Starlight Story of a flower🌠🌧

We'll be together🙆💙

Recommend song - Time of love( ATEEZ )

"Jungwon ရား......မြန်မြန်လုပ်စမ်းပါကွာ  ရေချိုးခန်းထဲများအိပ်ပျော်နေလားမသိ"

"လုပ်နေတယ်လေ....ခုနလေးတင်ဝင်ပြီးခုချက်ချင်းရေချိုးပြီးရအောင်ငါကဂျက်လေယာဥ်မှမဟုတ်တာ"

မနက်စောစောစီးစီးတည်းကနေစပြီးဆူညံသံတွေထွက်နေသည်မှာ
တခြားတော့မဟုတ်....
Sunoo တို့အိမ်ဖြစ်ပါသည်။

ခါတိုင်းဆိုတိတ်ဆိတ်မြဲတိတ်ဆိတ်ဆဲ ဖြစ်နေပေမယ့်
မနေ့ကနေစပြီးဆူညံနေခဲ့တာ
ပြောရရင်ဒီမနက်ထိပေါ့။

အခုလည်း Jungwon နဲ့ Niki ရဲ့ရေချိုးခန်းပြဿနာဖြေခန်းကြည့်နေရတာဖြစ်သည်။

မနေ့ညကသူတို့အကုန်
Sunoo တို့အိမ်မှာအိပ်ကြတာဖြစ်ပြီး ကျောင်းသွားဖို့မနက်စောစောထရေချိုးဖို့လုပ်နေကြသည်။

ဆိုးတာကနဂိုတည်းကသာမန်အိမ်တစ်လုံးဖြစ်သည့်အပြင်
လူနည်းသည့်အတွက်
ရေချိုးခန်း Toilet တစ်ခုဘဲရှိတဲ့ပြဿနာ​ဘဲဖြစ်လိမ့်မည်။

ကျောင်းသွားဖို့ပြင်ရမယ့်လူကငါးယောက်၊အိပ်ယာထနောက်ကျတာနဲ့ တင်မနက်စောစော Sunoo တို့အိမ်မှာပွက်လောရိုက်လို့နေပြီ။

"ထွက်လာပြီကွာ...တခါတည်းတဂျီဂျီနဲ့အော်နေတာကြက်တူရွေးကျနေတာဘဲ"

"ထွက်လာရင်လည်းဖယ်ကွာ"

နဂိုကရေချိုးကြာတဲ့ Jungwon တစ်ယောက် Niki အော်လို့
ရေဆက်လက်နဲ့ရေချိုးခန်းထဲမှမြန်မြန်ထွက်ပေးလိုက်ရသည်။

ဒါကိုတောင်ဒင်းကကျေးဇူးမတင်
အတင်းတွန်းဖယ်ပြီးရေချိုးခန်းထဲဝင်သွားလေရဲ့။

"ဒီကောင်ကတော့ငါလုပ်လိုက်ရ....."

ကျိန်ဆဲလို့တောင်မဆုံး
ခပ်မွှေးမွှေးရလာတဲ့ ဟင်းနံ့ကြောင့် Jungwon ပါးလေးတွေမို့မောက်သွားအောင်ပြုံးလိုက်ပါသည်။

အိမ်မှာနေရင်တောင်ထမင်းလက်စုံစားရတာကိုသဘောကျတကြောင့်အခုလည်းအကုန်လုံးနဲ့ထမင်းစားမှီအောင်...မနေ့ကမိုးရေမိလို့လျှော်ထားရတဲ့အင်္ကျီကိုကြိုးတန်းမှဖြုတ်ပြီးမြန်မြန်ကောက်စွတ်လိုက်လေသည်။