا الذهاب لها في بيتها
