~بَـيْـن أَيْـدي الـنُـخْـبَـة الـحَـاكِـمــة 🖤
#365_days_in_men's_prison ⚰️
Part...7🖋️#Sya_blm
نوح .. صباح النور
نجمة حطات الخبز فالطبلة و قربات باستو مبتاسمة .. صباح الخير ، كي صبحتي ؟
نوح جرها معنقها عندو .. ملي نتي حدايا راني بيخير
نجمة ضكات .. هههه زيد تفطر
نوح .. انا مرييض وكليني
نجمة .. امممم تيقتك ههههه زيد تفطر
جلس و جرها جلسات حداه.. خوات ليه قهوة و هيا خدات أتاي و بداو ياكلو..
نوح .. ماكيبانش ليك راه وصل الوقت ؟
نجمة باستغراب .. ديالاش ؟
نوح .. باش نمشيو عند واليديك ، بجوجنا !
نجمة بلعات ريقها .. م ماعرفتش ، نتا عارف جدي
نوح بجدية .. حتى لإيمتا غا نبقاو هاكا ؟ 7 شهور و حنا مزوجين كدوزي معايا شهر و تغبري عليا سيمانة ! العطلة قريبة و غاتجلسي من القراية 3 شهور و خاصك تمشي لداركم ، فنظرك أنا غانقدر نصبر و مرتي بعيدة عليا 3 شهور كاملة ؟ {شد يديها} نجمة ، جا الوقت لي نمشيو و تواجهي جدك ، ماغنبقاوش حياتنا كاملة و حنا مخبيين زواجنا حيت ضروري غايجي نهار و يبان فيه كلشي
نجمة تنهدت .. يكون خير
تبسم و ناض باسها و مشا للفوق.. شعل تيل و صونا على داك الرقم.. ثواني تحل الخط.. و حوارهم كان بالإيطالية..
نوح .. اشنو ؟
_خاصك تجي
نوح .. علاش ؟
_خوتنا مابغاوش يهناو ، شوف شي وقيت طلع سوس الزمر كامل و لوح كلشي وراك ومن بعد رجع كمل حياتك مرتاح
نوح تنهد .. سردار ؟
_بأسف .. 3 أيام باش تحرقات الفلوكة و غدا غتكون جنازتو
نوح زهر عينيه و مسح وجهو .. رد البال للبقية مابقيتش باغي نسمع شي واحد مات تاني و ماتصونيش عليا تانصوني انا
_ تهلا
قطع و جلس فوق السرير شاد راسو.. جبد كينة دارها ففمو و ناض يهز الماء.. ياله بغا يشرب سمع شي حاجة تهرسات اللتحت.. قفز من بلاصتوو و نزل تايجري.. ملقاهاش فالكوزينة من غير طبسيل مهرس فالأرض
نوح بهلع .. نجمة ! نجمااااااا
قرقبات فالباب دطواليط و مشا تيجري عندها.. لقاها جالسة فالأرض تتقيا ، نزل على ركابيه شد ليها راسها و هي تترد و النفس تتقطع فيها..
نوضها بشوية فاش كملات و غسلات فمها و وجهها تتنهج.. هزها و داها للصالون و جلس حداها..
نوح .. مالكي ؟ شنو وقع ليك ؟؟
أنت تقرأ
365 يوم في سجن الرجال (في طور الكتابة)
Hành động#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
