|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...59
ثاندر بصوته القوي .. ? are you gay
خرجات عينيها بصدمة من هضرتو ، ترفع واحد من حجبانه ولاخر منزلو... بلعات ريقها و نزلات راسها تتحركو بلاااا... و هي مافهاش علاش هاد السؤال مع أنه عارفها بنت...
ضحك مرة أخرى و تحرك من تما غادي خارج بحالو .. راسو كيتخبط بالأفكار و فبالو ألف حاجة و دابا تزادت عليه هي ... خلاها باقا واقفة بلاصتها متبعاه و سهات تا قفزها ريو.. عاونها تا نزلات من الصندوق و عطاها بلاصتو لي لتحت حيت متقدرش تطلع للفوق..
جلسات فيها و هو كيهز المسائل ديالو و كيبدل ليها الوسادة و ليزارات لي تما بلاخرين لي نقيين... شافها ما هازة لا صاك لا والو من غير الساشية ديال الدوا..
جر كرسي و جلس مقابل معاها.. و بقا شحال ساكت عاد مد ليها يدو مع ابتسامة خفيفة..
ريو .. أنا سميتي رَايْن ، و كيعيطو ليا ريو نتا ؟
شافت فيه و شافت فيديه.. مدات ليه يديها تترعد و قالت ..
زهرة .. متشرفين ، انا زهير و كيعيطو ليا لويس
ريو .. واش غير لقب ؟ ولا عندها علاقة بشي حاجة فحياتك ، حيت انا كيعيطو ليا ريو لجوج ديال الأسباب ، الأول حيت حياتي كاملة و انا كنهرب من بلاصة لبلاصة و فينما كنمشي لـ ريو دي جانيرو البلاصة فين تزاديت كيشدوني البوليس هه ، و السبب التاني كانو كيعطو ليا براين ، و هنا كيطلقو اسم براين على شي واحد منبوذ كنوع من الإحتقار واخا براين راها سمية عادية
استغربات من كلامه و ركزات معاه باهتمام...
زهرة .. و علاش كيݣولوها للمنبوذين ؟ و كيفاش منبوذ مفهمتش
ريو .. على حسب الأسطورة لي كضور هنا و فباقي الأجنحة بلي شحااال هادا فقديم الزمان ههه تسجن هنا شي واحد سميتو براين ، كان من أصول عربية و أسود البشرة و حيت فينما مشيتي كاينة العنصرية تا زعيم ما بغا يخدمو عندو .. ولا منبوذ وسطهم ولي داز من حداه كيسلخو و كيعاملوه باحتقار ، ناهيك على الاعتداءات الجنـ..ـسية بدون حدود حتى عيا و انتـ..ـحر ، صافي و داكشي لاش أي واحد أسود ولا عربي أو مسلم بصفة عامة كيطلقو عليه سمية براين و هدا كيعني عندهم الحق يديرو فيه ما بغاو بلاما يحاسبهم شي واحد
#يتبع...
|بَـيْـن أَيْـدي الـنُـخْـبَـة الـحَـاكِـمــة|🖤
#365_day ⏳
#في_سجن_الرجال 🔥
#Sya_blm .... Part...60
زهرة .. الحراس و الإدارة شنو كيݣولوو فهادشي ؟
ريو .. هههه هادشي أصلا کاعما كيوصل للإدارة ، الحراس دايرين خدمتهم ، عنداك يحساب ليك الحراس لي هنا ملائكة ، الحراس هوما أكبر شياطين فهاد البلاصة ، حتى هوما كيساهمو بالتعديب و الاغتصـ..ـاب و شي كيغطي على شي و أصلا الأغلبية ديال السجناء القدام كيݣولو بلي الحراس لي قتلو براين و رجعوها قضية انتـ..ـحار
أنت تقرأ
365 يوم في سجن الرجال (في طور الكتابة)
Acción#365_days_in_men's_prison ♕︎بَــيْـن أيـدي الـنُـخْبَـة الـحَـاكِـمـة...♕︎] _أتمنى مِمن لا يؤمن بما أكتب ان لا يكلف نفسه عناء قراءته... كما ارجوا مِمن يملك قلبا مرهفا عدم القراءة ايضا... و شـكراا..🖤 أبطال استثنائيين ، شاءت الاقدار و لاقاتهم فسجن ال...
