عند عسود وياسين
ياسين فتح باب الشقه ودخل وعسود وراه .. ياسين وهو
بيقعد علي الكنبة بتعب
ياسين : يختااي خلاص مش قادر
عسود : حقيقي اليوم كان تحفه بجد .. اتبسط اوي
ياسين : ربنا يقدرني وابسطك دايما يارب
عسود : حبيبي انت
ياسين : والله دا انا يا بختي
عسود بصتله وفضلت تضحك وبعدها قالتله
: انا لازم امشي بقي
ياسين : بدري كدا .. خليكي شوية
عسود : كفاية كدا النهاردا وكمان عشان تستريح انت كمان .. وبكرا اول ما تفتح عيونك الحلوين دول هتلاقيني جمبك
ياسين : اذا كان كدا موافق
ضحكوا سوا وبعدها عسود اختفت .. ياسين دخل اوضته غير هدومة وقعد علي السرير وفضل يفتكر اليوم وجماله لحد ما راح في النوم
في عالم الجان ..
عسود راجعه عمالة تغني وفرحانه باليوم اللي قضته
مع ياسين
عسود : الدنيا حلوة واحلي سنين بنعيشها واحنا يا ناس عاشقين ننسي اللي فاتنا ونعيش حياتنا ع الحب
متواعدين
اول مادخلت لاقت شمهورش وسرايا قاعدين في الجنينة وعمالين بيضحكوا ويهزروا
عسود : ممم واضح كدا اني جيت ف الوقت المناسب
سرايا جريت عليها وحضنتها : حقيقي بتيجي ف وقتك كنت لسه هبعتلك ... بصي كدا
ورفعت لها ايدها اللي فيها الخاتم .. عسود بصت ليها ومرة واحدة الاتنين صرخوا وفضلوا يتنطتوا وحضنوا بعض من الفرحة شمهورش اتخض من صريخهم وقعد يضحك عليهم
عسود : دا دا بجد ... اخير
سرايا : انا لحد دلوقتي مش مصدقه اصلاً
شمهورش : ياسلام .. بعد كل دا .. انا بقول ارجع في كلامي
سرايا وعسود في صوت واحد : لااااا
شمهورش ضحك عليهم : ايوا كدا ناس ما بتجيش غير بالعين الحمرا
ضحكت عسود وسرايا عليه
عسود : بجد اخيرا يا شمهورش .. انا فرحانه اوي مبروك يا حبيبي
وراحت لشمهورش حضنته .. شمهورش وهو بيطبطب عليها : حبيبة قلبي انتي
سرايا : ياسلام .. وانا ابقي اي بقي يا سي شمهورش
شمهورش : انتي نن عين شمهورش
عسود : غيوره اوي هه .. اسيبكوا انا بقي لاني حرفيا هموت وانام .. يومي كان حلو بشكل
سرايا : اي دا مش هتحكيلي
عسود : لااا دلوقتي هموت وانام .. بكرا احكيلك بقي
وسابتهم عسود وطلعت عشان تنام وفضلت سرايا وشمهورش يتكلموا ويضحكوا
....
تاني يوم عند ياسين
أنت تقرأ
بيتنا مسكون بالأنس
Fantasíaايعقل بعد ان كانو يسكنوا بيوتنا ... تنقلب الادوار ونسكُُن نحن بيوتهم ..
