بيتنا مسكون بالأنس

الرابع والعشرون

الڤوت يا حلوين 🥺🤍
___________________

سليم دخل الاوضه وقفل الباب وراه و بيبص لياسين وواقف ساند ع الباب ومربع ايده

ياسين : في اي يبني خضتني حد يدخل علي حد كدا .. وبعدين انت مش قولت هتنام

سليم : من الاخر كدا ومن غير لف ودوران .. مين الناس دي يا ياسين

ياسين بتوتر: قصدك اي مش فاهم

سليم : ياسين بلاش استعباط  تمام .. انا بسئل سؤال واضح وصريح .. مين الناس دول يا ياسين

ياسين : منا قولتلك دا خالد الشافعي مدير الفرع ف الشركة هنا ودي بنته عسود وابنه أدم

سليم : يعني انت متأكد

ياسين : اه .. انا بقي اللي عايز اعرف انت ليه متغير معايا كدا من ساعه ماعرفت اني هتجوز بنت خالد الشافعي

سليم : انت عايز تقنعني انك عاوز تتجوز واحدة ميته بقالها اربع سنين يا ياسين

ياسين : نعااام يا خويا هي مين دي اللي ماتت .. ماتت ازاي مش كانت معانا من شوية لحقت تموتها من اربع سنين

سليم : ياسين انا اقصد ليلي خالد الشافعي اللي ماتت من اربع سنين هي وجوزها ف ايطاليا .. مش عسود اللي كنا لسه عندها دي .. شكلك نسيت ان انا شغال من قبلك ف شركات الشافعي و انا اللي جبتك تشتغل معايا ف وبالنسبة لخالد الشافعي مدير فرع القاهره انا اعرفه من قبلك بكتيير وعارف عيلته كلها .. يعني كل اللي انت بتقوله دا كدب ف كدب .. ف بالذوق كدا قولي الناس دول مين وانت كدبت ليه

ياسين وهو مش عارف يقولة اي .. فضل ساكت شوية وبعد كدا قاله : يعني انا لو قولتلك هتصدقني .. وتساعدني

سليم : اوعدك طبعاً .. انت اخويا قبل ما تكون ابن خالتي يا ياسين .. احنا ع المرة قبل الحلوة سوا .. انا زعلت منك لما كدب عليا وخوفت اكتر احسن تكون متورط ف حاجة مع الناس دي .. ف احكيلي بصراحة وانا فضهرك وهساعدك

ياسين : ربنا ما يحرمني منك ابدا يا سليم .. بس انا بتمني انك تثبت علي مبدئك دا لحد ماتسمع مني

سليم : يا سيدي احكي بقي

ياسين بص يا سيدي الحوار بداء من اول ما ورجعت الشقه تاني ....
حكي ياسين كل حاجة لسليم اللي كان قاعد مزهول ومش مصدق اللي بيسمعه ومش مستوعب ازاي ياسين قدر يعمل كل دا ولوحده .. وان الناس اللي كان قاعد معاهم من شويه دول مش بشر اصلاً دول من اعظم ملوك وقضاه الجان السبعة  .. مبقاش عارف يرد علي ياسين ويقوله اي عقله اتشل عن التفكير .. هل هو فعلاً هيقدر يساعده .. طب هما ممكن يؤذوه طب ردة  فعلهم اي لما يعرفوا ان سليم عرف حقيقتهم من ياسين .. طب هو هيعرف يتعامل معاهم تاني ازاي طيب من غير خوف .. طب لو صفصف عرفت هيحصل اي  هل هترضي  .. طب هو اللي بيحصل دا صح اصلاً .. يعني فعلاً عسود هتعيش معاهم كـ إنسية
طب هو ممكن يكون ياسين بيكدب .. بس هيكدب ليه ولو كدا هيعرف كل الحاجات دي منين .. سليم كان ساكت لحد ما ياسين خلص وقاله :
وبس ياسيدي هي دي الحكاية من طقطق لسلام عليكوا