365 يوم في سجن الرجال (في طور الكتابة)

part .. 10,11,12

~بَـيْـن أَيْـدي الـنُـخْـبَـة الـحَـاكِـمــة 🖤
#365_days_in_men's_prison ⁦⚰️⁩
                               Part...10🖋️⁩#Sya_blm

_الله يهديك الحاج نعل الشيطان

خرج فيها عينيه و كشاكشو خارجين .. الشيطااااان هوا بنااادم ، و هاديك الكلبة آخر مرة تعاود تدخل عندي للدار ، ماهي بنتي مانا جدها تمشي تعطيني التيساع هي و داك الخانز تاعها

عبد الله قرب حداه .. با الله يهديك ما تݣولش هاكا راه غا...

قبل ما يكمل كلامو دفعو الحاج تا كان غيطيح .. سككتتت نتااا مانسمعكش .. تصحابني طايح على راسي حمااار أنا بالودنين ماجااايب للدنيااا خباااار ياااااك ، وصلااااتني الهضرة و شافوكوم خارجين من عند لعدوول و كدبته..

قاطعاتو الكحبة و شد قلبو كيكح بجهدو كامل.. تزنݣ و كشكوشتو خارجة من جناب فمو .. سكت كينهج و مرة مرة كتطلع ليه الكحبة سخفان و النفس تقطعات فيه.. شدوه ولادو بزز و هو كيتنطر منهم تا ݣلسوه فالصالة .. جابت ليه حبيبة كاس دالما شربو و سكت شوية يرجع النفس .. مرة مرة تفلت ليه دمعة و يمسحها ماراضييش على حالتو... أما الحاجة على سبة دغيا سخفات و تعاونو عليها ولادها طلعوها الفوق تكاوها.. هي ديجا مريضة و صحتها على قد الحال .. و كانو خايفين عليها هي كثر من الحاج...

دازت ليلة كحلة عليهم كاملين.. كل واحد شاد بلاصتو كيخمم و تاحد ما زارو النعاس كيخممو فهاد المشكلة لي وقعات.. أما نجمة لي فنص الطريق جاتها إيموراجي و داها نوح للسبيطار دوزات فيه يوماين كاملة ولكن خرجات طريفة.. بدون أضرار على صحة الجنين .. خرجات ليها طبيبة شي دوايات و فيتامينات تشربهم و وصاتها باش تاخد أكبر قدر ممكن من الراحة..

فصباح اليوم الثالت هضر عبد الله مع نوح يطمن عليهم و قال ليه بلي هاد الصباح جابو الحاجة للسبيطار حيت تزاد عليها الحال و علمو تاهوا بلي وقع لنجمة و للصدفة كانو فنفس المستشفى .. غير الحاجة ناعسة فليرجونص و نجمة خرجوها منو داك الصباح نيت و طلعوها للفوق... نزل عندهم نوح يشوف الأوضاع كيف دايرة و نيت يجيب عبد الله يشوف بنتو ..

و هو فطريقو كيقلب لمح رجل كبير واقف و عاطي بوجهو للحيط.. حاط راسو عليه و كيتنخصص و مزير على عكازو .. قرب حداه يعاونو يݣلسو لا يصدق طايح حيت بان ليه فحالة ماشي هي هاديك.. قبل ما يحط عليه يديه سمع تويشو و هو كيشكي ..

_ياربي أش درت فحياتي تا يتسلط عليا هادشي ، ربي و كبر و قري ، كانت كثر من بنتي حطيتها فعيني.. نفتاخر بيها مع راسي و قدام الناس و فلخر تعطيني ضربة للݣلب هرساتني بفعلتها..

نوح .. بشوية عليك الحاج ، آجي تݣلس

شاف فيه و ضور وجهو كيمسح دموعو و تحرك معاه يݣلس .. مد ليه قرعة دالما كان هازها معاه.. شرب شوية و رجعها ليه شكرو و بزز كيهضر مع تنخصيصة لي باقا شاداه.. ملامحه فكروه فشخص معين .. حقق فيه مزيان .. حروفو كحلين و لون دعينيه عسلي بارد ... لون مميز كأنها نقطة عسل مُقابلة للشمس.. تماما فحال عيون نجمة..!