مراد بخوف: حذيفه إعقل ويلا نروح
حذيفه بغضب: لو خايف رَوح أنا مش هروح الإ لما أشوف سي عمر دا وأعلمه ألى أهله معرفوش يعلمهولوا
بعد ثواني تم خروج الطلاب من الجامعه
خرج عمر مع زملائه وصوت ضحكاته تتعالى
عائشه خرجت أيضاً كانت تمسك بيد داليا وتشعر بالخوف من نظرات عمر لها
طرقع حذيفه أصابعه وأقترب من عمر وجذبه من لياقة قميصه وضربه برأسه في وجهه قائلا
: قولتلك قبل كدا ملكش دعوه بيها لو فاكر إن الملتزم دا شخص جبان تبقى غلطان إحنا ماشين ع نهج الصحابه ولو متعرفش قوة الصحابه وعزة نفسهم إقرأ عنهم يمكن تتعلم
بدأ الدم ينزف من فم وأنف عمر حاول أن يدافع عن نفسه لكن حذيفه ضربه با البوكس في بطنه
عائشه كانت تشاهد من بعيد ما يحدث تشد على يد داليا من شدة الخوف والذهول
سقط عمر ع الأرض ينظر إلى أصدقائه من حوله لكن للأسف أصدقائه الذين كانو يهللون ويمدحون له أثناء أرتكاب الباطل لم يجرء أحد عن الأقتراب والدفاع عنه جميع الطلاب كانو يتفرجون ومنهم من يكتم ضحكته
قال بغضب ونبرة تهديد
: انت ال جنيت ع نفسك السجن مستنيك
حذيفه نفض يداه الأثنان وأعدل قميصه وأمسك الساعه من يد مراد ولبسها ورد قائلا
: مبنخفش وأعلى ما ف خيلك إركبو وإياك تفكر بس تقرب منها تاني
رد مراد قائلا : داليا هاتي صحبتك ويلا أمشوا
ذهبت داليا وعائشه وهم في صدمه مما حدث
حذيفه ومراد أيضا ذهبوا
عمر بتوعد يمسح وجهه : حاضر أنا هندمك عمرك كله ع الا انت عملته داه والبنت دي أنا حتطها ف دماغي خلاص وهخليها تيجي راكعه
____________
مراد وهو يمشي بجانب حذيفه
: اي وقعت ولا اي
حذيفه لم ينطق بكلمه
مراد : أكلملك داليا أخليها تقولها إنك بتحبها وتجبلك نمرة تلفونها
حذيفه وقف بغضب : نمرة تلفون اي إحنا بنروح البيت ع طول
مراد بتعجب : بجد يعني خلاص هتخطبها
حذيفه أكمل طريقه قائلا : بإذن الله قريب جدا مش بس هتبقى خطيبتي دي هتبقى مراتي
________
عائشه وداليا في طريقهم للمنزل
داليا بإبتسامه : شوفتي دافع عنك وجابلك حقك ازاي قدام الكل
عائشه وهي تتظاهر بالامبالاه : شخص معرفوش وجه إتخانق مع حد معرفوش بردو ياريت متكبريش الموضوع
داليا بنظرة خبث : عايز تقنعي نفسك إنه مضربوش عشانك يعني طب أراهنك إننا هنشرب الشربات قريب
عائشه بكثوف ضربتها ع كتفها : بس بقى بطلي هبل
____________
وصلت للمنزل دخلت قائله وهي تلقى حقيبتها ع الأرض
السلام عليكم
والدتها : وعليكم السلام ورحمة الله وبركاته بترمي شنطتك كدا ليه يا هانم مش قولة مية مره تدخليها أوضتك ومتسبيهاش ع الأرض كدا
عائشه بضيق : يووووه بقى انتي عايزه تعملي خناقه وخلاص
صدمت والدتها من ردة فعلها
عائشه تركتها ودخلت غرفتها
توضأت وصلت العصر ثم جلست على سجادتها تسبح الله
كان صوت القرآن عالً جدا يصل لغرفتها أنتبهت آيه لصوت الشيخ
فوجئت به يردد الآيه ( وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا)
عائشه تذكرت ردها ع والدتها (يوووه بقى انتي عايزه مشاكل وخلاص)
إستغفرت ربها وأبتسمت قائله : سبحان الله ربنا لما بيحب العبد أول لما بيعمل حاجه غلط بيبعتله حاجات تذكره ع طول وتخليه يرجع عن غلطه
ثم سجدت قائله : الحمدلله يارب
ذهبت بسرعه لوالدتها قبلت يدها ورآسها وأخبرتها آنها آسفه عما فعلته
_________
في منزل حذيفه يجلس وسط عائلته
: بابا بصراحه انا لقيت البنت ال عايز أكمل معاها حياتي
ردت والدته بدهشه : انت بتتكلم بجد ولا بتهزر ياواد
والده أعتدل في جلسته: بجد ياحذيفه يعني خلاص عقدة الجواز إتفكت وهنفرح بيك
حذيفه : يعني تقدروا تقولوا كدا
والدته زغرتت بفرح
فاطمه أقتربت من حذيفه بتعجب قائله : انت هتتجوز خلاص بجد طب فين العروسه عايزه أشوفها
حذيفه بضحك : لسه ياتوتا لما أروح وتوافق هبقى أخدك تشوفيها
فاطمه : طب أوصفهالي
حذيفه بإبتسامه : اممممم أنا مشوفتهاش قبل كدا
فاطمه بتعجب: ازاي هتتجوز واحده مشوفتهاش يعني
حذيفه : علشان هي منتقبه مش اي حد يشوفها دي حاجه غاليه اوي
فاطمه بفرح : الله شوقتني أشوفها
رد والده : الله الله دا انت واقع بقى
والدته بفرح : اي رأيكوا نروحلها بكرا
________
في منزل عمر يجلس يتحدث مع والده
والده بعنف وغضب : حتة عيل بدقن يعمل فيك كدا
عمر وهو يضع يده على وجهه من الألم : يابابا انت لو شوفته هتخاف منه دا طول بعرض ولا العيال بتوع البودي جارد
والده : يااخي مش مكثوف من نفسك بال انت بتقوله داه
عمر بغضب : خلاص بقى قولتلك بلغ عنه
والده : مينفعش أبلغ عنه
عمر بتعجب: يعني اي
والده : يعني لازم يتمسك عليه حاجه الأول
عمر بإبتسامة خبث : سيب الحته دي عليا هيتلفقله أحلى تهمه تليق بيه ويبقى يوريني بقى البطل ال جواه هيعمل اي
ولا البت ال عامل قدامها سي رميو هخليها تيجيلي راكعه
يتبع ........
