بيتنا مسكون بالأنس

الفصل العشرون

ياسين : اي رئيكوا تيجوا نلعب

عسود : نلعب اي

ياسين : لعبه الصراحة .. بنقعد علي شكل دايرة كدا وبيبقي في ازازه فاضيه ف النص وبنلفها واللي بيجي عنده ضهر الازازه بيسئل اللي جه عنده غطا الازازه

سرايا : ايوا ايوا عرفتها دي حلوة اوي

ياسين : يلا بينا .. بس قبل ما نبداء اهو اللي هنقفشه بيكدب نحكم عليه حكم اشطا

كلهم ف صوت واحد : اشطا

قعدوا حوالين بعض وياسين بداء يلف الازازة
ضهر الازازه جه عند ياسين والغطا جه عند عسود
ياسين هيسئل وعسود هتجاوب

ياسين : قوليلي يا عسود .. حبيتي  قبل كدا

عسود اتوترت وبصت لسرايا وبعد كدا لشمهورش وبصت ف الأرض : ياسين في حاجه انا مخبياها عليك ولازم تعرفها ..

ياسين : في اي يا عسود .. واي اللي مخبياه

عسود بدموع : ياسين انا كنت يعني بصراحة .. بص يا ياسين انا كنت بحب جني زمان معايا في الجامعة في الاول رفضت اني ارتبط كنت مركزة ف دراستي واني احقق ذاتي .. بعد كدا كان كل شويه يحاول يقرب مني بي اي طريقة شويه بشوية اتعلقت بيه كان باين قد اي بيحبني بيهتم بيا بيحترمني .. لحد ما حبيته اوي وروحت وقولت لشمهورش والملك .. وعرفته ساعتها ان الملك عايز يقابله .. كان بيتهرب مني مره انه لسه مش جاهز مره مسافر مره والده سايب ليه الشغل كلة  .. بس لما لاقاني  بداءت اشك فيه وعدني انه هيتقدم ليا بعد الامتحانات ..

وفـ يوم عسود سمعت اللي مكنش ينفع انها تسمعه..

فلاااش باك ..

خلصت عسود اخر امتحان ليها وفرحانة .. عشان حلت كويس وكمان عشان هتبداء ترتب لمقابلة حبيبها "زافير" مع الملك

عسود لصاحبتها نجمة : ياااه  حقيقي مش مصدقة اننا اخيراً خلصنا

نجمة بضحك : ايوا بقي ونبداء نجهز لفرحك يا عروسة

عسود بفرحة : بجد انا لحد دلوقتي مش مصدقة انا
خلاص زافيز هيقابل بابا ويتقدملي .. حاسة اني بحلم حلم جميل اوي وخايفه اصحي منه

نجمة : لا يا ستي مش حلم .. تحبي اقرصك ف ركبتك عشان تصدقي

عسود : عشان اصدق ولا عشان تحصليني

نجمة : لاااا مش عايزا انا كدا حلوة اوي .. انا اصلاً خلاص كلها كام شهر وهسافر لبابا وهستقر هناك