ريما بغباء: اي
عزوف بمسك اعصاب: اهخ من البنت هذي
ريما بستغراب: لي..
صرخو بخوف من سمعو صوت نباح الكلب القريب منهم وركضو بخوف وقفو بتعب
شوق بخوف: ليه جيت انا
اديم ناظرت ريما: عطيني جوالك بتصل على سامي
ريما ابتسمت بغباء: مافي رصيد
اديم بعصبيه: اجل ليه شايله جوالك
ريما ببراءه: عشان اصور
عزوف استوعبت : بنات بنصلي ترا اذن المغرب
ريهام وهي متمسكه بحنين: اي والله بس وين نصلي
ريما اشرت على البيت: تعالو نصلي هناك
اديم بتمعن: اتوقع فيه احد
ريما بستغراب: مجنونه؟ وش فيه احد شوفي البيت كيف حاله يرثى له احس بيطيح بكره او بعده متهالك مرره
اديم بتحدي: طيب لو طلع فيه احد وش لي
ريما بثقه وغرور: الي ودك اياه
اديم بثقه: روحي دقي وبتشوفين
ريما راحت للباب سمت بالله ودقت با اقوى ماعندها
عند شادن وشادي
شادن ببتسامه: وكنت تبكي لما بابا يروح تبي تروح معه
شادي ضحك: ابكي
شادن هزت راسها: ايوا وتنجن اذكر لما راح بابا لـ المسجد بكيت تبي تروح معه وانت بزر كان بيأخذك بس ماما رفضت
شادي تربع بأستغراب وابتسامه: ليه
شادن: لانك ك..
قطع عليها صوت دق الباب القوي الي اول مره يدق مثل هالقوه
فز شادي بستغراب مشى متوجهه لـ الباب بس مسكت كتفه شادن بخوف: لاتروح
شادي لف لها بصدمه: وش لاتروح الباب شوي وينكسر بروح اوقف المجنون الي يدق
مشى ومشت معه شادن بخوف
عند البنات
ريما وهي تناظر اديم وهي لسا تدق الباب: شفتـ....
قطع عليها فتحت الباب لفت بستغراب من حست يدها تدق على شي غريب توسعت عيونها بصدمه من شافت قدامها شخص بعدت يدها بسرعه وبتوتر: ااسـ سفه
جاو لها البنات بسرعه وهم يشتمون ريما بداخلهم
شادي استغرب من البنات والي اول مره يشوفهم ناظرهم لـ ثواني وصد: نعم اختي؟
اديم بسرعه: تعرف بقاله قريبه؟
استغرب شادن وهز راسه بـ ايوا ناظرته اديم بأعجاب من ادبه
اديم: والله؟ قول وين مكان
شادي بنخوه: امرو وش تبون وانا اجيب لكم
بيادر هزت راسها بنفي: لا شكرا انت قول واحنا بنروح
شادي استغرب اكثر وعرف انهم مو من ديرته: البقاله بعيده شوي
عزوف بطفش: يا اخوي احنا ضعنا واذا عندكم جوال او تلفون ارضي لان بنتصل على اخونا يجينا
شادي هز راسه بتفهم وابتعد من الباب وناظر اخته الي تناظره بستغراب وهمس لها خليهم يدخلون عندك مده مااجيب جوال علي
هزت راسها بالموافقه وطلت راسها على الباب وبصوتها الهادي: ادخلو حياكم
عزوف همست لـ اديم: بنت ندخل عشان نصلي
هزت راسها بالموافقه ودخلو وهم مستغربين كيف عايشين بهذا البيت؟
البيت جداً حاله يرثى له الشقوق ماليه كل جدار
شادن ابتسمت لهم وبداخلها تدعي ان الماء يكون موجود فهو بين لحظه وثانيه ينقطع: تفضلو "اشارت على الحمام الله يكرمكم" هناك الحمام"الله يكرمكم"
نطقو بهمس بـ تمام وراحت اديم وعزوف دخلت اديم لـ تنتظرها عزوف
عند شادن الي دخلت المطبخ وهي محتاره وش تضيفهم فهم ضيوف ويجب عليها تضيفهم حتى لو بماء انحنت واخذت الكرتون الموجود تحت طاوله صغيره من الخشب رفعتها ووضعته فوقها فتحت الكرتون وناظرت بـ الاكواب الموجوده ارفعت راسها لـ فوق لـ ثواني وانزلتها وعقدت حواجبها وهي تحسب كم منهم حدقت نظرها على الاكواب بعد ماعرفت كم منهم نزلت الاكواب وكان منهم 5 عاد اثنين من وين تجيبها؟ ناظرت بالاكواب حق ايامهم اخذت اثنين ووضعته معهم مشت متجهه لـ الثلاجه فتحتها اخذت قروره الماء الكبيره ابتعدت بعد ماقفلت الثلاجه واتجهت لـ الطاوله الي فيها الاكواب صبت الماء بعد ماانتهت وضعت قروره الماء فوق الطاوله وقفلتها بحكام واخذت صينيه الي فيها الاكواب ومشت متجهه لـ خارج المطبخ ناظرتهم وكانو جالسين في الصاله الصغيره قدمت لهم الماء واجلست بعد مااخذوه
جلست بصمت وهي تناظرهم لـ ثواني ونزلتها ونظرها محدق على اظافرها ارفعت راسها من تكلمت عزوف بفشله: يمكن ازعجناكم
شادن ابتسمت وهزت راسها بنفي: مافي ازعاج
ريما ابتسمت: يمكن انصدمتو من الطق القوي
شادن ضحكت بخفه: الصدق اي لان اول مره ينطق بـ القوه هذي
ريما بغرور مصطنع: احم يعني اني قويه فديتني
بيادر قلبت عيونها بسخريه: مره تصدقين من قوتك ماقدرتي تكسري الحطب وقت ما..
ريما بصرخه: بيادروه وجع لازم تفضحين
بيادر ناظرتها بنص العين: اي عشان ماتغترين بنفسك
اديم بفشله منهم وبهمس: بنات وجع ترانا مو ببيتنا
شوق بقرف من المكان: ياربي متى يجي سامي ونروح
شادن ناظرتها بهدوء وباين انها قرفانه شتت نظرها من تكلمت عزوف
عزوف برفع حاجب: شوق شرايك تنطمين
شوق بقرف وبتحدي: ووع وش ذا ال..
قاطعها صرخه ريهام الي اول مره تتعصب: بنت احمدي ربك انه احنا في بيت مو بشارع مثل المتشردين
اديم هزت راسها وهي متفشله من اختها: ماعليك منها الا قولي وش اسمك؟
شادن بلعت ريقها وببتسامه: شادن وانتو
ريما بحماس: انا بعرفك عليهم
اديم بمسك اعصاب: اعتقد كل معها لسان وتقدر تتكلم
ريما بتجاهل وهي تعرفها عليهم: واخيراً انا ريما الحبوبه الطيوبه
ابتسمت شادن: تشرفت فيكم
سكتت لـ ثواني واردفت بفضول: امم انتو مو من هنا صح
حنين هزت راسها بالاجابه: يب يب احنا عايشين بوسط المدينه
اديم تربعت بعد ماكانت جالسه جلسه مايله: يمكن تسمعين بـ عائله ال عزيز؟
شادن عقدت حواجبها بتفكير: الصدق ماسمعت
شوق بغرور: مستغربه ماتسمعين العائله هذي غنيه حبيبتي لاتستحين اذا ت..
اديم بعصبيه: شوق يكفي
لفت لـ شادن: ماعليك منها تقط كلام لقد تكون خايفه
عضت شفايفها من العذر الي قالته ناظرت شادن الي ابتسمت لها ونطقت بـ عادي
بيادر بتغيير الجو: ماشاءالله انتي طبعك هادي
شادن ابتسمت لـها: الصدق لا بس فيني شوي طبع هادي
ريما بجزم: اجزم لكم بان جدتي بتحبها وبتنتقدنا
ضحكت شادن بخفه واستغراب: ليه
ريما ابتسمت ابتسامه واسعه: لان احنا مزعجين بشكل مو طبيعي
ريهام بزعل: لاتنضميني معكم انا هاديه
ريما ناظرتها: طبعاً بستثناك انتي والقليل من الحنين
ضحكو على كلامها
وقفت شادن من سمعت طق الباب تكلمت وهي متجهه للباب: يمكن شادي جاء
فتحت الباب ناظرت بـ شادي: جبت الجوال؟
شادي هز راسه بـ نعم وعطها اياه: بسرعه لان علي شوي وبيوصل
توسعت عيونها: شليته بدون اذنه
شادي هز راسه بنفي بسرعه: طبعاً لا بس هو قال لي اذا وصلت لك جب الجوال
هزت راسها شادن ودخلت وعطت اديم الجوال: تفضلي
اديم بورطه: بنات انا مابكلمه
بيادر بصدمه: كيف مابتكلمينه
اديم بخوف: بيعصب
عزوف بصدمه منها: يعصب صح بس مو مثل عصبيه مطلق عاد احمدي ربك انه موموجود
سمت بالله اديم واتصلت على رقمه ثواني ورد
سامي بصوت جهوري: الو
اديم بخبث من طرت ببالها فكره وبتنعيم صوتها: الو الدكتور سامي؟
استغرب سامي من الصوت الناعم: اي اختي امري
اديم وهي كاتمه الضحكه: ممكن تجي على هالعنوان لان ابيك ضروري
سامي بصدمه: نعم مين انتي؟
اديم بصوتها الطبيعي: سامي برسل لك الوكيشن وتعال بسرعه
قفلت الخط بوجهه وارسلت له الوكيشن ووابتسمت لـ شادن وهي تعطيها الجوال: شكراً
شادن ردت لها الابتسامه: ولو حبيبتي
ابتعدت شادن وراحت تعطي الجوال شادي الي ينتظرها
اديم برجفه: احس سامي قدامي وعيونه معصبه
ضحكو على خوفها منه
أنت تقرأ
انك رجاي وقت العُثور تخلي كُل دروبي عَذوبه 💕
Mystery / Thrillerبطله القصه بنت فقيره تتزوج مجبوره بحكم ماعندها بيت تعيش فيه ويكون زواحها باطل لان ماعندها ولي أمرها، وتكون جاهله بأمور الزواج واساسه ولكن في يوم... بطل القصه شخص غني أمه توفت وهو بعمر 3 سنين ولكن يكون موتها مُدبر بحيث يكون أحدى العداء يجي لين بيتها...
