بيتنا مسكون بالأنس

الخامس والعشرون

الفوت 🥺🤍
_______________

ياسين : سليم طلع عارف خالد الشافعي مدير الشركة وعارفه بنته اللي طلعت اصلاً متوفيه من اربع سنين هي وجوزها ف ايطاليا .. ولما قالي كدا انا حكيتله كل حاجة .. قعد يقولي دا غلط ودا صح وانه هيقول لصفصف وعم صلاح .. وف الاخر قولتله لو قولت ليهم حاجة يبقي احنا مش اخوات .. ومن ساعتها وهو مش بيكلمني ..

عسود : ياسين حبيبي انت غلط .. هو معاه حق في كل كلمه قالها انه ما ينفعش .. ودا كان كلامي ليك ف الاول ان الموضوع مش سهل وهنواجهه صعوبات كتير اوي .. ومش اي حد هيتقبل الفكرة ويفهمها ..

ياسين : انا عارف اني غلط بس اعمل اي ياعسود .. انا استحاله اسيبك او ابعد عنك لو اي حصل .. حتي لو حكمت اني انزل اعيش في عالمكم زي والدتك هعمل كدا .. انا ما صدقت لقيتك يا عسود واستحاله اسيبك تضيعي من ايدي ..

عسود : انا ماقولتش كدا ياحبيبي  ومين جاب سيرة انك تسيبني او اني اسيبك .. انا كان قصدي انك تقعد تاني مع سليم وتراضيه وتشرحله الموضوع مره تانيه بس بالهداوة

ياسين : ازاي بس وهو مش راضي يكلمني

سرايا : ودي حاجة صعبه يعني .. احنا اللي هنروح ونتكلم معاه كمان

ياسين : احنا مين

سرايا : سلامة نظرك يا ياسين .. انت مش شايفنا ولا اي .. هنروح انا وانت وعسود

ياسين : طب ليه انتو

سرايا : يبني اي حاجة ناجحة ف الدنيا لازم يبقي فيها عنصر نسائي .. وانت معاك عنصرين يعني تضمن انكوا تتصالحوا ف اقل وقت ممكن

عسود : وانا بضم صوتي لصوت سرايا

ياسين : والله انا عارف انكوا مش هتجيبوها لبر ابداً .. بس ماشي خلينا وراكوا لحد باب الدار .. يلا بينا

طلع ياسين ومعاه عسود وسرايا .. دخلوا ما لقوش صفصف ف البيت مكنش في حد غير سليم اللي قاعد ف البلكونة بيشرب قهوتة

ياسين : حلو اوي صفصف شكلها مش هنا

عسود : احسن بردو عشان نعرف نتكلم مع سليم

ياسين : والله

سرايا : ماتخلصونا بقي بدل وقفه المرور دي .. وبعدين انتو بتتكلموا بصوت واطي كدا ليه انتو قاتلين قتيل

ياسين : تعالو يلا
وراح ياسين وعسود وسرايا ناحية البلكونه

سرايا : احم احم مساء الخير