بيتنا مسكون بالأنس

الثالث والعشرون

- هلا والله 🤍
- وحشتوووني قد كدا 🤗
- يلا نبداء بقي مع بااارت طووويل
________________________
صفصف : اسكت يا واد يا ياسين اما انا بقي جيبالك حتت عروسة انما اي قمر

ياسين بخ الميه في وش سليم وفضل يكح
صفصف جريت عليه وفضلت تضرب علي ضهره
صفصف : اسم الله عليك يا حبيبي .. مالك في اي انت شرقت ولا اي

ياسين وهو بيبص علي عسود اللي وشها بقي احمر وعيونها بتطلع شرار ..

ياسين وهو بياخد نفسه : الحمد لله يا صفصف انا كويس ما تقلقيش ..

صفصف :  الحمد لله يا حبيبي .. والله شكلك محسود انا لازم ابخرك

ياسين وهو بيضحك : مش للدرجة يا صفصف .. انا بس شرقت عادي بتحصل

صفصف : طب قولت اي ف موضوع العروسة

ياسين بص لعسود : احم احم .. عروسة اي يا صفصف

صفصف : البت أمل انت عارفها بنت ام محروس صاحبة بيتنا اللي ف اسكندرية .. بسم الله ماشاء الله عليها يا واد يا ياسين قمر جمال اي وادب واخلاق اي وصيدلانية قد الدنيا .. ها اي رئيك

ياسين : والله يا صفصف مش عارف اقولك اي

عسود بغضب  : انا بقول توافق ... واهو خير البر عاجله يا عريس ..

ياسين ضحك عليها وعلي غيرتها ..

صفصف لما شافت ياسين بيضحك افتكرته موافق راحت مزغرطة .. سليم اتخض هو ياسين

سليم :انا بتزغرطي ليه

صفصف : الواد ضحك يبقي موافق مش صح يا ياسين

ياسين : استهدي بالله انتي عايزه اي فرح وخلاص وبعدين انا بضحك علي حاجه تانيه .. وبعدين اصلاً انا كنت جايلكوا عشان عايزكوا ف موضوع مهم .. انا فعلاً عايز اتجوز بس مش امل بنت ام محروس .. انا عيني علي واحدة تانيه وبحبها وهي بتحبني

صفصف راحت مزغرطة تاني

سليم : ياستي اهدي هي اي هيصه والسلام ..وبص

لياسين : ودي عرفتها امتا وفين .. وليه ماقولتليش قبل كدا ولا بقيت تخبي عليا

ياسين مكنش عارف يقولهم اي : والله يا سليم الحوار جه بسرعه انا لاقتني بتشدلها كل ما بشوفها ولما قولتلها لاقيت المشاعر متبادله بينا يعني ... فقولت لازم تعرفوا ونروح نتقدملها

صفصف : ودي تطلع مين

ياسين سكت ومش عارف يقول ليهم اي عسود لما لاقيته سكت قالتله يقولهم انها بنت رئيس  الشركة بتاعته
ياسين : تبقي بنت رئيس فرع الشركة اللي انا فيها