Starlight Story of a flower🌠🌧

We Know Each Other 🌠

အမှောင်အတိဖြစ်နေတဲ့
မျက်လုံးအစုံကိုအားယူကာကြိုးစားဖွင့်မိတော့မြင်လိုက်ရတဲ့ အဖြူရောင်မျက်နှာကျက်။

ငါဘာဖြစ်သွားတာလဲ ဟူ၍သာ
Sunghoon အမေးထုတ်မိသည်။

နောက်ဆုံးမှတ်မိလိုက်တာက
အားကစားကွင်း...ဟုတ်တယ်။
Jay တို့ကိုအအေးသွားယူပေးမယ်ဆိုပြီးသူထသွားတာလေ။

ကိုက်ခဲနေတဲ့ခေါင်းကိုအနည်းငယ်ထိန်းကိုင်ရင်း
ထဖို့ကြိုးစားလိုက်သည်။
ဘေးဘီကိုကြည့်မိတော့
Jay တို့တွေအကုန်ရှိနေတာဘဲ။

မနိုင့်တနိုင်ထဖို့ကြိုးစားတဲ့
Sunghoon ကိုမြင်တော့
အကုန်လုံးလည်း
Sunghoonအနားကို
အပြေးလာကြသည်။

"Sunghoon မင်းအဆင်ပြေရဲ့လား......"

"ဖြေးဖြေးထအုံး"

ပြောပြောဆိုဆိုဖြင့် Jay က
Sunghoon ထရန်ကူပေးသည်။

"ငါဘာဖြစ်သွားတာလဲ"

"မင်းမေ့လဲသွားတာလေ...ငါတို့အတွက်အအေးသွားယူပေးမယ်ဆိုပြီးထသွားရင်းရုတ်တရက်ကြီးမေ့လဲသွားတာ
အဲ့ဒါနဲ့ငါတို့လည်းမင်းကိုဆေးပေးခန်းကိုခေါ်လာခဲ့ရတာ"

Sunoo အဖြေကို Sunghoon ခေါင်းငြှိမ့်မိသည်။

"ဒီနေ့တော့ပြန်လိုက်တာပိုအဆင်ပြေမယ်...ဆရာဝန်ကဒီတစ်ရက်လောက်တော့အနားယူဖို့ပြောသွားတာဆိုတော့..."

"ဟုတ်တယ် Niki ​ပြောတာမှန်တယ်။....မင်းဒီနေ့တော့ ပြန်လိုက်တော့ Sunghoon....
အားဆေးလည်းသွင်းတာပြည့်ခါနီးပြီ။...အဲ့ဒါပြီးရင်အိမ်ပြန်တော့"

"ဒါပေမယ့်..... "

"တိတ်..ထပ်မပြောနဲ့
ပြန်ဆိုပြန်...."

သူ့ကိုစိတ်ပူပြီးပြန်ခိုင်းနေတဲ့
Jay ကိုငြင်းဖို့လုပ်ပေမယ့်
ဒီကောင်ကအပြောတောင်မခံပေ။

"စာအတွက်တော့စိတ်ပူမနေနဲ့
Sunoo ရှိတယ်လေ...ဟုတ်တယ်မလား Sunoo ရား"

သူ့စိတ်ကိုသိနေသလိုပြောတဲ့
Jungwon က Sunoo ကိုကြည့်ရင်း စာအတွက်အကူအညီတောင်းသည်။

Sunoo လည်းအလျင်အမြန်ခေါင်းငြှိမ့်လိုက်သည်။

"ဟုတ်တယ်....ငါရှိနေတာဘဲစာအတွက်စိတ်ပူမနေနဲ့....မင်းသာ
ကောင်းကောင်းအနားယူလိုက်"