ثنيان تنهد وعيونه محدقه في جده: مايردون
الجد ضرب الطاوله بيده بغضب عارم ووقف ناظر لـ ابو ثنيان: امش معي ندور لـ اخوك وولده
ابو ثنيان: يبه م...
قاطعه فتحة الباب ودخلو منه مطلق وابوه
الجد جلس وبسخريه: شرفو عيالي "وسرعان ماغير نبرته بحده" وين كنتو؟ ان شاءلله سويتو شي مصيبه
ابو مطلق مشى وجلس في الكرسي المقابل بكرسي ابوه واردف وبسخريه: لا ابشرك ماسوينا شي
الجد بسخريه: اتمنى
مطلق ببرود: ماسكه ماسكه ولو كلف حياتي
وبعد مانطق اخر كلمه طلع من المكتب وسكر االباب بقوه دليلاً على غضبه المكتوم
عند شادن في الشارع العام
هففت البرقع ليدخل هواء على وجهها بتعب من الشمس الحاره الفت انتباها لوحه مكتوب صالون الأمل وصوره ميك اب مشت بهدوء للمحل قطعت الشارع الاول من شافت خلو المكان من السيارات وقفت على الرصيف تنتظر السيارات يمرون لـ ثواني حتى خلو المكان وقطعته مسرعه من شافت سياره مسرعه تنهدت بخوف من سرعه السياره الجنونيه حمدت ربها انها تزال حيه ضحكت بخفه على تفكيرها واكملت طريقها للمحل صالون الأمل دخلت بهدوء ووزعت انظارها على المحل وكان راقي جداً تعدلت بوقفتها بعد ماكانت منحنيه واقفلت الباب انتبهت للبنت الجالسه على الكرسي وبيدها اوراق مشت لعندها
شادن بهدوء: السلام عليكم
ارفعت نظرها البنت وبهدوء: وعليكم السلام اهلاً؟
شادن بتوتر:اء وين المديره؟
البنت ارفعت راسها وتناظرها من فوق لتحت وارفعت نظرها وحدقت بعيون شادن: المديره مشغوله اذا تبين كلميني انا
استغربت شادن من نظرات البنت وبهدوء: عندكم شغل ابي اشتغل
وقفت البنت وحطت الاوراق على الطاوله وصارت مقابلة شادن تكتفت وبسخريه: قصدك شحاته؟ او منظفه؟
انصدمت شادن من كلامها وهي تشوف لبسها الانيق والي باين غالي اردفت بصدمه: عفواً
ضحكت البنت بخفه: وكمان ماتسمع الحين اقولك روحي قبل لاتجي المديره يعني للاسف المديره ما تقبل مثلكم
شادن شدت على يدها: وش قصدك؟
البنت ناظرت لااظافرها ببرود وغرور: قصدي واضح بس مشكله الفقراء مايفهمون بسرعه
ابعدت يدها واكملت كلامها من شافت شادن ساكته؛: والحين اطلعي برا الصراحه لوثتي المكان
ومن اكملت كلامه ناظرتها من فوق لتحت وضحكت بغرور
خرجت شادن بسرعه والدمعه بعيونها رافضه خروجها بلعت ريقها ومن بلعت ريقها حتى نزلت دمعتها رفعت يدها بسرعه ومسحتها رفعت راسها من شافت امرأة واقفه تناظرها بغرور وقرف دخلت المحل الي خرجت منه ابعدت شادن من المكان ودموعها على خدها ما حست على نفسها الا وهي امام بيتها تنهدت ومسحت دموعها بقوة زفرت بهدوء ودخلت البيت استغربت من عدم وجود شادي بس ما اهتمت ودخلت غرفتها والي هي وامها مشتركين فيها ناظرت بامها بتأمل لـ ثواني وشتت نظرها من دخل شادي الي تفاجئ بوجودها
شادي الي تفاجئ بوجودها: متى جيتي
شادن ونظرها محدق على اخوها: الحين
سكتت لـ ثواني وكملت كلامها: وين كنت؟
شادي شتت نظره عنها: عند خويي
شادن ونظرها مازال على شادي: لاتكذب
شادي ناظرها وحدق بعيونها: عند خويي والحين صدقتي
تنهدت شادن من عرفت انه صادق: مين هذا ماذكر انه عندك خوي
شادي شتت نظره: عندي بس انتي ماتذكرين
سكتت شادن وعطته ضهرها ونزلت عبايتها وهو طلع من الغرفه
في القصر الجد تحديداً بغرفه البنات
انسدحت اديم على السرير ومددت يدها على طولها وكانها بتحتضن احد وانسدحت بجانبها عزوف وحطت راسها على يد اديم الممدوده
ناظرتهم بيادر وهي مكتفه: تدورن وش الحلو في المشكله
ريما ضربت جبهتها بخفه: الناس متوتره وهذي ولاعبالها
بيادر رفعت كتوفها: الصراحه مايستاهل شي نقلق على شانه يعني كذا ولاكذا في النهايه بيمسكونه
عزوف جلست وبسخريه: اي وبعدين اذا مات مطلق ابكي ولطمي وجهك
اديم وسعت عيونها وجلست بسرعه: فال الله ولافالك وشو تدعين على اخوي بالموت
بيادر ضحكت بخفه: وبعدين صدق وش هالفال المفروض تقولي ان شاءالله يمسكه مو كذا
عزوف بعدت يد اديم الي تضربها: وجعع خلاص لاتضربين
اديم رفعت حاجبها: عشان ثاني مره ماتدعين على اخوي
عزوف استغفرت وتدعي انه مايموت
الساعه 7:25 م
عند شادن وشادي
كانت جالسه في الصاله تنتظر شادي يجيب لعبة الشطرنج وبعد دقائق جاء شادي وبيده لعبة الشطرنج جلس بحماس فتح الكرتون العبه بحذر شديد لاتنشق اكثر ارفع راسه من تكلمت شادن وقطعت تركيزه
شادن ببتسامه: محتفظ فيها من سنين
ابتسم شادي وهز راسه؛: اكيد مادامها هديه الغالي
شادن ارفعت يدها سوت حركه التفكير : اعطاك بناسبه ايش؟
شادي ضحك بخفه على حركتها الطفوليه: مافي مناسبه
هزت راسها شادن وتقدمت بحماس ضحكت من استوعبت: لحظه ترا مااعرف العبها
شادي ضحك بقوه: بفهمك بفهمك
ابتسمت له وبدا يعلمها كيف العبه وبدو بلعبتهم ودام لعبتهم لـساعه انسدحت شادن وهي مكشره
شادن مدت بوزها بزعل: مايصير تفوز هذي ثالث مره وانت تفوز
ضحك شادي على زعلها: مشكلتك ماتعرفين تلعبين
شادن جلست بسرعه وتربعت وبغرور اصطناعي: نعم مين قال وترا كنت بفوز بس راحمتك واخليك تفوز
هز راسه شادي بتسليك: اي ادري اصلاً
ضحكت وهو ضحك واكملو لعبهم بحماس
بعد يومين
يوم الجمعه الساعه 2:12م
بقصر الجد
الكل مجتمع في صاله والاصوات المترفعه والضحك العالي
مطلق بصوت جهوري ونظره لـ الجد: يبه بكره الصباح بأذن الله رايحين مكه انا والعيال
الجد هز راسه: الله معكم.. وكم بتجلسون
مطلق: ثلاث ايام
الجد ناظر العيال: مادام انكم بتروحو روحو وشيكو على الشركه الي بمكه
فراس همس لـ عزام: جدي حتى لو رايحين المريخ بيقول شيكو على الشركه
كتم ضحكته عزام وهمس: اهم شي الشركه
ابتعد عنه فراس بعد ماكان منحني ونظر لجده: وش تبسبسون له؟ مو عاجبكم الي اقوله؟
فراس ضحك: افا يالجدو احنا يعجبنا كل شي منك يعجبنا
الجد بنص العين: اي اشوى عبالي بعد
ابتسم له فراس بتسليك وناظر عزام الي يضحك بخفوت
في الجهه الاخرى عند البنات
ابتسمت بحب وهي سرحانه فيه قطعت سرحانه بيادر وهي تهزها: هي بنت
حنين ناظرتها بستغراب: شفيك؟
بيادر رفعت حاجبها: والله ماندري من الي شفيها
ضحكت عزوف: الله يهديك يابيادر قطعتي تأملها بالحب
حنين وسعت عيونها بصدمه: حب وش انتي
عزوف غمزت: ياحبيبتي عبالك مانعرف ترا نعرف بس ساكتين
سكتت بخجل وناظرت بـ اختها: الله اكبر الصغيره تحب وانا "كشت على نفسها" ماغير مالت على حظي
تقدمت اديم بسرعه: سمعت طاري الحب
عزوف هزت راسها بيأس منها: ورا ماتهجدين انتي
اديم بحب: اهخ بس الحب الحب
عزوف وسعت عيونها: يالهوي لايكون انتي كمان
اديم ضحكت بصخب: اي
قربو منها البنات ونطقت بيادر: مين؟
اديم بهمس...
لاتنسونا من تعليقاتكم الحلوه🤍
أنت تقرأ
انك رجاي وقت العُثور تخلي كُل دروبي عَذوبه 💕
Mystery / Thrillerبطله القصه بنت فقيره تتزوج مجبوره بحكم ماعندها بيت تعيش فيه ويكون زواحها باطل لان ماعندها ولي أمرها، وتكون جاهله بأمور الزواج واساسه ولكن في يوم... بطل القصه شخص غني أمه توفت وهو بعمر 3 سنين ولكن يكون موتها مُدبر بحيث يكون أحدى العداء يجي لين بيتها...
