My Bad Boy

Chapter ( 9 )

Unicode

" Cheer!! "

" အဲ့တော့မနက်ဖြန်မင်းကသူနဲ့အတူရှိချင်လို့ငါတို့ကိုဒီနေ့ pre birthday လုပ်လိုက်တယ်ပေါ့ "

နှစ်တိုင်းမွေးနေ့ဆိုလျှင်သူတို့နှင့်သာကုန်ဆုံးတတ်သောသူငယ်ချင်းကယခုတစ်ခြားတစ်ယောက်နှင့်ရှိနေမည်ဆိုသောကြောင့် Jin Wei မကျေနပ်စွာပြောလိုက်ခြင်းပင်။

" နေပါဦး Zhe Han ရဲ့မင်းကသာကြို plan ချနေတာ။ မင်းဆရာဝန်လေးကအလုပ်ရှိနေရင်ဘယ်လိုလုပ်မလဲ "

" မနက်ဖြန်သူ့ပိတ်ရက် "

" မင်းကသိလှချည်လား "

" သူရဲ့အလုပ်ချိန်ဇယားအသစ်ကိုငါကိုယ်တိုင်ဆွဲပေးထားတာလေ။ ငါမသိပဲနေမလား "

" ဪအေးဟုတ်သားပဲ။ မင်းက Zhang Zhe Han ဆိုတာငါမေ့သွားတယ် "

Zhe Han , Miles Wei အားမျက်ခုံးပင့်ပြကာလက်ထဲမှဝီစကီအားမော့ချလိုက်သည်။

" ဘာပဲဖြစ်ဖြစ်ကွာ။ ငါတို့ညအထိအမှောက်သောက်ကြမယ် "

" ညအထိမရဘူး။ ညနေ Jun ကိုသွားကြိုရမယ် "

" ခွေးကောင်မင်းကမလွန်ဘူးလား။ Miles Wei မင်းကြည့်ပြောဦး "

" ဟုတ်သားပဲကွာ။ မင်းဟာကလည်းငါတို့ကိုလည်းအချိန်ပေးပါဦး "

" အခုပေးထားတယ်မဟုတ်ဘူးလား "

" ကျစ်! မင်းမမိုက်ဘူး Zhe Han ရာ "

" သူကားပါသွားတာမဟုတ်ဘူး။ တစ်ယောက်တည်း bus တိုးစီးပြီးပြန်လာရမှာငါစိတ်မချဘူး "

" ဟိုကအရွယ်ရောက်ထားပြီးသားယောက်ျားတစ်ယောက်နော်။ မင်းထက်အကောင်လည်းပိုကြီးတယ်။ ကလေးလိုဆက်ဆံမနေနဲ့ "

အသည်းပိုနေသောသူငယ်ချင်းဖြစ်သူအား Jin Wei မျက်စောင်းထိုးကာပြောလိုက်သည်။ အားချင်းပြိုင်လျှင်တောင်ဟိုတစ်ယောက်ကအနိုင်ရမှာအသိသာကြီးကိုပင်။ အကဲပိုလွန်းသောကောင်။

" မရဘူးကွာ။ မင်းငါတို့နဲ့နေရမယ်။ မင်းဆရာဝန်လေးဆီ Wang Lan ကိုလွှတ်လိုက် "

" ဟုတ်တယ် Zhe Han ။ Wang Lan ကိုသွားကြိုခိုင်းလိုက် "

Zhang Zhe Han ဝီစကီမော့နေရင်းမျက်မှောင်ကြုတ်သွားသည်။ ထိုသကောင့်သားနှစ်ယောက်ဤယနေ့မှဘယ်လိုတွေဖြစ်နေကြသနည်း။