My Wife Is A Beautiful CEO(Translation)

အပိုင်း ( ၆ ) : ဒေါသထွက်ခြင်း

ရဲအရာရှိများ ရောက်ရှိလာချိန်တွင် အနီးနားပတ်ဝန်းကျင်မှ လူများ ဝိုင်းအုံနေကာ ယန်ချန်တစ်ယောက် ကံဆိုးပြီဟူ၍ တီးတိုးပြောဆိုနေကြသည် ။

"ဟုတ်တယ်....ငါပဲ"
ယန်ချန်သည် တအံ့တသြဖြင့် ခေါင်းမော့လိုက်ပြီး ရဲတွေ ဘာကြောင့် သူ့ကို လာရှာမှန်း နားမလည်ပဲ ဖြစ်လို့နေသည် ။နိုင်ငံတော် အာဏာပိုင်တွေက သူ့ကို ရှာတွေ့သွားလို့လား ။မဟုတ်သေးပါဘူး အဲ့လိုသာဆို စေလွှတ်မယ့်သူတွေက
လျို့ဝှက်တပ်ဖွဲ့ဝင်တွေ ဖြစ်မှာပါ ဒါတင်မကဘူး ညဘက် ဝင်ရောက်စီးနင်းမှုတွေပါ ဖြစ်ကုန်ဦးမှာ ။ဘယ်လိုလုပ်ပြီး ရဲသားသုံးယောက်ဖြစ်မှာတုန်း ။

ရဲအရာရှိသည် သူ့တံဆိပ်ကိုပြကာ အေးစက်စွာဖြင့် ဆိုသည်။
"ငါက အနောက်ပိုင်းခရိုင် ရဲတပ်ဖွဲ့ဌာနက ရဲအရာရှိ ဖုန်းပြောင်ပဲ
တစ်စုံတစ်ယောက်က တိုင်ကြားထားတယ် …မင်း လူငယ်လေးတွေကို ရိုက်နှက်သတ်ဖြတ်ခဲ့တယ်လို့ ငါတို့ သံသယရှိတယ် …ဒါ့ကြောင့် မင်းကို ရဲစခန်းကို ခေါ်သွားရလိမ့်မယ်…စစ်ဆေးမှုကို ပူးပေါင်းပေးပါ ! "

လက်စသတ်တော့ ဒီကိစ္စမှန်း …ယန်ချန် သဘောပေါက်သွားခဲ့ပြီ ဖြစ်သည် ။

ကြည့်ရတာ အရိုက်ခံလိုက်ရတဲ့ ဟိုကောင် ချန်ဖုန်းရဲ့ လက်ချက်ပဲ ဖြစ်ရမယ်။ မြေအောက်ကမ္ဘာမှာ တကယ်ပဲ သူတို့ကို အလုပ်လုပ်ပေးနေတဲ့ ရဲတွေ ရှိနေတာပဲ  !

ဘေးကရပ်နေသော လောင်လီသည် ပျာပျာသလဲဖြင့်
ရှင်းပြဖို့ ကြိုးစားလိုက်သည် ။
“ရဲဘော်တို့ ခင်ဗျားတို့ လူမှားဖမ်းနေပြီ ! အဲဒါ ချန်ဖုန်းနဲ့ သူ့လူတွေက ကာကွယ်ကြေးငွေတွေကို ထင်သလို ကောက်နေခဲ့တာ… စောစောက ယန်ချန် လုပ်ခဲ့တယ်ဆိုတာကလည်း ကိုယ့်ကိုယ်ကိုယ် ကာကွယ်ဖို့ပဲလေ ! "

" ဟွန်း ငါတို့ လူမှားဖမ်းသည် ဖြစ်စေ မမှားသည်ဖြစ်စေ
ငါတို့အနေနဲ့ ကိစ္စတွေကို သေချာအောင် စုံစမ်းရဦးမှာပဲ!
ငါ မြင်လိုက်တာကတော့ သူဌေးချန်ရဲ့ သားကို  သွေးထွက်အောင်အထိ ရိုက်ခံထားရပြီး ဒီကောင်ကတော့ လုံးဝအကောင်းတိုင်းပဲ ! " ဟု ဆိုပြီးသည်နှင့်
ဖုန်းပြောင်သည် လောင်လီနဲ့ ဆက်မပြောတော့ဘဲ  ရဲနှစ်ယောက်အား ရှေ့သို့ ထွက်လာပြီး ယန်ချန်ကို ဖမ်းခေါ်သွားရန် အချက်ပြလိုက်သည် ။