بيتنا مسكون بالأنس

البارت التاني

*ماتنسوش الفوت * 🤍
‏‎
بعد أربعة أيام في إسكندرية

‏‎ياسين : ماتخلص يا زفت انت

‏‎سليم وهو شايل شنطة ياسين وراح حادفها علي
الأرض: أنت بتقول لمين زفت يلا أنت ناسي ان اكبر منك بخمس ش....

‏‎ياسين بيقاطعه : شهور خمس شهور يا سليم حفظت ام الجملة والله يلا بقي الراجل واقف تحت

‏‎صفاء وهي خارجه من المطبخ شايلة أكل  كتير في علب: خد يا نور عيني الأكل دا هيكفيك اسبوع لحد ما تظبط الدنيا

‏‎ياسين وهو بياخده منها وبيبوس ايدها : تسلم أيدك يا صفصف تعبتك معايا

‏‎صفاء بدموع :أوعي تقول كدا تاني دا انت أبني نور عيني لو ماتعبتلكش أتعب لمين يعني

‏‎بيحضنها ياسين وبيبوس راسها وبيقولها : أشوف وشك بخير يا صفصف

‏‎صفاء : خلي بالك من نفسك يا حبيبي  لا اله الا الله
‏‎ياسين : محمد رسول الله ... يلا ياسليم

‏‎نزلو وحطو  الشنط في العربيه .. ياسين وهو بيسلم علي سليم : خلي بالك من نفسك ولو أحتاجت حاجه في اي وقت كلمني

‏‎ياسين : حاضر يا خويا وانت خلي بالك علي نفسك ومن صفصف وسلملي علي عمي صلاح لما يرجع

‏‎سليم  : حاضر يلا أتوكل علي الله

‏‎في نفس الوقت في شقة العاشر ..

‏‎عسود : المفروض أنه يجي النهاردا

‏‎سرايا : طب هنعمل اي يا عسود هنسيبوا يسكن معانا كدا عادي

‏‎عسود : يسكن مع مين أنتي أتجننتي لا طبعا انا هروشه وهخليه يلف حوالين نفسه لحد مايمشي من هنا

‏‎سرايا : مش عارفه ليه مش مرتاحة حاسة ان في حاجة هتحصل

‏‎في نفس الوقت بتفتح مرات البواب الشقة :
‏‎بسم الله الرحمن الرحيم السلام عليكم يا أهل الدار

‏‎عسود وسرايا في صوت واحد : وعليكم السلام ياختي
‏‎(طبعا لاحد سامعهم ولا شايفهم )

‏‎مرات البواب بدأت تروق الشقه وتظبطها

‏‎عسود : ايوا ياختي امسحي امسحي  إما وريتك
‏‎بتمسك عسود ازازة الديتول وتدلوقها كلها علي الارض مرات البواب وهي بترجع بضهرها إتزحلقت ووقعت علي ضهرها

‏‎: أه ياضهرررك يا نبوية

‏‎عسود وسرايا وهما بيضحكوا عليها

‏‎نبويه : اي اللي دلق الازازة دي كدا هي مش كانت في الحمام ... نبويه وهي بتبص حواليها برعب : بسم الله الرحمن الرحيم لا تأذيني ولا أذيك انصرفوووووو هشش هشش
‏‎عسود وسرايا وقعوا علي الأرض من كتر الضحك
‏‎نبوية خلصت ونزلت