هزت راسها وطلعت من الغرفه ونزلت ورا الشغاله بسبب انها ماتدل المكان
تتامل تصميم البيت وكان تصميمه راقي وحلو وبروده المكان مستغربه من وين يجي البرود رفعت راسها وهي تتامل الديكور السقف دخلت لـ غرفه الطعام نظرت لـ طاوله الي تتسع لـ 6 اشخاص
استقرت عيونها عليه وكان يأكل بهدوء حست بتوتر وتقدمت لـ الكرسي وجلست بهدوء
مطلق حط المعلقه ونظرها استغرب من طرحتها الي على شعرها اول فكره جات في باله انها تعتقد في احد غريب اردف ببرود: مافي احد غريب هنا
هزت راسها بالايجاب وهي ماتدري وش يقصد
مطلق ببرود: العصر رايحين لـ اهلي
سكتت هي بتدخل على ناس غرباء اول مره تشوفهم ماتدري وش اسلوبهم وتعاملهم
مستغربه انه العزاء مابدا وماحد جاء يعزي معقول معقول مو عارفين الناس انها هنا؟
او مااعلنو الخبر انه العزاء بيكون ببيته؟
رفعت راسها من ادرف ببرود: بكره العزاء عشان اهلي يعرفون بالموضوع ويقومون الواجب
العصر في قصر ابو مطلق
كانو الكل مجتمعين في الصاله وصوت همسات البنات
بيادر بـ نعاس: والله لو مجمعنا على شي تافه او كلمتين لا امسك رقبته
اديم ضربت كتفها بخفيف: مابسمح لك ياروحي
عزوف قربت منهم: مطلق مايجمع نحنا أبداً فااكيد عنده شي كاايد
بيادر غمضت عيونها واسندت راسها بالكنبه وهي تهمس بنعاس: الله يستر عليه ومنه
مطلق، شادن
وقف السياره امام القصر ونظر لـ شادن من المرايه الي قدام تتامل المكان بصدمه المكان مو غريب عليها
نزل مطلق وطلب منها الخروج قفل السياره بعد ماخرجت ونظرها عباتها وحشمتها رفضت تشتري عبايه كتف واصرت على العبايه ابو راس "مادري شسمها" ونقابها الي مايبان منه الا عيونها الي جذبته يلمح نظره الصدمه و"الاعجاب"تتامل كل شي بدقه وتركيز مانتبه لـ فمها الي مفتوح شوي من جمال المكان
انتبهت له ونظرته بفهاوه
مطلق ابتسم بسخريه: خلثتي تأمل؟ نقدر ندخل الحين؟
شتت نظرها بخجل ولمحت نبره السخريه
مشت وراه وهي توسع خطواتها بسبب مشيته السريعه
وقف السياره في المكان الي يوقفونه دايم
اردف بترقب: بيجي هو صح
هز راسه بالايجاب: اي قال انه العصر بيجي لـ هذا المكان
سند ضهره على كرسي السياره:تمام
نص ساعه وهم ينتظرونه استغربو تأخره
اردف بـ ملل: عارف شفيه ماجاء
عارف رفع كتوفه بعدم معرفه: مادري يمكن نسى
خالد فتح الباب السياره: خلاص بنروح له احنا
خرجو من السياره وعارف قفل السياره ومشو متجهين لـ بيته
اردف خالد: تعرف بيته؟
عارف هز راسه بـ نعم: يب يب مره وصلته لـ بيته
وصلو المكان المقصود واستغربو من البيت المهدوم
عارف بتذكير: ياخالد هنا البيت هو بس وينه؟
خالد تكتف: تذكر تذكر وين بيته
عارف وهو يحاول يتذكر: والله هنا وقفت هنا
وهو ياشر على المكان الواقفين فيه
كمل كلامه وهو مستغرب: ونزل ومشى لـ هذا البيت
اشر على البيت المهدوم
خالد قرب من البيت وهي يتامله: متاكد
عارف هز راسه: ايوا متاكد
خالد بستيعاب خاطئ: النذل هدمو بيتهم وراحو لبيت ثاني ولا قال انا!!
عارف اردف بزعل: نسى انه عنده اصحاب مايقول لهم
خالد تنهد: ياحسافه امش امش نروح
مشو ببطئ وهم يسمعون صوت انين
لف خالد لـ عارف: تسمع؟
هز راسه ولف ونظر لـ البيت بتركيز: تتوقع جني؟
خالد رفع كتوفه: مادري بس بنروح نشوف
مشو لـ البيت والصوت يرتفع لما وصلو للبيت وصوت الانين واضح لهم
خالد اشر على طرف البيت: من هنا يجي الصوت تعال بنرفع الطوبه
تقدم عارف وبدو يرفعون لما وضح لهم يد
صرخ عارف بخوف: ياولد يد يد
خالد وهو مايبي يصدق الي جاء في باله بلع ريقه: ارفع ارفع
رفعو الجدار الطايح بصعوبه واتشجنت اطرافهم من الصدمه
عارف بعدم اسيعاب: اخوي
خالد نزل نفسه لـ شادي وهو يهزه بخفيف: شادي شادي
انقطع صوت انينه وصرخ خالد بخوف على صديقه: شادي ررد شادي
عارف نزلت دموعه وصد: وش جرى لك يااخوي؟
خالد وهو للحين مستمر يناديه: شادي اصحى شاادي
مرت ذكرياته معه وضحكاتهم ومزحهم ولا مره يبين لهم انه حزين او ضايق دايم يبين لهم العكس والحين.. والحين حاله ميؤس منه الدماء ماليته جروح فيه البعض عميق والبعض سطحي قرب من خويه وصديق دربه تعرف عليه وهو بالعمر 13 وحبه كل مايشوفهم يبتسم مابدا شافه مكشر
نزل نفسه ماهتم لـ ثوبه الابيض ولا لـ شماغه الي طاح مااهتم انه بيمتلي تراب ولا اهتم انه بيرجع وسخان
اهم ماعنده صديقه واخوه صداقتهم تعدت مرحله الصداقه وصارو مثل الاخوان ينادون بعض اخوي! يحبه حب اخو لـ اخوه يحبه حب صديق لـ صديقه يحبه حب ولد العم لـ ولد العم مايرضى احد يغلط عليه
مسح دمعته بقوه واردف بغصه: اخوي شادي
نزلت دموعه مره ثانيه وهو يبلع ريقه بصعوبه مسح الدم من وجه شادي بطرف اكمام ثوبه: اخوي شادي
انتبه لـ الخشب الي فوق رجوله وقف بسرعه يبعده وهو يردف: بيعوره خشب ثقيل بيتعب رجوله
ماقدر يرفعه شوي رغم انه شبه ثقيل بسبب همل جسده
صرخ بعجز وتشوشت عيونه بسبب الدموع المليه محاجره
وقفت خالد ومشى له بسرعه يساعده رفعوه بصعوبه
لف عارف لـ خالد ومسح دمعته واردف بغصه: بناخذه للمسشتفى بسرعه
خالد بضعف: ماقدر
عارف عصب منه وتقدم وضرب راسه بخفيف: مو وقت الضعف مو وقتهه ساعدني
مشى خالد بعدم حيله وهم يرفعون شادي المليان دماء ولحسن حضهم السياره قريبه
دخلوه السياره وجلس خالد عنده حط راس شادي فوق رجوله واسرع عارف وركب وحرك بسرعه جنونيه
أنت تقرأ
انك رجاي وقت العُثور تخلي كُل دروبي عَذوبه 💕
Mystery / Thrillerبطله القصه بنت فقيره تتزوج مجبوره بحكم ماعندها بيت تعيش فيه ويكون زواحها باطل لان ماعندها ولي أمرها، وتكون جاهله بأمور الزواج واساسه ولكن في يوم... بطل القصه شخص غني أمه توفت وهو بعمر 3 سنين ولكن يكون موتها مُدبر بحيث يكون أحدى العداء يجي لين بيتها...
