Starlight Story of a flower🌠🌧

I'll confess to you🤙👼

Recommend Song - Someday(AMPERS&ONE)

တီတီ...တီတီ...တီတီ...

တီ..တီ..တီ..တီ......

အဆက်မပြတ်မြည်နေတဲ့

alarm သံဟာ Niki ရဲ့အိမ်မက်ကမ္ဘာကိုဖျက်ဆီးပစ်လိုက်သည်။

ကြည့်လိုက်တော့

မနက်ခြောက်နာရီ ဒီနေ့ကျောင်းရဲ့လေ့လာခရီးသွားရမှာမို့

မနက်စောစောထမယ်ဆုံးဖြတ်ပြီးသူ့ဘာသူ alarm ပေးထားခြင်းဖြစ်သည်။

ကဗိုကယိုစောင်ပုံကိုအသာအယာဖယ်ရင်းအခန်းတံခါးလှပ်မိတော့

သူ့ရဲ့အခန်းမျက်စောင်းထိုးကနေ

မီးလင်းနေတဲ့ သူတို့အိမ်ရဲ့ဘုရားဝတ်ပြုခန်းလေးကိုအကြည့်ရောက်မိသည်မှာအမှန်။

ခြေလှမ်းခပ်စိပ်စိပ်ဖြင့်

တံခါးကိုအသာတွန်းကြည့်တော့

လပ်ဝါးကပ်တိုင်ရုပ်ထုရှေ့မှာဖယောင်းတိုင်လေး ထွန်းရင်းဝတ်ပြုဆုတောင်းနေတဲ့ သူ့ရဲ့အမေဖြစ်သူအားမြင်ရပါသည်။

အမှန်တော့ ဒီလိုဝတ်ပြုတဲ့ကိစ္စ

သာမန်ကိစ္စရပ်တစ်ခုပင်ဖြစ်လိမ့်မည်။

Niki ဒီအိမ်ကိုစရောက်တည်းကမြင်ရတဲ့ကိစ္စဆိုလည်းမမှားပေ။

"အမေ...."

အမေလို့ခပ်တိုးတိုးတစ်ခွန်းဆိုမိတော့အမေဖြစ်သူ၏မျက်နှာလေးသည် သူရပ်နေရာဘက်ကိုလှည့်ကာကြည့်လာသည်။

အမေဟာ Niki ကိုမြင်သည်နှင့်

ကြည်ကြည်လင်လင်လေးပြုံးပြကာလက်ကလေးအားလှမ်းကိုင်သည်။

အမေဟာဒီလိုလူမျိုးပါ။

အမြဲသူ့ကိုမေတ္တာတွေပေးနေသူပေါ့။

"သားငယ်...နိုးနေပြီလား...

ဒီနေ့လေ့လာရေးခရီးသွားရမှာမလား...ဘယ်လိုလဲ ပြင်ဆင်စရာတွေရောပြင်ဆင်ပြီးပြီမလား"

"ပြင်ပြီးပါပြီအမေရဲ့...အမေကရောအစောကြီးထပြီးဝတ်ပြုနေတယ်ပေါ့...ညဘက်တွေအိပ်မပျော်ပြန်ဘူးလား"

Niki စိုးရိမ်သယောင်မေးတော့ အမေဖြစ်သူဟာခပ်ဖွဖွပြုံးရင်းခေါင်းခါပြလေရဲ့။...