بيتنا مسكون بالأنس

الحادي والعشرون

شمهورش : اتنيل اسكت بقي اما نشوف هصالحها  ازاي .. عشان عارف البوز هيفضل خمسة متر قدام

ياسين : طب واللي يقولك تصالحها ازاي تعمله اي ..

شمهورش : انجز يلا

ياسين : بص يا سيدي .. طب ماتيجي ننزل احسن وانا اقولك هنعمل اي

شمهورش : مش عارف ليه مش مرتاحلك

ياسين : خلي عندك  ثقه فيا

شمهورش : امشي يلا  

نزل ياسين وشمهورش وراحوا المول اللي علي اول شارع يا سين .. دخلوا المول وطلعوا الدور الرابع قصاد محل ورد كبير اوي وشكلة حلو
ياسين بص لشمهورش وغمزلة
:صدقتني لما قولتلك خلي عندك ثقه فيا ..

شمهورش : بس يلا

ودخل محل الورد وطلب من صاحب المحل انه يعمله بوكية ورد كبير من ورد الجوري الاحمر

وياسين برضوا طلب بوكية ورد من الياسمين اللي عسود بتحبه

شمهورش : هو احنا  هنجيب ورد بس

ياسين : لا طبعاً تعال معايا 

مشيو لحد ما الراجل بتاع الورد يخلصلهم اللي طلبوه
وراح ياسين وشمهورش لمحل تاني في بلورات زجاج شكلها حلو اوي ..
شمهورش وقف قصاد بلورة شكلها حلو اوي .. كان فيها بنوته قاعده علي مرجيحة وولد بيزقها وبيضحكوا
وبتعمل انوار وموسيقي حلوة اوي .. عجبت شمهورش واخدها .. ياسين راح لبلورة شكلها حلو اوي لبنوته شعرها اسود وطويل وعيونها نفس عيون عسود ..
وفضلوا يلفوا شويه في المحل واشتروا كذا حاجه  وحاسبوا وراحوا للراجل بتاع الورد مرة تانيه ..
البوكيهات كان شكلهم حلو اوي الراجل بتاع الورد كان حاطط في كل بوكية كارت كبير وقالهم : انا سيبت الكروت فاضيه ومارضيتش  اكتب فيها حاجه عشان لو حبيتوا تكتبوا فيها حاجه .. شمهورش عجبه الفكرة اوي لإنه اول مرة  يكتب جواب لسرايا وكذلك ياسين ..
اخدوا الورد ومشيوا

ياسين : انت هتكتب اي

شمهورش : وانت مالك .. سكت شويه وبعدها بصله وقاله : طب انت هتكتب اي 

ياسين : بصراحة لسه مش عارف .. بس هما اتنين اللي هينفعوا معايا

شمهورش : مين

ياسين :  يا إما عمرو حسن يا فارس قطرية

شمهورش : نعم يا خويا

ياسين : منا ماليش ف الرومانسي اوي يعني

شمهورش : يلا بس نمشي من هنا وبعدين نشوف هنعمل اي
مشيوا ياسين وشمهورش وراحوا تحت البيت فضلوا واقفين شويه وبعد كدا طلعوا .. ياسين فتح الباب ودخلوا البيت ساكت مفهوش حد ...