عائشه أستيقظت للذهاب إلى الجامعه ف الصباح الباكر خرجت من غرفتها وجدت والدها ووالدتها يجلسون ف الصالون
: السلام عليكم اي ياماما أول مره تسبيني أصحى لوحدي يعني
والدتها بإبتسامه وسعاده: أصل مفيش جامعه النهارده
عائشه : بجد عندنا أجازه وانا معرفش
والدها : لا أنتي بس ال عندك أجازه
والدتها أحتضنتها بفرح : ربنا يجعله من نصيبك يابنتي
والدها : ربنا يجعلها هي من نصيبه دا يابخته ال هياخد عائش
عائشه تنظر للأثنين بدهشه : ماما بابا انتو حرارتكوا عاليه ولا في اي هو مين دا ال بتتكلمه عليه
والدتها بفرح : في واحد كلم والدك إمبارح باليلل بعد مانمتي وخد معاد علشان يجي يتقدم
عائشه بدا عليها ملامح الأرتباك والدهشه والكسوف وأحمرت خديها ودخلت لغرفتها بسرعه
أمسكت هاتفها واتصلت بداليا
: داليا دا طلع الموضوع بجد
داليا بتعجب : موضوع اي
عائشه بتوتر : الشاب ال ضرب عمر إمبارح هيجي يتقدملي
داليا بتعجب: اي دا عرفتي منين دا مراد قالي إنه لسه مخدش معاد مع والدك وتقريبا عايز بعملها مفاجاه
عائشه بكسوف: لا كلمه إمبارح يابنتي وخد معاد النهارده
داليا بدهشه وفرح : ممكن يكون مراد ميعرفش ع العموم أنا فرحانه اوي ياقلبي ربنا يتمملك ع خير
عائشه بإحراج : داليا هو ممكن سؤال يعني انتي تعرفي اسمه اي
داليا بضحك : أسمه حذيفه يااختي وطبعا حضرتك مش جايه الجامعه النهارده مش كدا
عائشه: بقولك جايين النهارده هاجي فين بقى
داليا : طيب كويس علشان انا ومراد خارجين نقضي اليوم سوا النهارده بردو
عائشه بغضب : مراد دا مش جوزك دا مجرد خطيبك والخطبه دي وعد بالجواز أفهمي دا زي اي واحد غريب عنك
داليا بضيق : قولتلك بطلي التعقيد داه وأقفلي يلا بكرا نشوف هتعملي اي مع سي حذيفه
_____بقلم ملك محمد ___________
في منزل حذيفه يجلس مع كريم أخيه الأصغر
كريم : حذيفه ممكن سؤال
حذيفه: أي الأدب داه
كريم : لا بجد والله في سؤال محيرنى هو اي الحاجات ال بتتقدم ع أساسها لبنت !
حذيفه أعتدل في جلسته قائلا : عن أبي هريرة عن النبي ﷺ قال: تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك
كريم : مش فاهم يعني اتجوزها لمالها وجملها ونسبها وآخر حاجه خالص الدين
حذيفه بإبتسامه : لا انت بتشوف كل دول وبعدين تشوف الدين ملقتش الدين يبقى بلاش دول كلهم لأن اهم حاجه هو دينها وأدبها
