~بَـيْـن أَيْـدي الـنُـخْـبَـة الـحَـاكِـمــة 🖤
#365_days_in_men's_prison ⚰️
Part...13🖋️#Sya_blm
نوح بخنقة .. سمحي ليا
بابتسامة جاوباته .. ماتقولش هاكدا
قرب باس جبهتها و قال .. واش متأكدة من هادشي ؟
نجمة .. اه متأكدة ، أصلا دازو دابا شهرين .. و فبلاصة منبقا بوحدي حسن نمشي عندهم و دابا بايكون بـا برد شوية على قبل {قربات حداه معنقاه} و أصلا نتا ماغتعطلش بزاف كلها شهر و غترجع
بادلها العناق مزير عليها.. أفكار سوداوية كضور وسط دماغه.. و أحاسيس خايبة ضربات فأعماق قلبه.. و ها قد دق ناقوس الخطر....
بلع ريقه بغصة و قال .. ولا قل من شهر ݣاع بغيت نحضر للولادة دبنتي
هزات راسها كتشوف فيه مبتاسمة و قالت .. شنو انسميوها ؟
نوح باسها وسط عينيها .. #زهرة
عنقاته مرة أخرى كتضحك فرحانة .. و فنفس الوقت خايفة شوية .. هوا غيسافر برا البلاد فالباطو .. معرفاتش شحال ديال الوقت بضبط غياخد باش يوصل.. فرحانة حيت غايمشي يفسخ العقد ديالو مع واحد الشركة مختصة #فصناعة_المحركات_ديال_البواخر حيت بغا يكمل حياتو فالمغرب.. و فنفس الوقت خايفة .. احساس غريب اجتاحها من نهار هضر ليها على السفر .. يمكن مع الحمل .. خصوصا و هي فأشهرها الأخيرة.. مزال ليها شهر و نص تقريبا على موعد الولادة..
فهاد المدة لي غيغيب فيها نوح فضلات ترجع لدارهم .. خصوصا أنها هضرات مع مها و قالت ليها راه مبرد دابا.. لذلك بان ليها الوقت المناسب تهضر مع جدها بخاطرها بلاما تخاف يتدخل نوح و توقع شي حاجة... و كيفما كان الحال كتبقا بنتو.. و النجمة لي مضوية دارو...
وصلات نجمة الدوار و من بعيد لمحات مصطفى واقف مع صحابو تاني.. قربات شوية لجهتهم و قبل ما تعيط تلفت بالصدفة و لمحها.. تنهد بشوية و قرب عندها.. ملامحه شيئا ما حزينة.. لكن هي ما دات ما جابت.. تبسمات ليه بحياء و خدا من عندها الصاك يحطو فالكوفر..
مصطفى بهدوء .. مبروك عليك الله يفك وحايلك على خير
ابتسمت و قالت ...امين ياربي العقبة ليك ، شكرا
تبسم بحزن و قال .. لا لا بعدت على الزواج و مايجي منو
بمزاح جوباته .. أنا نوقف على عرسك يا خويا نتا غير ختار هههه
تبسم ليها الهوا و قال .. يكون خير ان شاء الله.. حتى يتفك هاد المشكل لي عندنا بعدا ...
نجمة .. اش واقع ياك لاباس ؟
#يتبع.....
~بَـيْـن أَيْـدي الـنُـخْـبَـة الـحَـاكِـمــة 🖤
#365_days_in_men's_prison ⚰️
Part...14🖋️#Sya_blm
أنت تقرأ
365 يوم في سجن الرجال (في طور الكتابة)
Aksi#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
