انك رجاي وقت العُثور تخلي كُل دروبي عَذوبه 💕

part: 24

.
.
والله أن مالي غنى دونك ولا لي دونك /وأنت مرباع الخفوق وغاااية المتمني"
‏.

.
تنهد بخوف من انقبض قلبه رفع عيونه بهدوء لـ امام وسرعان ماصرخ بصوته بـ انتبه.
رفع نظره عارف بسرعه ولف بالسياره بعدم استيعاب وماحس الا بالشاحنه صدمتهم بقوه

مطلق
وقف السياره على جنب ونزل بسرعه وهو يدعي مايكونو هم بس خابت كل اماله من شاف لوحه السياره حق عارف
اتجهه بسرعه لهم وهو يحاول يطلعهم من السياره الي كانت على جنب بحيث يكون مكان شادي على الارض وعارف فوق "ان شاءلله فهمتو"
وساعدوه الرجال الي وقفو من شافو الحادث واحد من الاثنين "موت او نجاه"
وصلت سياره الاسعاف وركبوهم وركب مطلق سيارته ومشى روا الاسعاف
.
.
-
«بيت مطلق»
حطت يدها على قلبها من انقبض فجأه اردفت بخوف: يارب
وكأنها كفيله تعبر الي بداخلها وقفت بسرعه والضيق يجتاح صدرها دخلت الحمام "الله يكرمكم" وطلعت وهي تأخذ السجاده بتصلي ركعتين لعل وعسى يخف الضيق الي بصدرها
ماتدري وش سببه بس الضيقه ماهي غريبه عليها مرتها وجربتها وقت مانهدم بيتهم
صلت وفي نهايه صلاتها سجدت وطالت بسجودها وهي تبكي بقلة حيله وخوف من المستقبل الله اعلم بـ اخوها وينه وش مسويه فيه الدنيا عايش بخير وصحه
اردفت بصوت باكي: استودعتك الله ي شادي بحفظه وراعيته
سلمت من كملت صلاتها سندت ضهرها على الجدار ورجعت راسها لورا غمضت عيونها ودموعها تنزل باريحيه
ماتدري كم الساعه الحين ولاتدري عن مطلق جاء ولا لا اهم شي اخوها ودها تعرف اخباره لـ الصبر حدود وهي صبرها نفذ ولا باقي لها صبر
فتحت عيونها على صوت رساله وقفت فسخت جلالها حق الصلاه ورجعته مكانه وانسدحت على السرير بتجاهل الرساله
.
  « الفجر»
«في المستشفى»
طلع الدكتور المسؤول عن حالة عارف وفز مطلق من لمحه واتجه له بتعب ابتسم الدكتور وكان بابتسامته يطمنه 
اردف الدكتور وهو يربت على كتف مطلق الي يعرفه احق المعرفه، مين مايعرف الضابط: تطمن مابه الا العافيه بس شويه كسور بيده وجبرنا يده وان شاءلله اسبوعين ونفكه
تنهد مطلق بـ ارتياح: الحمدالله، وشادي الي معه بالحادث؟ 
رفع كتوفه الدكتور بعدم معرفه: دكتور سليمان المسؤول عن حالته ومابقدر افيدك بشي
هز راسه مطلق بتمام: عارف متى بيصحى؟
اردف الدكتور وهو يلبس كمامته: اليوم الصباح بأذن الله يكون صاحي ومافيه الا العافيه، قعدتك هنا ماله داعي بتتعب روح نام وارتاح والصباح تعال، واذا عنهم اول مايصحو بتصل عليك ورقمي عندك وانت خابره
هز راسه مطلق واردف بهدوء: تسلم اتصل اول مايصحى واحد فيهم
اردف الدكتور بابتسامه هادئه: ابشر
مشى مطلق وهو يفكر بـ شادن لو عرفت ان اخوها عايش بس بالمستشفى
متردد يقولها او يسكت لما يصحى شادي وبعدها يقرر
.
.
-
الصباح الساعه 8:12
«قصر الجد»
نزلت بيادر من الدرج وهي تحك عيونها بنوم  نيتها تشرب ماء وتطلع تكمل نومها
وسعت عيونها بصدمه وفر النوم من عيونها من سمعت صوته وكان قريب جداً: اهخ يازينك بالبجامه اشتقت لك
ناظرته وكان مقابلها ومبتسم وبدون شعور منها ضربته كف واردف بكره: ياحق. ير
طلعت بسرعه قبل مايستوعب ويلحقها ناظرها بعصبيه وهو حاط يده على خده ويتوعد فيها
شافها وهي نازله وبدون شعور منه قادته رجوله عندها واردف بهيام مايقصد شي ثاني بس هي جابته لنفسها وتتحمل الي بيصير وما اكون مشاري ان ماخليتك تبكين وتترجيني هين هين
.
.
.