بعد ساعه وصل سامي واستغرب من المكان رفع الجوال واتصل على الرقم الي اتصلت منه اديم ثواني وردت اديم بعد ماعطتها شادن الجوال وهي توصف له المكان الي هم فيه دقائق ووصل واستغرب من العيال الي واقفين وباين انهم ماتعدور العمر العشرون تقدم منه شادي وسلم عليه
شادي: معي سامي ال عزيز؟
سامي ابتسم من تربية الولد: نعم وصلت مين معي؟
شادي ببتسامه: معك شادي ال عليان
ابتسم له سامي واسم القبيله مو غريبه عليه ناظر بـ البنات الي نزلو وكل وحده تتحاشى النظر له لما ركبو كلهم وفي القدام جلست ريما
سامي ابعد نظره عنهم وهو ماسك اعصابه بعد ماعرف انهم ضيعو واستقبلوهم عائلته: جزاك الله خير
شادي. حدق بعيونه: وجزاك بمثله
ابتسم له ومشى متوجهه لـ سياره وهو يهز راسه يتوعد فيهم بداخله
ركب السياره وحرك السياره بهدوء
ريما تناظره بين ثانيه وثانيه انتبه لها سامي وناظرها بنص العين: خير تناظرين
ريما بلعت ريقها بخوف: ولاشي
سامي بعصبيه مفاجئه: ليه جاين هنا؟ وتتصلون علي بدون لاتعلموني السالفه رايح مثل الاطرش في الزفه مادري شسالفه
اديم بلعت ريقها: خلاص هد والحين عرفت
سامي بسخريه ونظره محدق لطريق: لا احلفي"وبصراخ" مين الي سمح لكم تروحون
شوق بعصبيه: نعم لاتصرخ والعائله كلها تعرف انه رايحين
سامي بعصبيه اكثر: ليتكم رايحين مع السواق او تقولون لي والله تبشرون مو لحالكم ومشي ماتخافون انتم؟
اديم تهمس لـ ريهام بخوف: سكتيه
ريهام توسعت عيونها بصدمه: شدخلني انا
اديم: يمكن يسمع لوحده فيكم
ريهام بلعت ريقها وبتوتر: خـ خلاص سامي حصل خير وان شاءلله مانطلع لحالنا
سامي بهدوء مو كان الي معصب: اشوفكم تخرجون لحالكم والله لااعلم اخوانكم
بيادر بطقه ميانه: يوه ياولد الخال لاتصير نذل ترا اخر مره وتلعمنا من الدرس
سامي هز راسه وسكتت وخيم الصمت عليهم
عند شادن وشادي
دخل شادي بعد ماراحو وجلس في الصاله ينتظر شادن تجي من المطبخ
دقايق وجات وجلست مقابله
شادي بدون مقدمات: شقالو لك
شادن عقدت حواجبها ونطق شادي يعدل كلمته: اقصد ماضايقوك بالكلام
شادن ابتسمت: لا والله ياحليلهم انبسطت معهم
شادي ابتسم: روحي لهم
شادن بتفكير: امم شادي تعرف عائله ال عزيز
شادن هز راسه بالايجاب: يب ناس ماشاءالله اغنياء ومرتاحين جاء اخوهم ومعه سياره اخر الاصدار
ابتسمت شادن: وان شاءلله تكون معك سياره اخر الاصدار
ابتسم لها شادي: ان شاءلله
بعد ثلاث ايام يوم مجي العيال من مكه
العصر في القصر الجد تحديداً الصاله
دخلو العيال وسلمو على الجد والجده والكل راح يسلم على امه وابوه
جلسو بعد ماانتهو من السلام
قدمت لهم الشغاله القهوه والحلا الموجود وابتعدت
الجد ببتسامه تمليه التجاعيد بسبب كبر سنه: الحمدالله على سلامتكم
ابتسمو له ونطقو بـ الله يسلمك
الجد ناظر بـ مطلق: كيف امور الشركه
مطلق نزل فنجان القهوة على الطاوله: الحمدلله ماشيه على ماتبي
ناظر لـ سامي: وش صار بغيابنا
البنات بلعو ريقهم بخوف وهم يناظرون بعض
سامي ببتسامه بعد مالمح نظره الخوف: ماصار شي
تنهدو براحه من سمعو اجابته
بيادر بصمت ونطقت بعد ماتاكدت: بنات مو كانه صوت رعد؟
ريما صرخت بحماس: واه زمان عن المطر ان شاءلله تمطر قويه
سكتو كلهم من صوت الرعد القوي
تمتمو بـ ماشاءالله و لا اله الا الله
بيادر بفرح: مطر اشم ريحه مطر
ريما فزت تركض للـ حوش ولحقوها البنات وقفو من شافو طشوش وهم مبسوطين
أنت تقرأ
انك رجاي وقت العُثور تخلي كُل دروبي عَذوبه 💕
Mystery / Thrillerبطله القصه بنت فقيره تتزوج مجبوره بحكم ماعندها بيت تعيش فيه ويكون زواحها باطل لان ماعندها ولي أمرها، وتكون جاهله بأمور الزواج واساسه ولكن في يوم... بطل القصه شخص غني أمه توفت وهو بعمر 3 سنين ولكن يكون موتها مُدبر بحيث يكون أحدى العداء يجي لين بيتها...
