قبل ما نبداء 🤍
* عنيا حاضر هحاول اطول في البارتات الجايه بأمر
الله
* بالنسبة ليه ياسين محبش سرايا .. عشان هي بتحب شمهورش 🤷🏻♀️ ودا هيظهر ف البارت الجاي او الي بعده 🤷🏻♀️🤍
* وحاضر هعيشكوا مع عسود وياسين وشوية قبل الي جاي 🤍
واخيراً : شكراً لكل الي بيشارك برئيه بجد حقيقي والله بتحمس وبفرح جداً برئيكوا ♥️
*وباااارت طويل شويه اهو لأجل عيونكم 😂♥️
________________________
دخلوا ياسين وسرايا قصر المملكة سرايا وهي خايفة وعماله تبص يمين وشمال : ياسين انا خايفه
ياسين : ماتقلقيش .. انا مرعوب بس كله يهون عشان عسود
سرايا : يخرب بيتك علي بيتها
بصوا لقوا كنعان خارج من مكتب شمهورش واول ما شافهم برق لسرايا وقالها: اااي دا .. أنسي طب طب ازااي يخربيتك دا انتي روحتي في داهيه
سرايا بشجاعه مزيفه : انا جبته بأمر من سيادة القاضي شمهورش
كنعان :يا سلااااام اهبل انا عشان اصدقك صح
في نفس الوقت خرج شمهورش علي صوتهم واتفاجئ لما شاف ياسين بس محبش يكدب سرايا قصاد كنعان
شمهورش : ايو يا كنعان انا الي امرت بأحضاره
كنعان : اوامر جلالتك .. بعد ازنك
ومشي كنعان ... شمهورش بص لسرايا وياسين
وقالهم : تعالو ورايا
دخلوا المكتب وقعدو وياسين عمال يبص علي المكتب بأنبهار مكتب كبير اوي وكله كتب قطع انبهاره
شمهورش لما قاله : ممكن اعرف اي الي جابك هنا
ياسين وهو خايف : جاي عشان عسود .. انا لازم اقابل والدك الملك واتكلم معاه واقوله اني بحبها ...ياريت تفهمني والله انا بحبها بجد ومعنديش اي نيه لأذيتها صدقني ... من ساعه ما اهلي اتوفوا وانا ماحستش بالراحه ولا الأمان والفرحة غير لما عسود ظهرت ف حياتي هي وسرايا .. بصراحة الأول كنت خايف منهم ودا طبيعي بس بعد كدا اخدت عليهم وبقوا حياتي وخصوصا عسود لأني حبيتها انا مش مستعد اخسرها أرجوك تصدق كلامي وتحس بيه
شمهورش فضل ساكت وسرايا سااكته مستنيه شمهورش يقول اي حاجه وبعد شويه شمهورش اتكلم :خلاص خلصت
ياسين : اه
شمهورش : اطلع برا... وانا هبعت جني يرجعك لللعالم بتاعك ولأخر مره هقولهالك ابعد عن عسوود
سرايا استغرب من شمهورش لأن هو كان بيقول انه هيساعدهم ودلوقتي رجع في كلامة بس الي ما تعرفهوش ان شمهورش بيحط ياسين تحت ضغط عشان يشوفه هو فعلاً بيحب عسود ولا لاء
ياسين بصوت عالي وهو بيخبط ع المكتب : انا مش خارج من هنا غير و معايا عسود .. انا يا قاتل يا مقتول
جه صوت من وراه فجاءه : يبقي مقتول لان قاتل دي ... مستحيل
أنت تقرأ
بيتنا مسكون بالأنس
Fantasíaايعقل بعد ان كانو يسكنوا بيوتنا ... تنقلب الادوار ونسكُُن نحن بيوتهم ..
