"နင်တို့တွေ သတို့သမီးမျက်နှာကိုမြင်လိုက်ကြလား "
"မမြင်ပါဘူးအေ ဝတ်ရုံလက်ကြီးနဲ့မျက်နှာကိုကွယ်နေတဲ့ဟာ"
"ဟုတ်ပါ့တော် မိန်းကလေးဖြစ်ပြီးအရပ်ကြီးကလည်းရှည်
လိုက်တာ ငါတို့တာဝန်ခံကြီးတောင် သူ့ထက်ပုသေးတယ် "
"ဟုတ်ပါ့တော် တာဝန်ခံကြီးအကြိုက်ကလည်းထူးဆန်းလိုက်တာ
ငါတို့ရွာက မိန်းကလေးတော့ဟုတ်မယ်မထင်ဘူး
ဆိုးလ်ကဖြစ်လိမ့်မယ် "
မင်္ဂလာပွဲကအပြန်သတို့သမီးအကြောင်းကိုအမျိုးမျိုးအဖုံဖုံ ပြောဆို
ပြီးပြန်သွားကြတော့သည်။
သူတို့အားလုံးမတွေးထားတဲ့အရာက သတို့သမီးသည် အမျိုးသား
တစ်ယောက်ဖြစ်နေပြီး ထိုအမျိုးသားမှာ သူတို့ရဲ့ခြံပိုင်ရှင်
အဖွားကင်မီဆုရဲ့မြေး ကင်ဂျီအွန်းဖြစ်နေသည်ကိုပေါ့ …
ဧည့်သည်တွေပြန်သွားကြတော့ ဟာအိုနှင့်အတူ ဟန်ဘင်းက
စားပွဲတွေကူသိမ်းပေးနေသည်။
"ကိုကို "
"အင်း "
"အစ်ကိုဂျီအွန်းက သတို့သမီးလိုပြင်လိုက်တော့လည်းလှသားပဲ
နော် "
ဟန်ဘင်းရဲ့စကားကြောင့် ဟာအိုပြုံးမိသွားသည် ။
အနည်းငယ်တိုနေတဲ့စကပ်နဲ့ မိုးထိုးနေတဲ့အရပ်ကြီးကလွဲလို့
ကျန်တာအားလုံးအဆင်ပြေပါတယ် ။သတို့သားကလည်း
သတို့သမီးမျက်နှာကိုကြည့်ပြီးပြုံးနေတာပဲ ။တွဲတာသိပ်
မကြာသေးဘဲ လက်ထပ်သွားလို့ ကျန်းဟာအိုကိုယ်တိုင်လည်း
အရမ်းအံ့သြမိတယ် ။ တာဝန်ခံကြီးကတော့ပြောပါတယ်
နှစ်ဦးနှစ်ဖက်ချစ်နေကြတာပဲကို လက်ထပ်ဖို့အချိန်
အကြာကြီး ဆွဲနေစရာမလိုဘူးတဲ့လေ ။
ဒါဆိုသူကရော ဟန်ဘင်းကိုအချိန်အကြာကြီးဆွဲထားမိတာလား
အခုချိန်ထိ တိကျတဲ့အဖြေမပေးရသေးလို့ ဟန်ဘင်းများသူ့ကို
ငြိုငြင်နေလောက်ပြီလား ။
"ဟန်ဘင်း "
"ဗျာ "
"မင်းငါ့ကို စိတ်ကုန်နေပြီလား "
"ဘာလို့လဲ ကျွန်တော်ကိုကို့ကို ဂရုစိုက်ပေးတာမလုံလောက်လို့လား
နောက်ဆိုအခုထက်ပိုပြီးကောင်းပေးပါ့မယ် "
YOU ARE READING
အချစ်တွေကိုစိုက်ပျိုးမယ် U×Z(Complete)
Fanfictionကိုယ့်ရဲ့နှလုံးသားမှာအချစ်တွေကိုစိုက်ပျိုးထားမှာမို့ မင်းကရေလောင်းပေါင်းသင်ပေးပါ ။အချိန်တန်လာလို့ အပွင့်တွေပွင့် အသီးတွေသီးလာတဲ့အခါ မင်းကဆွတ်ခူးပြီးစားသုံးပေးဖို့မေတ္တာရပ်ခံပါတယ်။စိတ်ချပါကိုယ့်ရဲ့အချစ်တွေနဲ့ မင်းရဲ့တစ်ဘဝလုံးချိုမြိန်နေစေရမယ်လို့အာမခ...
