بعد مده من الوقت أستيقظ حذيفه
فتح عينه وجد عائشه تنظر له بشرود وإبتسامه
حذيفه أبتسم لها قائلا : اي النظره ال تخطف القلب دي
عائشه بتوتر أزاحت بصرها : احم لا ابدا دانا سرحت وعيني جت عليك غصب
حذيفه وهو يمسح وجهه ويرجع شعره للوراء : ماشي هعتبرها غصب هو أنا نمت كتير ولا اي
عائشه : اممم لا مش كتير هما 5 ساعات بس
حذيفه بصدمه أمسك هاتفه ليرى الساعه : خمس ساعات
عائشه بضحك : بهزر بهزر مكملتش نص ساعه اساسا كنت صعبان عليا في حد ينام ع كرسي
حذيفه بإبتسامه : أنا مش بس انام ع كرسي أنا نمت ع الأرض إمبارح تحت المستشفى عشانك انتي لسه بردو متعرفيش انتي غاليه عندي اد ايه
عائشه بتوتر : مش قولتلك تبطل تقول الكلام داه انت كدا بتوترني
حذيفه بضحك : أعمل اي طيب لما بشوفك معرفش بقول الكلام داه ازاي تعرفي إن والدتي كانت دايما تقولي الله يكون ف عونها ال هتتجوزك دانت واحد معقد
عائشه بتعجب: انت معقد بالعكس
"ثم بدأت العد ع أصابعها" انت دمك خفيف ورومانسي وحنين وزوء جدا ولطيف ومهذب
حذيفه وضع يده على خده وهو ينظر لها بهيام : واي كمان
عائشه نظرت له بكسوف : وبارد ودمك تقيل ثم نكزته في كتفه قائله : قولتلك متبصليش كدا
حذيفه ضحك ثم قال بلطف : بصي ياعائش لما القلب بيحب غصب عنه الحب بيبان ف كلامه وف نظرته وف كل حاجه بيعملها فأنتي متركزيش معايا علشان أنا مش بحب لا أنا عشقان
عائشه بدا على ملامحها التوتر مره آخرى
حذيفه : يووه بقى كل اما اقولك كلمه تتوتري ووشك يقلب ألوان لا ماهو انتي لازم تستحمليني وتتعودي علشان كدا مش هينفع وبعدين اي ال بيوترك ف كلامي
عائشه بنظرة كسوف : انت لما بتقول ياعائش بس قلبي بيبقى هيتخلع من مكانه مابالك بكلام الحب ال انت بتقوله داه تقريبا أنا هخرج من المستشفى مريضه بالقلب بسببك
حذيفه بإبتسامه : الحب الحلال مبيوجعش القلب ابدا بالعكس الحب الحلال بيسعد القلب ويفرحه ويخليه يزهر وينور كمان
وبعدين كلمة عائش مني بتوترك خلاص ياستي أنا مش هقولك عائش تاني ابدا ياعائش يارب تكوني ارتحتي كدا
عائشه بضحك : انت ملكش حل بجد
حذيفه بضحك أيضاً : ماهو بصراحه لو مقولتلكيش ياعائش هقولك يا قلبي ولو قولتها كدا هطرد بره الأوضه
عائشه بدا ع ملامحها الغضب
حذيفه بضحك : اهو شوفتي يبقى تسكتي لما أقولك ياعائش تمام امال لو مش كاتب كتابي كنتي عملتي فيا اي بس
