ထိန်းချုပ်မရတဲ့အချစ်မီး

Chapter 2.2

ဒုန်း–

ချီဟွမ့်ကိုယ်လေးတုန်ယင်သွားပြီး ချက်ချင်းပဲမျက်လုံးတွေဖွင့်လိုက်သည်။ ရင်းနှီးနေတဲ့မျက်နှာကြက်ကိုကြည့်လိုက်မိချိန်တွင် သူမရင်ထဲစိတ်သက်သာရာရစွာသက်ပြင်းချလိုက်သည်။

ဒါကသူမအိမ်ပဲ၊ အဲ့ဒါကအိပ်မက်လေးတစ်ခုပါပဲ။

အနည်းငယ်ဖြေသိမ့်ပြီးနောက် ချီဟွမ့်နှလုံးခုန်သံတွေတည်ငြိမ်သွားသည်။ မနေ့ညကကျန်း‌ရော့ရှသူမကို ပြန်ခေါ်‌လာပေးလို့တော်သေးတယ်လို့တွေးရင်း နဖူးကိုပွတ်သပ်လိုက်သည်။ မဟုတ်ရင် ဘာတွေဖြစ်ပျက်သွားမလဲမသိတော့ဘူး။

ချီဟွမ်မျက်ရိုးတွေကိုက်နေကာ ဖြေးညှင်းစွာထထိုင်လိုက်ပြီးနောက် သူမအိပ်ရာဘေးမှလူတစ်ယောက်ရှိနေသည့်အတွက် တောင့်ခဲသွားရသည်။ အင်္ကျီမပါတဲ့ ချွီကျန်းရှန်ကြီးရယ်။

ထိုချက်ချင်းအချိန်အတွင်းမှာပင် ချီဟွမ့်စိတ်သည်ချာလည်လည်နေတဲ့မီးပုံးတစ်လုံးလို အတွေးပေါင်းများစွာဖြတ်သန်းသွားသည်။ အလွန်မအပ်စပ်တဲ့အတွေးတစ်ခုတောင်တွေးလိုက်မိပေမဲ့ သူမကမနေ့ညကဝတ်ထားတဲ့အင်္ကျီကို ဝတ်ထားဆဲဖြစ်သည်မို့ ထိုအတွေးကိုချက်ချင်းပယ်ချလိုက်သည်။

ချီဟွမ့်နှလုံးသားသည်တဒုတ်ဒုတ်ခုန်ပေါက်နေပြီး အထစ်ထစ်အငေါ့ငေါ့နဲ့ချွီကျန့်ရှန်းကိုနှိုးလိုက်သည်။
" ထတော့ ချွီကျန်းရှန်.....နင် ...နင်ဘာလို့ငါ့အိမ်ထဲရောက်နေတာလဲ? ဘာလို့နင့်အင်္ကျီကိုချွတ်ထားလိုက်သေးတာလဲဟဲ့"

ချွီကျန်းရှန်မျက်မှောင်ကျုံ့သွားသည်။ မျက်လုံးတွေဖွင့်လာပြီး အထိတ်တလန့်ဖြစ်နေတဲ့ချီဟွမ့်ကို မြင်သွားပြီးနောက် မထိန်းနိုင်ပဲနှုတ်ခမ်းတွေကော့သွားသည်။
" နိုးပြီလား?"

သူကထိုအချိန်မှထလာပြီး သူ့ရင်ဘတ်ကြွက်သားတွေအောက်မှာ ဗိုက်ကြွက်သားတွေရှိကာ ကြည့်ကောင်းတဲ့six-pack ကအဆုံးမရှိတဲ့ခွန်အားတွေ ပိုင်ဆိုင်ထားပုံရသည်။ အလွန်ကောင်းမွန်လှတဲ့ခန္ဓာကိုယ်ဆိုတာအသိသာကြီးဖြစ်ပေမဲ့ လူတစ်ချို့ကတော့ဒါကိုအသိအမှတ်ပြုဖို့ စိတ်အခြေအနေမှာမရှိဘူး။