بارت طويل اهو مش حرماكوا من حاجه ♥️
ماتنسوش الفوت يا حلوين 🤍
_______________________
تاني يوم في عالم الجن ..عسود : اي رئيك في دا
سرايا : لا مش حلو
عسود : طب دا
سرايا : لا لونه مش عاجبني
عسود : طب دا اظن حلو
سرايا : موضته قديمه
عسود : اااااانتي اي من الصبح دا لاء دا وحش دا مش عارفه لونه اي ... انا جيباكي تساعديني ولا تعقديني
سرايا : الحق عليا اني بساعدك عايزاكي تبقي حلوة
الباب خبط ودخل شمهورش عليهم وهو ماسك شنطتين كبار
شمهورش : احمم .. انا كنت جاي عشان .. احمم بصراحة يعني بصي في فستان عجبني ف جبتهولك مش عارف هيعجبك ولا لاء
عسود جريت عليه وحضنته وباسته من خده وقالتله : انت احسن اخ في الدنيا كلها وانا بحبك
شمهورش فرح اوي وفضل حاضنها ويطبطب علي ضهرها ... سرايا دمعت كانت فرحانه ليهم وف نفس الوقت حزينه عشان معندهاش اخ كبير يحبها ويجيبلها هدايا
خدت عسود الشنطة وطلعت الفستان كان لونه احمر وشيك جدا عسود اول ما شافته صرخت من الفرحه وقعدت تتنطط من الفرحه وقالت : حلوووو اوي يا شمهورش زوقك يجنن بجد انا هروح اقيسه خليك هنا اوعي تتحرك ... وجريت عشان تقيس الفستان وتوريهلهم
شمهورش : سرايا انا .. انا يعني كنت عايز اقولك حاجه
سرايا : حاجة ايشمهورش : سرايا انا بحبك ..
سرايا :اي ... بت اي .. بس بس انا سمعتك وانت بتتكلم مع عسود عن واحدة تانيه .. فاكر لما بعتلي كنعان كنت بتقول...
قاطعها شمهورش :كنت بقول انها هي جميله اوي ورقيقه وانا بحبها من زمان بس معرفش هي كمان بتحبني ولا لاء..
كل كلمة قولتها كنت اقصدك بيها يا سرايا
ودلوقتي بسئلك .. انت بتحبيني زي ما انا بحبك ولا لاء ..سرايا : يعني انت مش عارف .. طب مش حاسس بحبي ليك من زماان .. محستش اني سبت زيوس عشانك ..
شمهورش :انتي بتقولي اي .. طب ازاي
سرايا :بقول اللي محدش يعرفه اني سبت زيوس خطيبي عشان انت ... مقدرتش اكمل معاه وانا بحبك انت ..
شمهورش :طب طب ليه ما قولتيش
سرايا :عايزني انا الي اجي واقولك وانت اصلا مش حاسس بيا .. خوفت اجي اقولك اتوجع من ردك فسكت
شمهورش وهو بيقرب منها ومسك ايديها : انا اسف .. اسف ف كل مره زعلتك فيها وماخدتش بالي منك .. اسف ع الوقت الي ضاع ف بعدك عني
اوعدك اني هعوضك عن كل دا
أنت تقرأ
بيتنا مسكون بالأنس
Fantasíaايعقل بعد ان كانو يسكنوا بيوتنا ... تنقلب الادوار ونسكُُن نحن بيوتهم ..