بيتنا مسكون بالأنس

البارت الأول

‎" أنا عسود بنت أبادوون ملك من ملوك الجان السبعة ملك عظيم احنا من أصول  الحضاره العبريه وابويا بيعتبر رئيس ملوك الطبقه السابعه من طبقات الجحيم ويعتبر من اساس الحضاره اليونانيه .. وليا اخ اسمو شمهورش وهو قاضي قضاة الجن .... عندي صحبتي الوحيده وهي "سرايا بنت طوميار"هو رئيس الوزراء في مملكتنا ..
‎احنا صحيح عايشين في قصر ومملكة الجن السبعه بس انا بحب المغامرات وخصوصاً ف عالمكم عالم الأنس يااااه علي المتعه بجد واكتر مكان بحب اروحه هي شقتنا الي في الحي العاشر حته كدا هاديه وخاليه من الناس .. او كانت لحد ما بيتنا بقي مسكون بالانسي الي لسه هينقل بعد اربع ايام ومن ساعتها ونا متعكننة "..

‎ في الاسكندرية

‎يعني خلاص هتمشي يا ياسين
‎ياسين : خلاص يا صفصف هنقل بعد اربع ايام ان شاء الله
‎صفاء بدموع : طب ليه يبني هو احنا زعلناك
‎ياسين : لا يا صفصف انا لازم اروح عشان اشوف الشقه الي بقالها سنين من ساعه ما الغالين راحو وهي مقفولة
‎صفاء : الله يرحمهم يا حبيبي
‎ياسين : اللهم امين يا صفصف .. وكمان انا نقلت من الشركة وروحت فرع القاهره ف هيبقي الشغل جمب البيت
‎صفاء : ربنا يقويك يا حبيبي .. طب مش كنت سافرت معاك علي الأقل كنت نضفتلك الشقه
‎ياسين : ماتقلقيش مرات البواب هتنضفها
‎صفاء : علي خير يا حبيبي
‎ياسين : امال فين الواد سليم .. عايز انزل اجيب كام حاجة
‎صفاء : ف اوضته يا حبيبي
‎ياسين : ماشي احنا هننزل بقي عشان اكمل باقي الحاجة

" ‎انا ياسين عمران متخرج من كلية اداره اعمال وانا بشتغل في شركه الشافعي جروب بتاعت المقاولات والمباني اهلي اتوفو من اربع سنين ومن ساعتها وانا عايش مع خالتي صفاء في اسكندريه خالتي طيبه اوي هي وجوزها عم صلاح بيحبوني وبيعملوني زي ابنهم واكتر كمان اما سليم ابنهم دا اكتر من اخويا انا وهو مولودين في نفس السنه باختلاف الشهور هو اكبر مني ب خمس شهور بس واحنا الاتنين بتشتغل في نفس الشركة مش بقولكوا اخويا بس انا قررت اني ارجع شقتنا الي ف الحي العاشر عشان تفضل مفتوحه زي ماكانو اهلي عايشين
‎وهنقل فيها كمان اربع ايام ان شاء الله "

‎في مملكة الجان

‎عسود : عم خنوم صحبي وحبيبي افتحلنا البوابه يا قمر
‎خنوم : لالالالا استحاله كفايه الي حصل المرة الي فاتت
‎عسود بحزن : وهو كان اي الي حصل مكانوش خمسوميت جلده دول
‎خنوم : اه ياختي ماهو مش انتي الي بتتجلدي
‎عسود : مش هتأخر صدقني
‎خنوم بأستغراب : اي دا امال فين سرايا
‎سرايا فجأة : انا هنا اهوو وهي برضوا تقدر تروح من غير
‎عسود وسرايا وهما بيحضنو بعض وبيقولو في صوت واحد : اصلنا بنعمل كل حاجه مع بعض ... ياعمري ههههههه
‎خنوم بضحك : ياعمررري
‎سرايا : يلا بقي يا خنوم ياقمر
‎خنوم : ماشي بس هما اربع ساعات بس
‎عسود : يابلاش هو حد لاقي
‎(الساعه في عالم الجن بيوم في عالم الأنس )
‎خنوم : ماشي ياستي يلا
‎وفتح خنوم البوابه الي بتفصل عالمنا عن عالم الانس
‎وخرجنا لعالم الأنس ... سرايا اول ماخرجت فتحت اديها وقالت : الحرررررريه
‎قعدت اضحك عليها وقولتها : طب يلا يختي نجيب اكل ونروح البيت
‎سرايا : يلا بينا
يتبع ..