My Bad Boy

Chapter ( 13 )

Unicode

ပတ်ဝန်းကျင်အားတစ်စိုးတစ်စိမျှမမြင်ရသည်အထိအမှောင်ယံကကြီးစိုးနေသည်။ မိမိဘယ်နေရာရောက်နေသည်ကိုစမ်းတဝါးဝါးနှင့်လိုက်လံစူးစမ်းနေရသည်။ ထိုအခိုက်အတန့်မှာပင်အလင်းရောင်တစ်စုံကသူ့မျက်နှာထက်ထင်ဟပ်လာသည်။

ရုတ်တရက်ဆန်လှသည်မို့သူ့မျက်လုံးတွေကိုထိုအလင်းတန်းဆီမှလက်ဖဝါးပြင်ဖြင့်ကာထားလိုက်သည်။ ထိုအလင်းတွေကြားမှအဖြူရောင်ဝမ်းဆက်လေးနှင့်တောက်ပနေသည့်ကောင်ကလေးကသူ့အားလက်ကမ်းကြိုလာသည်။

" Jun ဟန့်ဆီလာခဲ့လေ "

အပြုံးကလေးနှင့်ဆီးကြိုနေသောသူဆီ Gong Jun အပြေးလိုက်ကာလက်လှမ်းနေသော်လည်းပို၍ပင်ဝေးကွာသွားရသည်။ အဖြူရောင်ပုံရိပ်လေးမှာလည်းတဖြည်းဖြည်းမှေးမှိန်ကာပျောက်ကွယ်လုနီးနီးဖြစ်လာသည်။

" ဟန်...ဟန်..ကျွန်တော့်ဆီလာခဲ့ပါ။ ကျွန်တော့်ကိုမထားခဲ့ပါနဲ့!! "

သူမည်မျှပင်ပြေးလိုက်နေပါစေ...ထိုပုံရိပ်လေးကသူနှင့်အဝေးဆုံးကိုသာရောက်လို့သွားသည်။ နောက်ဆုံးမှာတော့သူ့မြင်ကွင်းအရှေ့မှပျောက်ကွယ်သွားကာအမှောင်ယံကတဖန်ကြီးစိုးသွားသည်။

" ဟန်!!!!!!!!!!!!!! "

Gong Jun တစ်ယောက်အလန့်တကြားနှင့်အိပ်ရာပေါ်ထထိုင်မိသည်။ ပေါက်ထွက်မတတ်မောဟိုက်နေသောနှလုံးသားတစ်စုံအားလျစ်လျူရှုကာအနှီကောင်လေးရှိသည့်ဆေးရုံဆီအသောနှင်မိသည်။

ဆေးရုံရောက်သည်နှင့်လမ်းတလျှောက်မည်သူမျှမမြင်နိုင်အောင်ထိုကောင်လေးကမိမိအားစိုးရိမ်မှုအပြည့်ပေးထားနိုင်သည်။

ကောင်ကလေး၏အခန်းနားသို့အရောက်မှာတင်ဆရာဝန်ကြီးနှင့်သူနာပြုများထွက်လာသည်ကိုမြင်လိုက်ရသည်မို့စိုးရိမ်စိတ်‌တွေကပိုလျှံကာထွက်လာသေးသည်။ အခန်းတံခါးကိုဆွဲဖွင့်လိုက်သည့်စက္ကန့်ပိုင်းလေးအတွင်းမှာတင်မရေမတွက်နိုင်သောသက်ပြင်းများချမိသည်။

သူ၏စိုးရိမ်မှုတွေအစားအံ့ဩမှင်သက်မှုတွေနေရာယူလာသည်။ အကြောင်းမှာလူနာကုတင်ပေါ်ကအဖြူရောင်ပုံရိပ်လေးကပြတင်းပေါက်ကိုကြည့်နေရာမှသူ့ဆီအကြည့်ရောက်လာသောကြောင့်ဖြစ်သည်။