بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...62
خرج من تما و ضور وجهو جهة داك الباب الحديدي لي فالقنت و قدامو الحراس بربعة... طول فيهم الشوفة تا خرج عندو ثاندر و تحركو من تما لزنزانتهم .. و هوما فالطريق خضر ثاندر و عينيه كيشوفو فالفراغ...
ثاندر .. عندي ليك شي هضرة
الكاپو .. ماشي دابا ، راسي غايتفرݣع
ثاندر .. خاصني نهضر معاك على هاد خونا لي جا ليوم
الكاپو وقف و شاف فيه .. عندي أمور أهم منو دابا !! جيب ريو و تبعني للدوش
تحرك و خلاه واقف متبع ليه العين .. قطب حجبانو و ياله ضار بان ليه ريو واقف مع شي واحد آخر كيضحكو.. عيط ليه بجهد تا تخلع و جا عندو كيجري..
مشاو بجوج للدوش نيشان ما كيتلفتو لا هنا لا لهيه.. دخل ريو هو الأول ، ياله بغا يدخل ثاندر بانت ليه زهرة بعكازها واقفة قدام الباب كضور عينيها و استكشف المكان .. بقا مقوس عليها بعينيه تا شافت فيه بعفوية .. خنزر فيها و دخل بحالو تاهوا خلاها غا كترمش ما فاهمة والو ...
مشا نيشان للطواليط الخامسة و ليجات الوسط .. فليمن كاينين تسعة الطواليطات ، و الجهة اليسرى كاينين تسعة الدوشات ببيبان قصار من الفوق و التحت .. يعني لي دخل للدوش كيبانو رجليه حد الركبة و الفوق من راسو تال النص فكرشو من غير لاكان لي داخل طول بزاف ولا قصييير...
عاد الوسط لي فارق بيناتهم كراسا من السيما و الحديد لاصقين فالأرض ... لافابووات تاهوما تسعود مقابلين مع الباب نيشان..
حل الطواليط الخامسة ولي جات الوسط و لقا ريو داخل فيها .. جالس على ركابيه النص الفوقاني ديال الطواليط محطوط فالأرض.. حداه واحد الپلاكة كبيرة شوية قد العرض ديال الحفرة باللون ديال الحيط لي كان بيض.. شاد فيديه حديدة صغيرة و رقيقة فحال الموس كيحفر الحيط بشوية...
كيحاول ميخليش التراب يطيح فالأرض .. داير يديه لتحت لي طاحت كيلوحها فلاساش .. خرج من تما و مشا للطواليط اللخرة لقا الكاپو حاط قدامو بواسطة صغيرة و كيفتخ الجوانات..
هز ديك اللعيبة لي وسط الحشيش مدݣوݣ و صغر فيها عينيه .. لي شافها المرة اللولة كتبان فحال الكيف ...لاكن لاحققتي فيها مزيان غاتعرفها حاجة أخرى...
جبد من جيبو زوج ساشيات صغار .. وحدة فيها غبرة بيضة و لاخرة فيها البارود و حطهم ليهم قداموو .. ابتسم الكاپو و كمل داكشي لي كان بادي بلاما ينطق بـ حتى كلمة.
#يتبع...
|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...63
أنت تقرأ
365 يوم في سجن الرجال (في طور الكتابة)
Acción#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
