"" استغفر الله العظيم واتوب اليه ""
.
.
وقفت ونظرت له بغرور: فلوسك بتوصلك
طلعت وهو يناظر لها بحقد وسرعان ما ابتسم من تذكر انها بتجيب له الفلوس
ركبت السياره وتكتفت واردفت بدلع: خالتو
ابتسمت منى"ام سامي" وهي تأمر السواق بتحرك: هلا بحبيبه قلبي
الجود بخجل مصطنع: ابيك تضبطيني يوم العزومه
ابتسمت ام سامي: ابشري بس هالله هالله بتكشيخ عشان تلفتين نظره
هزت راسها الجود بالايجاب وابتسمت بخفه: ماعليك بخليه يحبني
سكتت لـ ثواني ثمَ اردفت بغيره: مادري وش لاقي فيها لاجمال ولا شي
هزت راسها ام سامي بالايجاب: منعمي عيونه عليك ولا بيشوف الجمال الحقيقي
«المستشفى»
فتح عيونه لـ ثواني ثمَ غمضهم فتحهم مره ثانيه وغمضهم بنزعاج من الضوء عقد حواجبه بألم رجع فتحهم وارمش بتكرار عشان تتوضح له الرؤيه ناظر لـ بياض المكان وصوت الاجهزه الموجوده استغرب المكان الي فيه!!
نظر لـ الدكتور الي دخل وبيده ملفات ابتسم له الدكتور وهو يتقدم منه: الحمدالله على سلامتك شادي
اردف بصعوبه: مويا
عطاه الماء بلل ريقه منعقده حواجبه بالم من جسمه ورجله للحين مااستوعب المكان الي فيه او نقول مستغرب ليه هنا! كم له نايم في هذا المكان
انتبه له الدكتور وتقدم بهدوء: وش الي يعورك؟
اردف بألم: رجلي
هز راسه بالايجاب: طبيعي الحين بتحس بـ اللام رجلك انكسرت بس جبرنها وان شاءلله ماشي شهر الا ونفك الجبس
سكت بهدوء مُريب وش صار له عشان يكون هنا؟!! رفع نظره لـ الباب الي دخل عارف وخالد
عارف وقف بصدمه من شاف صاحبه مفتح عيونه سرعان ماتجمعت الدموع بمحاجره ومشى له بخطوات سريعه وهو يحمد ربه: الحمدالله على سلامتك يااخوي
خالد ابتسم بفرحه: الحمدالله صحيت الحمدالله على سلامتك
ناظر لهم بهدوء وهو يوزع نظره بينهم ثواني ساكت ثمَ اردف: مين انتو؟
ناظرو بعض بصدمه ثمَ ناظر لـ شادي الي يناظرهم بستغراب
اشر على نفسه عارف: نسيتني؟
شادي بهدوء: مين انت؟
هز راسه عارف بنفي وهو مو مصدق ان شادي فقد الذاكره يعني! يعني نساهم خلاص! صحبتهم الي دامت لـ ثلاث سنين ومواقفهم وذمرياتهم كلها راحت!؟
بلع ريقه عارف وهو يحاول يرتب الكلام: ا انا انا
ابتسم شادي له وضحك بخفه: مانسيتكم
عارف بعدم استيعاب: ها؟
نظر لـ خالد الي تقدم من شادي وهو معصب من مقلبه السخيف: اهبل انت طيحت قلوبنا وخفنا عليك وفي نهايه تسوي مقلب انت ووجهك ذا
مسك شعره ويشد عليه بخفيف يعجبه نعومه شعره وكثفه: الواحد يصحى يكون تعبان وانت تمقلب؟!!
ضحك عليه شادي وهو ماسك على بطنه نظر لـ عارف الي واقف ويناظره بهدوء ابتسم شادي: عارف ترا مانسيتك وحافظك زين
استوعب عارف انه كله مقلب وان عارف مانسيهم وللحين متذكرهم
لاشعروياً سجد بفرحه وهو يتمم بـ الحمدالله هو صديقه واخوه يدعي في كل صلاه يصليها
وقف ومسح دمعته ومشى له وسرعان ماتغيرت ملامخه الى العصبيه وضرب كتفه بخفيف: غبي
ضحك شادي بوجع: تراني تعبان وانتو تضربون فيني
خالد عقد حواجبه: تراني ساكت لك ولاسويت الي المفروض اسويه
هز راسه شادي وسكت وهو يفكر اهله وين؟ امه اخته! صار لهم شي! شادن رجعت البيت شافت حاله ولا مارجعت!
شادي بهدوء: ماشفتو الاهل اذا موجودين؟
نظرو ببعض ثواني ثمَ اردف خالد: دورنا لهم بس مالهم اثر
هز راسه عارف: بعد ماجبناك المستشفى رحت انا وبعض رجالنا ندور لهم بس مثل ماقال لك خالد مالهم اثر تحت البيت
دق الباب ودخل الممرض وتقدم من شادي وبدا بشغله
حط يده شادي على عيونه مغمضهم بقوه امه اخته مايدري وينهم؟ المفروض امه تكون موجوده تحت البيت! اجل وين راحت!
وهي في غيبوبه! طاح البيت عليهم وهم موجودين امه مالها اثر!! يعني فيه احد اخذها و اسعفها!!
طلع الممرض واردف الدكتور الي كان من الاول واقف: الحمدلله على سلامتك مره ثانيه وان شاءلله تحصل اهلك
طلع الدكتور من انتهى من كلمته ! نزلت دموع شادي وارتجف شفايفه من كتمانه لـ دموعه ! وينهم ! وين عايشين !
أنت تقرأ
انك رجاي وقت العُثور تخلي كُل دروبي عَذوبه 💕
Misterio / Suspensoبطله القصه بنت فقيره تتزوج مجبوره بحكم ماعندها بيت تعيش فيه ويكون زواحها باطل لان ماعندها ولي أمرها، وتكون جاهله بأمور الزواج واساسه ولكن في يوم... بطل القصه شخص غني أمه توفت وهو بعمر 3 سنين ولكن يكون موتها مُدبر بحيث يكون أحدى العداء يجي لين بيتها...
