#_حياة_لقيطة_
البارت الثالث :-
مس هند : السلام عليكم ازيك يا حبيبتي فيه حد سمع على أخلاقك و بصراحة عايز يتقدملك
لجين : و عليكم السلام يا مس بتقولي ايه عريس ليا أنا ؟!
مس هند : اه لما ترجعي إن شاء الله ابقي تعالي على مكتبي
لجين : إن شاء الله
طيب مع السلامة
بعدما اغلقت الهاتف كانت ندى و ريم منتبهين لما ستقصه عليهم
ندى : هو عريس ايه ده !
لجين : انا معرفش قالتلى أبقى اروح مكتبها اما ارجع
ريم : و نقول مبروك .... صدقيني ربنا هيرزقك خير لأنه أعلم بحالنا منا
لجين : ونعم بالله
عند الساعة الثامنة ذهبت لجين الى مكتب مس هند ::
مس هند : اتفضلي اقعدي
لجين بخجل : شكراً
مس هند بمزاح خفيف : يا جميلة انتي بتتكسفي..
ثم أكملت: بصي يا لجين النهاردة لقيت حد بيسأل عن بنت منتقبة رجعت امبارح الساعة سابعة بليل مفيش غيرك انتي و ريم فراح قالي هي حوالي ١٦٠ سم فقلت اكيد انتي لأن ما شاء الله ريم طولها في ١٧٠ ... راح قال انه عايز يتقدملها لأنه سمع عليها و أخلاقها من أخته بس قلتي ايه تحبي الرؤية الشرعية امتى
لجين : طب حضرتك تعرفي شغله ؟ سنه ... ؟ كدة
مس هند : ٢٣ سنة دكتور تحاليل و صاحب معمل تحاليل بس من عيلة الأشهب ديه عيلة من الكبار في البلد
لجين : طيب حددي معاه الرؤية و قوليلي
مس هند : انتي مش هتحضري فرح تالين!
لجين وهي تتذكر ما حدث : يا مس انتي عارفة اني مش بسمع أغاني.. ازاي اروح فرح فيه أغاني وأعصي ربنا!
مس هند : ده فرح عالضيق في بيت رامز العريس بس المكان واسع عشان في الارياف
لجين : في الارياف !
مس هند : تالين قالت انها هتقول هي على كل حاجة
صمتت لجين للحظات لتتابع مس هند قائلة : انا حاسة انك مش مرتاحة معاهم تحبي انقلك
لجين : ما هو حضرتك مش عايزة تنقلي ريم معايا
مس هند : ما هو محدش عايز يبدل و مفيش غير سرير واحد
لجين بإعتذار : تسلمي يا مس
في الغرفة /
ريم : لجين يا لجين جالك يجي ٣٠ مكالمة من ندى و انتي تحت فعملت الموبايل صامت من كتر ما اتصلت
لجين : خلاص هكلمها إن شاء الله
ريم : مش تقوليلي الاول
لجين : و البنت اللي بتتصل ديه . ... استني اهيه بتتصل تاني
السلام عليكم
ندى : و عليكم السلام ايه اخبار العريس مقلتليش!
لجين : ده انا لسة طالعة اهو
ندى : اهم حاجة حاسة انك مستريحة
لجين : حاسة كدا مس هند بتقول عليه مواصفات كويسة و قلتلها تحدد معاد الرؤية الشرعية
ندى : الحمد لله ابقي طمنيني بقى
لجين : إن شاء الله على خير يا ندى...
ندى : السلام عليكم ورحمة الله وبركاته
لجين : و عليكم السلام ورحمة الله وبركاته
نظرت لجين لريم : أظن كدا عرفتي الموضوع
ريم بفرح : مبروك يا لجين
و في مكان آخر /
ندى : افرح يا معلم لجين وافقت كبداية
حازم : الحمد لله
انتهى البارت ٣
______________________________
أنت تقرأ
حياة لقيطة
Spiritualاتبعوا صرخاتها فوجدوها في القمامة؛ فعاشت كلقيطة في ملجئ يتامى. تواجه نظرات المجتمع لشيء لم تقترفه، فما أقبح أن يحاسبوها بذنب لم تجتنيه! حتى عندما يرغب أحدهم بالزواج منها، تُشَوَّه سمعتها لإبعاده عنها. فهل من رغبها لدينها وأخلاقها سيكمل معها ويتمسك...
