#_حياة_لقيطة_
البارت الرابع :-
و في مكان آخر /
ندى : افرح يا معلم لجين وافقت كبداية
حازم : الحمد لله
ثم تابع يقول : متقوليلي بقى اشمعنى ديه من وسط كل صحباتك و معارفك قولتيلي عليها
ندى :
بص يا حازم انا حكيتلك عن ظروفها اللي اعرفها و انا شايفة انها بنت طيبة و خلوقة و بتتقي الله
حازم : طب و معرفتيهاش ان أنا قريبك ليه ... ما هي ممكن تعرف
ندى : انت اخويا في الرضاعة ... ماشي مامتك صاحبة مامتي بس مش بسهولة تعرف لاختلاف اسم الأب
*** : اسمع كلام اختك بقى
حازم : حاضر يا ماما
ندى : يعني انتي يا طنط موافقة عليها مبدئياً ؟
علياء : بصي هي فعلاً نظرة المجتمع مش كويسة بس من كلامك عنها حبتها
أنا مش مهم عندي نظرة المجتمع قد ما مهم عندي ابني يكون عايش مرتاح و فرحان
ندى : طب ثواني يا جماعة حد بيتصل بيا
علياء : هي بردو اللي خلتك تغيري الأغاني و الموسيقى و تخليها أناشيد ؟
ندى : هي فعلا نعمة في حياتي ... ثم دعت الله أن يغفر لها ما كانت تعمل من سوء
و في غرفة ندى :-
ريم : السلام عليكم
ندى : و عليكم السلام
ريم : سنة يبنتي عشان تردي
ندى : معلش أصلهم عندي
ريم : كدا بقى خدي راحتك.. بس قوليلي انتي مقولتلناش أبداً إن عندك اخوات
ندى : انا فعلاً معنديش اخوات أشقاء زي مقولتلك اخويا في الرضاعة ده انا كنت خلاص هكلم لجين زي ما كلمتك بس انتي قولتيلي ان فيه بعض البنات دايقوها عشان لقيطة و قالولها ان هي محدش هيبصلها حبيت أفرحها
ريم : بس ممكن تعرف بعدين أنه عن طريقك
ندى : أنا مفكرتش فيها
ريم : طب مع السلامة دلوقتي
ندى : مع السلامة
و في نهاية الاسبوع عندما تحدد موعد الرؤية أرادت لجين أن تسأل شيخاً لأنها لم تجد لديها محرم فكيف ستكون الرؤية و بعد بحثها في عدة مواقع للفتاوي الموثوقة وجدت إجابتها بأنه يجوز أن تكون الرؤية باشتراط عدم الخلوة كأن يكون الخاطب مع والدته و اخته بدون محرم للمرأة فاتفقت مس هند مع الخاطب على ذلك
و في ليلة التي تم الاتفاق عليها للرؤية
ريم : السلام عليكم
ندى : و عليكم السلام
ريم : يعني لازم اكلمك يا ندى مش ناوية تيجي
ندى : ما هي متعرفش انه عن طريقي ده يدوب طنط علياء كلمت ماما بدردش معاها قالتلها أن الواد كبر و بقى عنده شغل و عايزين ندورله على عروسة و كمان هو ورث معمل التحاليل من باباه و اخته متجوزة و عايشة مع جوزها في السعودية بس جت امبارح و انا لما عرفت كدة و بدردش معاكي قلت اعرض عليه
ريم : يبنتي انتي بتحكيلي قصة حياته
ندى : مع السلامة دلوقتي ماما بتنادي
ريم : مع السلامة
ارتدت لجين فستان أسود فضفاض رقيق ذو الأكمام الواسعة و خمار طويل رقيق و كانت تبدو في غاية جمالها و خاصةً أنها من ذوات البشرة بيضاء
ريم : ايه الجمال ده ؟!
ثم قالت بصوت خفيض : انتي مش واخدة بالك ان تالين و شلتها موجودين مش كان النهاردة فرحهم
أنت تقرأ
حياة لقيطة
Espiritualاتبعوا صرخاتها فوجدوها في القمامة؛ فعاشت كلقيطة في ملجئ يتامى. تواجه نظرات المجتمع لشيء لم تقترفه، فما أقبح أن يحاسبوها بذنب لم تجتنيه! حتى عندما يرغب أحدهم بالزواج منها، تُشَوَّه سمعتها لإبعاده عنها. فهل من رغبها لدينها وأخلاقها سيكمل معها ويتمسك...
