~|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...26
وقفات فواحد الضورة تتساراح شوية.. مدات يديها كتقيس حنكها حساتو مبنج عليها و فيها جرحة صغيرة فقنوفتها...
خدات نفس عميق و رجعات للدار... ملقاتش أندريس و طلعات بشوية كتسلت حتى تصاطحات مع أنطونيو واقف فالراس ديال الدروج... شاف فيها و لمح الضربة لي فوجهها.. كانت يدو باقا مطراسية مزيان و باينة..
أنطونيو .. بصحة
زهرة .. شكرا
نزل جوج درجات تا وصل عندها.. بقات فاصلة بيناتهم درجة وحدة.. كتشوف فيه بإستغراب شباغي يصنع فحين هو رمقها بنظرة باردة كعادته ..
أنطونيو.. شي حاجة فيك ماشي هي هاديك
زهرة .. بحالاش ؟
أنطونيو .. ماعرفتش ولكن متأكد بلي نتا ماشي هو نتا ، يعني كاين احتمال أنك متحو.ل جنـ..ــسي و كاين احتمال آخر..
بلعات ريقها .. شناهوا ؟
بقا شحال كيشوف فيها و على ثغرو ابتسامة ماشي تال تما ...هز كتافه بعدم اكترات و زاد نازل..
أنطونيو .. ملي نعرف غانجي نݣولها ليك (وقف فآخر درجة و دار عندها متسائل) الحاجة لي مافهمتش علاش واحد بحالك من أصول مغاربية جاي يكمل قرايتو فميكسيكو ، على قلة الدول لي فيهم جامعات حسن من هنا مثلا ؟؟
زهرة ببرود .. ممكن
أنطونيو .. علاش كتقلب ؟ و شنو السبب لي خلاك تجي لهنا من لول ؟؟
زهرة بالعربية .. جيت كنقلب على خلا دار مك ، وايني مشطبة مع هاد زمر تاهوا
رسم على شفايفه ابتسامة باردة و زاد مكمل طريقو... كملات طريقها تاهي للفوق.. لاحت شكارتها فقنت و الطاݣية فقنت.. تأكدات بلي الباب مسدود مزيان و مشات جبدات المذكرة ، الپيسي ، كارط سيم و الغطا ديال الخنجر...
ستفاتهم قدامها و جبدات آخر حاجة... آلة الوشم..! حلات المذكرة و مشات لفخضها.. وشمات دوك الأسماء لي مكتوبين فيها و جوج نوامر تاهوما... تقصحات ولكن كلما تفكرات بلي بهاد الخطوة #ممكن تتلاقا باباها كتزيد تصبر راسها...
جبدات الصويك لي عطاها الملثم.. حلاتو و مشات للتحت ديالو...بقات كتحقق فيه شحال و كتدوز يديها ببطئ... حتى لقات بلاصة مخيطة... هزات مقص و قطعات ديك الخياطة ..
من بعد جبدات منو ورقة مطوية... حلاتها و لقات فيها بزاف دالأشكال مختلفة.. من بعيد كيبانو رسومات عادية للوشم... لكن فعالم العصابات عندهم معاني أخرى.....
#يتبع....
~|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...27
أنت تقرأ
365 يوم في سجن الرجال (في طور الكتابة)
Acción#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
