انك رجاي وقت العُثور تخلي كُل دروبي عَذوبه 💕

part: 27

لو جبالٍ من الهموم متكدّسه في جوفك
‏            أذابتها الحنييييييييه !
‏               
‏                  عاشر الحنون
.

.
«المستشفى»
-مطلق-
جالس على الكرسي ومتكتف يناظر لـ شادن الي جالسه على السرير وماسكه يد شادي ولاتبي تفكه او تبعد عنه، تعب منها وهو يحاول فيها تقوم تأكل على الاقل ماتبي من الصباح للحين وهي على لحم بطنها
تنهد بيأس منها وناظر لـ شادي الي مبتسم رفع حاجبه مطلق بمعنى "شفيك" ضحك شادي بخفيف ثمَ اردف: اسف بس شكلك يضحك
قلب عيونه مطلق وابتسم بخفيف من شاف شادن تناظره ومبتسمه اردف: وانتي؟ 
شتت نظرها شادن واردفت: وش انا؟
اردف مطلق برفع حاجب: متى ناويه تأكلين؟  وتبعدين عن اخوك شوي من جيتي وانتي لاصقه فيه ترا يبي يرتاح
توسعت عيونها بصدمه من كلامه ثمَ اردفت بعدم استيعاب: اخوي ولا اخوك؟!
اردف مطلق: اخوك
ناظرته بحده ثمَ اردفت: انزين اسكت
يناظرها وهو مصدوم اول مره تتجرى معه بالكلام مايدري يمكن انها حست ان اخوها معها ولا وش؟
وقف مطلق وناظرها لـ ثواني ثمَ طلع من الغرفه، تنهدت شادن من استوعبت كلامها وناظرت لـ شادي الي اردف: زعلتي زوجك
عقدت حواجبها شادن واردفت: مازعلته وبعدين انا مشتاقه لك المفروض يعرف اني اشتقت لك واخاف انه حلم واصحى وما القيك
ضحك شادي بخفه: للحين شاكه انه حلم
هزت راسها بالايجاب وقرصها شادي بيدها صرخت شادن بخفيف وهي تمسح على مكان القرصه واردف شادي بابتسامه: والحين تاكدتي انه مو حلم
هزت راسها بالايجاب وضحكت ثمَ اردف شادي: قومي راضي زوجك
اردفت شادن  وهي عقدت حواجبها: مازعل قام لانه عنده شغل
هز راسه شادي ثمَ اردف وهو يغمض عيونه: انزين الحين قومي بنام ولابتجلسين تتأمليني
قامت شادن وتكتفت: هذي جزاتي جالسه اهتم فيك وخايفه عليك
ضحك شادي وفتح عيونه: طيب انا ابيك تروحين ترتاحين اكيد ضهرك عورك من الجلسه بدون شي تستندين عليه
هزت راسها شادن بالايجاب وناظرت الكرسي: خلاص انا بجلس بالكرسي
غمض عيونه شادي بتعب من عنادها وشادن اتجهت لـ الكرسي وجلست واخذت جوالها تطقطق عليه
.
الساعه 8:45 م
فتح باب السياره وركب وهو يناظره منزل راسه وايديه على الدركسون، هو انصدم من سرعته لحقه قبل مايسوي بنفسه حادث من سرعته وبشده اقنعه يوقف على جنب
اردف مطلق بهدوء: شفيك؟
صمت دام لـ ثلاث دقائق ثمَ اردف مطلق بشك: حبيبتك ف..
قاطعه غازي من ضحك بسخرية واردف: حبيبتي؟!
عقد حواجبه مطلق واردف غازي: حبيبتي الي تقول عنها معادت حبيبتي صارت حبيبه لغيري
رجع راسه غازي لورا بحيث يستند راسه بكرسيه: حبيبتي الي تقول عنها حبت غيري، علقتني فيها وحبيتها حصلت على مبتغاها وتركتني
غازي بهدوء ونبره حزن: طيب شسويت انا عشان تحب غيري؟ ماقصرت معها بشي ولا غلطت عليها  ومعها ولاسويت لها شي عشان تحب غيري؟
طيب ماقلنا بس انها للحين تكلمني وتكلم هذا الي مايتسمى؟ طيب لييه؟؟
قلت لها  لحظه لاتقولي لي تحبينه مابي اسمعها بس عندت وقالتها
قالتها يامطلق والله قالتها قالت احبه ومااحبك
قلت لها الحب ما كان يستاهل تخونينه قالت يتساهل ومين انت؟ عشان ماتبيني احبه
تدري وش قلت لها في نهايه كلامنا
رفع عيونه لـ السماء من تجمعت الدموع بعيونه واردف بغصه: قلت تذكري القلب الي ضاعت سنينه ضعت وضقت بـ السنين الي احبها وفي النهايه تحب غيري قلت لها حتى لو كانت الذكره تبكيني قالت بكل برود انسى  !! تتوقع بنسى؟
على بالها النسيان سهل عشان تقولي انسى!! من وين تعلمت القساوه القلب!؟
غمض عيونه بقوه وحط اصابع يده بين عيونه وضغط بقوه يوقف الصداع الي داهمه، يحس نفسه مقهور على مشاعره الي راحت لشخص ماتستاهله محسوف على كل كلمه قالها احبك وعلى كل كلمه نطقها بغزل ومشاعريه  !!
توقع انها تحبه وهايمه فيه بس كلع توقعه خايب ولاصاب توقعه!
توه يعرف ويفهم تعذرها بـ مشغوله
اثاريها تكلم غيره
ما تحب تكلمه
تحب غيره
وماتحبه  !!