|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...39
زهرة .. صاف هانا ساكتة
أنطونيو .. بدون سابق انذار بدلات شكلها.. حسنات شعرها و ولات كتهضر و تلبس بحال الولاد ، عمرات داتها بالوشام .. من بعيد كتبان ولد ولكن لاقربتي غتعرفها بنت .. و فديك الفترة كان هوا فالحبس و فاش خرج لقاها هكاك تصدم .. فالأول ظنات أنه غايفرح بيها لكن وقع العكس... عاد ما زاد حقد و كفر .. ولا يتعامل مع البنات لآخرين مزيان و هي كرهها فعيشتها..
سكت شوية كياخد أكبر قدر ممكن من الأكسجين حيت نفسو ضاقت بيه.. عاد كمل..
أنطونيو .. فواحد النهار كفس من الأيام لي دازو .. كانت ناعسة حدايا حيت الغد عيد ميلادها {ابتسم بحزن} كانت كتبغي تبدا سنتها الجديدة بوجهي هه ، قبل ما ننعسو قالت ليا بشوية "واش غاتكون ديما فجنبي و تحميني من كلشي" ؟
- جاني سؤالها غريب فديك اللحظة.. بديت كنضحك و قلت ليها أنا أصلا ديما فجنبك و عمرني نخليك {تنهد و كمل} فوسط الليل سمعت تخرشيش فالبيت .. حليت عيني و بان ليا الواليد خارج ، ماعرفتش اش جابو عندنا حيت ماموالفاش ليه.. لكن ما عطيتش للأمر أهمية و شفت فيها عاطياني بالظهر .. جريت عليها الغطا و رجعت نعست... لكن فالصباح ملي فقت و حركتها كانت جامدة.. باردة كأنها بايتة وسط الثلج.. رديت البال للدم لي كان فحوايحي و منيين هزيت الغطا عليها لقيتها غارقة فدمها..
هز راسه للفوق مغمض عينيه بألم ، بلع ريقها بصعوبة عاد كمل هضرتو...
- فالوقت لي دخل الواليد فليل ضربها بقرطاسة جهة قلبها.. ماسمعتش صوتها حيت كان داير كاتم الصوت ، و مشا كمل بخواتاتي لآخرين بنفس الطريقة..!
زهرة .. شنو وقع من بعد ؟
أنطونيو .. الوليدة غرقات راسها فالجاكوزي و هو تحكم ب 4 سنين و الإ.عدام ، يعني حتى دوز 4 سنين عاد يتعد.م ولكن ما قدرش يصبر و طبقو على راسو قبل الوقت ..
شاف فيها مبتسم ابتسامة باهتة و كمل .. هادشي علاش حطيتك بلاصتها و قطعت عهد على نفسي باش نحميك و نوفر أكثر جو آمن غانقدر عليه
#يتبع..
|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...40
تعقد لسانها و ما مالقات ما تݣول ليه.. من غير أنها تشد يديه و تطوير عليها كنوع من المواسات.. بعض الناس لي كنتلاقاوهم فحياتنا اليومية كناخدو عليهم أحكام مسبقة .. و هادشي لي وقع معاهم بجوج .. هي شافتو داك الشخص المعقد ، متوحد و مستفز و هو شافها داك الولد الغبي ، متحو.ل و فيه غير المشاكل...
أنت تقرأ
365 يوم في سجن الرجال (في طور الكتابة)
Acción#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
