بيتنا مسكون بالأنس

البارت الثامن

‎الفوت 🤍

‎ياسين دخل شاف واحد قاعد علي الكنبة الي قصاد الباب ولابس زي عبايه سودا مغطيه جسمه كله ولابس الوشاح بتاعها مخطي راسه لحد قبل عنيه قاعد حاطت رجل علي رجل وفارد أديه الاتنين علي الكنبه وراه وساند راسه لورا .. ياسين بصله بأستغراب وقاله : أنت مين ... ودخلت بيتي ازاي سكت شويه وقال انت حرامي 
كل دا والراجل ساكت ومش بيتحرك مره واحده رفع راسه الوشاح الي لابسه وقع وظهرت عنيه الي كانت نفس لون عين عسود بالون الكهرمان وقاله وصدي صوته مالي المكان كله : شمهورش بن ابادوون مالك ملوك الجن السبعه ... قاضي فضاه الجان

‎ياسين برق واتصدم من الي سمعه وقاله : انت انت اخو عسود
‎شمهورش : عسود مممم يعني طلع صح

‎ياسين : هو اي دا

‎شمهورش : الي عسود قالته

‎ياسين : وهي قالت اي .. وفين عسود اصلاً

‎شمهورش بص علي الكرسي الي جمبه وقاله : اقعد يا أنسي

‎ياسين قاله : مش قاعد غير لما تقولي فين عسود

‎شمهورش بصوت عالي : قلت اقعد

‎ياسين خاف من صوته وراح يقعد شمهورش بص علي الكرسي خلاه يرجع لورا ياسين جه يقعد قعد علي الهوا ووقع علي ضهره

‎ياسين قام بيتوجع وهو ماسك ضهره وبيقوله : اهاا احنا فينا من شغل العفاريت دا بقي

‎شمهورش قاله : عشان تتعلم الادب بعد كدا

‎ياسين قعد علي الكرسي التاني وقاله : اديني قعدت ممكن بقي تعرفني في اي وفين عسود

‎شمهورش : وانت مالك

‎ياسين : يعني اي انا مالي

‎شمهورش : يعني تنسي انك تعرف جنية بالأسم دا سمعت يا أنسي

‎ياسين فهم قصده اي رد عليه وقاله : وإن مانستش

‎شمهورش ضحك وقاله : هتنسي لو مش بمزاجك يبقي عشان صفصف علي الأقل او سليم .. ولا أي

‎ياسين : اانت قصدك اي

‎شمهورش : قصدي الي فهمته

‎ياسين : بس انا مش خايف منك ولو هما حصلهم حاجه يبقي دا نصيبهم

‎شمهورش : تؤتؤ لازم تخاف ياسينو

‎ياسين بصوت عالي وهو متعصب : لاااااا مش هخاااف منك عشان .. عشان انا بحب عسود

‎بصله شمهورش وفجااءه قعد يضحك بصوت عالي بعد شويه شمهورش مسك قلبه من كتر الضحك وقاله : ااه مش قاادر بصراحه بت اي يا خويا بتحبها ... انت عبيط

‎ياسين : اه بحبها وليه لا

‎شمهورش : ابسط حاجه أنت انسي وهي جنيييية ومش اي جنية عادية تؤتؤ .. دي بنت الملك ابادوون ملك ملوك الجان السبعه واختي انا اخت قاضي قضاه الجان انت مستوعب .... روح حب واحده من جنسك احسن وهقولك تاني انسي انك قابلت جنييية أسمها عسود يا .. يا إنسي..

‎واختفي مره واحدة
‎ياسين فضل مكانه حط راسه بين اديه وفضل يعيط يعني اي ينسي عسوود بالسهوله دي اكنها ماجتش  يعني وازاي ينساها بعد ما حبها فضل يفكر ويفكر لحد ماتعب قام وهو مش قاد يقف دخل اوضته اترمي علي سريره من غير ما يغير هدومة ونام من كتر التفكير
‎
تاني يوم في عالم الجن ...

‎سرايا وعسود لبسو عشان يرحو لياسين زي ما اتفقوا امبارح وهما نازلين علي السلم عدو علي الاوضه الكبيره الي فيها الملك وشمهورش وسمعوهم وهما بيتكلمو  واتفاجئو من الي سمعوه

‎عند ياسين

‎ظهرت عسود في أوضه ياسين لاقيته نايم بنفس الهدوم الي كان لابسها ووشه كله احمر وعرقان وجسمه عمال يرتعش قربت عليه حطت اديها علي دماغه لاقيته سخن اوي وبقه بيتحرك كأنه بيقول حاجه قربت عليه عشان تسمه هو بيقول اي لاقيته بينده عليها : عسوود عسوود أنتي فين

‎عسود دمعت وفضلت تطبطب عليه : ياسين .. ياسين اصحي فووق

‎ياسين من كنت التعب  مش حاسس بيهاوعمال ينده عليها

‎بصت عسود لسرايا وقالتلها : هاتي ميه وفوطه بسرعه يا سرايا

‎سرايا : حاضر

‎ عسود قعدت جمب ياسين فضلت تمسحله وشه وقعد تمسح بأديها علي شعره : انا اسفه حقك عليا مكنش لازم اتأخر كدا .. سامحني يا ياسين

‎جت سرايا واديتها الميه والفوطه فضلت جمبه بتعمله كمدات وسرايا راحت تعمل  ليه الاكل

‎ياسين بدأ يفوق شافها قاعده جمبه عماله تمسح بأ ديها علي وشه بحنيه

‎ياسين : عسوود

‎عسود : قلب عسود من جوه

‎ياسين : انتي هنا بجد

‎عسود : اه يا حبيبي جمبك

‎ياسين : يعني انا مش بتخيلك

‎عسود : تؤتؤ انا جمبك اهو وسرايا بتعملك الأكل كمان

‎ياسين : أنا ندهت عليكي كتير ماجتيش ليه

‎عسود والدموع في عنيها : حقك عليا اني أتأخرت يا ياسين

‎قام ياسين وعسود ساعتده عشان يتعدل في القعده
‎مسك اديها وباسها وفضل باصصلها

‎ياسين : أوعي تسبيني يا عسود .. أنا ماصدقت لاقيتك

‎عسود : غصب عني اني أتخرت بس..

‎ياسين : مش بقول علي دلوقتي  .. انا مش عايزك تسبيني خالص يا عسود

‎عسود : انا مش هسيبك انا جمبك أهو

‎ياسين : أنا بحبك يا عسود

‎عسود : ياسين انت بتقول اي .. انت تعبان السخنيه مقصره عليك

‎ياسين : لا مش تعبان انا ياسين عمران الأنسي  بقولك انا وقعت فـعـشـقـك يـا جـنـيـة

‎عسود بصتله وعيونها بدمع : ماينفعش ياياسين

‎ياسين : عارف بس غصب عني

‎عسود : ماينفعش ياياسين

‎بصت الناحيه التانيه وجت تقوم مسكها ياسين من اديها قعدها جمبه تاني لف وشها ناحيته لاقها بتعيط

‎ياسين : هو سؤال واحد وتجاوبيني بصراحه

‎عسود ساكته وماردتش عليه
‎ياسين : انتي مش بتحبيني يا عسود .. بصي فـ عيوني وقولي انا مابحبكش يا ياسين

‎عسود ساكته

‎ياسين : قوليها يا عسود

‎عسود وهي بتعيط وباصه فـ عيونه

‎عسود : أنا مش بحبك يا ياسين  انا  بـعـشـقـك

‎حضنها ياسين مره واحده وهي فضلت حضناه وبتعيط

يتبع ..